PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଭିଡ୍ ନିୟମରେ ପରିବର୍ତ୍ତନ; କରୋନା ପଜିଟିଭ୍ ରିପୋର୍ଟ ନଥିଲେ ବି ଡାକ୍ତରଖାନାରେ ମିଳିବ ଆଡ୍‌ମିଶନ
  • ||
  • ବିହାର : JDU ନେତା ତଥା MLC ତନଭୀର ଅଖତରଙ୍କ ମୃତ୍ୟୁ , କରୋନାରେ ପୀଡ଼ିତ ଥିଲେ
  • ||
  • ଦାଦନ ଖଟିବାକୁ ଯାଇ ତେଲେଙ୍ଗାନାରେ ସାପ କାମୁଡ଼ାରେ ପ୍ରାଣହରାଇଲେ ଶ୍ରମିକ
  • ||
  • ଜଳେଶ୍ୱର: ଘରୋଇ କ୍ଲିନିକରେ ପୁଣି ପ୍ରସବ ପରେ ମହିଳାଙ୍କ ମୃତ୍ୟୁ
  • ||
  • ବିରମହାରାଜପୁର : ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ସହରର ସାମ୍ବାଦିକ ଭବନ ନିକଟରେ ଅଳିଆ ଗଦାରୁ ନିଆଁ ଲାଗି ପୋଡିଗଲା ସେଲୁନ
  • ||
  • ବ୍ରହ୍ମପୁର : ବ୍ରହ୍ମପୁରରେ ପୁଲିସ ଡିଜି, ସୁରକ୍ଷା ବ୍ୟବସ୍ଥା ସମୀକ୍ଷା କରିବା ପରେ ଗିରିସଲା ସୀମାକୁ ଯିବେ
  • ||
  • ପାରାଦୀପ : ଥାନାରେ ପଶି ଧମକ ଦେବା ଅଭିଯୋଗରେ ୨ ନକଲି ସାମ୍ବାଦିକ ଗିରଫ, ଡ୍ରାଇଭର ସମେତ ୩ ଦାମୀ କାର ଜବତ
  • ||
  • ନୂଆଦିଲ୍ଲୀ : ଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧ ହଜାର ୭୮ ନୂଆ କରୋନା ଆକ୍ରାନ୍ତ ଚିହ୍ନଟ, ୪ ହଜାର ୧୮୭ ଜଣଙ୍କ ମୁଣ୍ଡ ନେଲା କରୋନା
  • ||
  • କଟକ: ଶୁକ୍ରବାର ରାତିରୁ ଏସସିବି କାଜୁଆଲଟିରେ ପଡି ରହିଛି କୋଭିଡ ସଂକ୍ରମିତଙ୍କ ମୃତଦେହ, ଏନେଇ ଅସନ୍ତୋଷ ବ୍ୟକ୍ତ କଲେ ଡାକ୍ତର ଓ କର୍ମଚାରୀ
  • ||
  • ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗିପଲ୍ଲୀ ନିକଟରେ ଓଲଟିଲା ସ୍ପିରିଟ ବୋଝେଇ ଟ୍ରକ, ୨ ଆହାତ
  • ||
  • ସାଲେପୁର : ସାଲେପୁର ସବ୍-ଜେଲରୁ ଆଉ ୯ଜଣ କଏଦୀ କରୋନା ପଜିଟିଭ୍‌ ଚିହ୍ନଟ
  • ||
