PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ଗୋଏଲଙ୍କୁ ଚିଠି ଲେଖି କ୍ଷୋଭ ଜଣାଇଲେ ନବୀନ: କୋଇଲା ରୟାଲଟି ତୁରନ୍ତ ବଢ଼ାଅ

ଭୁବନେଶ୍ୱର,୧୦ା୩(ବ୍ୟୁରୋ): ଦେଶରେ ଉତ୍ପାଦିତ ମୋଟ କୋଇଲାର ଏକ ପଞ୍ଚମାଂଶ ଭାଗ କେବଳ ଓଡ଼ିଶାରୁ ଉତ୍ପାଦନ ହେଉଛି । କୋଇଲା ଉତ୍ପାଦନ ଯୋଗୁ ପରିବେଶ ଉପରେ ପ୍ରଭାବ ଓ ବିସ୍ଥାପନ ଭଳି ଅନେକ ସମସ୍ୟାକୁ ରାଜ୍ୟ ସହୁଛି । ଏହା ସତ୍ତେ୍ୱ ଦୀର୍ଘ ୬ବର୍ଷ ହେଲାଣି