  • କୋରାପୁଟ:ହଳଦୀକୁଣ୍ଡ ପଞ୍ଚାୟତର ପୁରୁଣାପାଣି ଗାଁରେ ଘଟିଲା ଆଘଟଣ, ପୋଖରୀରେ ବୁଡି ଆଖିବୁଜିଲେ ମା’- ଝିଅ
  • ||
  • ଗଞ୍ଜାମ: ପୁଇଁତୋଳା ଛକରେ ଅଟୋ ପିଟିଲା ଟ୍ରକ, ଅଟୋ ଡ୍ରାଇଭର ମୃତ ,୩ ଆହତ
  • ||
  • ଭୁବନେଶ୍ଵର : ଆଇଗିଣିଆ ଛକରେ ମର୍ମନ୍ତୁଦ ଦୁର୍ଘଟଣା, କଣ୍ଟେନର ଖସି ଟ୍ରଲର ଡ୍ରାଇଭର ମୃତ, ହେଲପର ଗୁରୁତର
  • ||
  • ଭୁବନେଶ୍ୱର : ଓଡ଼ିଶାରେ କରୋନା ନେଲା ଆଉ ୨୧ ଜଣଙ୍କ ମୁଣ୍ଡ, ମୃତ୍ୟୁ ସଂଖ୍ୟା ୨୧୬୧କୁ ବୃଦ୍ଧି
  • ||
  • ରାଞ୍ଚି : ଝାରଖଣ୍ଡର ରାଞ୍ଚିର ସଦର ହସ୍ପିଟାଲରେ ଅକ୍ସିଜେନ୍ ସପ୍ଲାଇ ବନ୍ଦ ହେବା କାରଣରୁ ୫ ରୋଗୀ ମୃତ, ଯାଞ୍ଚ୍ ନିର୍ଦ୍ଦେଶ ଦେଲେ ସ୍ଵାସ୍ଥ୍ୟମନ୍ତ୍ରୀ
  • ||
  • ଭୁବନେଶ୍ଵର : ଓଡ଼ିଶାରେ କରୋନା ବିସ୍ଫୋରଣ, ଦିନକରେ ଚିହ୍ନଟ ହେଲେ ୧୧ ହଜାର ୮୦୭ ପଜିଟିଭ ଆକ୍ରାନ୍ତ
  • ||
  • ଭୁବନେଶ୍ଵର : ଆଜି ଅଧା ଓଡ଼ିଶାରେ କାଳବୈଶାଖୀ, ୩ ଜିଲ୍ଲାରେ କୁଆପଥର ବର୍ଷିବା ନେଇ ସତର୍କ ସୂଚନା ଜାରି କଲେ ସ୍ୱତନ୍ତ୍ର ରିଲିଫ୍‌ କମିଶନର, ୧୧ରୁ ବଢ଼ିବ ତାତି
  • ||

ରେଳମନ୍ତ୍ରୀଙ୍କୁ ନବୀନଙ୍କ ଚିଠି: ଭୁବନେଶ୍ୱର-ରାଉରକେଲା-ଝାରସୁଗୁଡ଼ା ରୁଟ୍‌ରେ ଚାଲୁ ଶତାବ୍ଦୀ ଏକ୍ସପ୍ରେସ୍‌

ଭୁବନେଶ୍ୱର,୨୩ା୧(ବ୍ୟୁରୋ): ଭୁବନେଶ୍ୱରରୁ ରାଉରକେଲା ଭାୟା ଝାରସୁଗୁଡ଼ା ଦେଇ ଶତାବ୍ଦୀ ଏକ୍ସପ୍ରେସ୍‌ ଚାଲୁ । ଏହା ଲୋକଙ୍କ ଯୋଗାଯୋଗ ଆବଶ୍ୟକତାକୁ ପୂରା କରିପାରିବ । ଏହି ରୁଟ୍‌ରେ ଶତାବ୍ଦୀ ଏକ୍ସପ୍ରେସ୍‌ ଚାଲିଲେ ଆର୍ଥିକ ଦୃଷ୍ଟିରୁ ମଧ୍ୟ ରେଳବାଇ ଫାଇଦା ପାଇବ । ଏଣୁ ଭୁବନେଶ୍ୱର-ଝାରସୁଗୁଡ଼ା- ରାଉରକେଲା ରୁଟ୍‌ରେ ଶୀଘ୍ର ଶତୀବ୍ଦୀ ଏକ୍ସପ୍ରେସ୍‌ ଚଳାଚଳ କରୁ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଏହି ମର୍ମରେ କେନ୍ଦ୍ର ରେଳମନ୍ତ୍ରୀ ପିୟୂଷ ଗୋଏଲଙ୍କୁ ଚିଠି ଲେଖିଛନ୍ତି ।
ନବୀନ ତାଙ୍କ ଚିଠିରେ ଉଲ୍ଲେଖ କରି କହିଛନ୍ତି, ଓଡ଼ିଶାରେ ଚାଲୁଥିବା ଏକ୍ସପ୍ରେସ୍‌ ଟ୍ରେନ୍‌ ଭିତରୁ ଶତୀବ୍ଦୀ ଏକ୍ସପ୍ରେସ୍‌ ସେବା ପ୍ରଦାନରେ ବେଶ୍‌ ଲୋକପ୍ରିୟ । ଭୁବନେଶ୍ୱର-ଝାରସୁଗଡ଼ା- ରାଉରକେଲା ରୁଟ୍‌ରେ ଏବେ ମାତ୍ର ଗୋଟିଏ ଇଣ୍ଟରସିଟି ଏକ୍ସପ୍ରେସ୍‌ ଲୋକଙ୍କ ଯାତାୟତ ଆବଶ୍ୟକତା ପୂରା କରୁଛି । ସକାଳ ସମୟରେ ଭୁବନେଶ୍ୱରରୁ ଏହି ରୁଟ୍‌କୁ ସିଧାସଳଖ ଯୋଡୁଥିବା କୌଣସି ଏକ୍ସପ୍ରେସ୍‌ ଟ୍ରେନ୍‌ ଚାଲୁନି । ଝାରସୁଗୁଡ଼ା ରାଜ୍ୟର ଏକ ପ୍ରମୁଖ ଶିଳ୍ପ ହବ୍‌ । ରାଉରକେଲା ମଧ୍ୟ ଷ୍ଟିଲ୍‌ସିଟି ଓ ରାଜ୍ୟର ଦ୍ୱିତୀୟ ସ୍ମାର୍ଟ ସିଟି ମାନ୍ୟତା ପାଇଛି । ଏହି ଦୁଇଟି ଯାକ ସହର ରାଜ୍ୟ ପାଇଁ ଅତି ଗୁରୁତ୍ୱ ବହନ କରୁଛନ୍ତି । କିନ୍ତୁ ଭୁବନେଶ୍ୱରରୁ ଏହି ଦୁଇ ସହରକୁ ଯୋଡୁଥିବା କୌଣସି ଟ୍ରେନ୍‌ ସକାଳ ବେଳା ଚାଲୁନି । ଏହି ରୁଟ୍‌ରେ କେବଳ ଇଣ୍ଟରସିଟି ଏକ୍ସପ୍ରେସ୍‌ ଲୋକଙ୍କ ଟ୍ରେନ୍‌ ସେବା ଓ ପରିବହନ ଆବଶ୍ୟକତା ପୂରଣ କରୁଛି । ଏମିତି କି ଇଣ୍ଟରସିଟି ଏକ୍ସପ୍ରେସ୍‌ ତା’ କ୍ଷମତାଠାରୁ ୧୨୦ପ୍ରତିଶତ ଅଧିକ ଯାତ୍ରୀ ପରିବହନ କରୁଛି । ଏଣୁ ଏହି ରୁଟ୍‌ରେ ଶତୀବ୍ଦୀ ଏକ୍ସପ୍ରେସ୍‌ ଚାଲିଲେ ଲୋକେ ବେଶ୍‌ ଉପକୃତ ହେବେ ବୋଲି ନବୀନ ଚିଠିରେ ଲେଖିଛନ୍ତି ।
ଓଡ଼ିଶା ସବୁବେଳେ ରେଳବାଇର ଅଭିବୃଦ୍ଧିରେ ବଡ଼ ଅବଦାନ ଦେଇ ଆସିଛି । ଭାରତୀୟ ରେଳବାଇର ରାଜସ୍ୱ କ୍ଷେତ୍ରରେ ଓଡ଼ିଶା ଏକ ପ୍ରମୁଖ ରାଜ୍ୟ । ଉଭୟ ମାଲ୍‌ ପରିବହନ ଓ ଯାତ୍ରୀ ପରିବହନରେ ଓଡ଼ିଶା ଅନ୍ୟ ରାଜ୍ୟଠାରୁ ଆଗରେ ରହିଛି । ଏଣୁ ସବୁ ଦିଗକୁ ବିଚାର କରି ଭୁବନେଶ୍ୱର-ଝାରସୁଗୁଡ଼ା- ରାଉରକେଲା ରୁଟ୍‌ରେ ପ୍ରିମିୟମ୍‌ ଶତାବ୍ଦୀ ଏକ୍ସପ୍ରେସ୍‌ ଚଳାଚଳ କରୁ ବୋଲି ନବୀନ ଚିଠିରେ ଅନୁରୋଧ କରିଛନ୍ତି ।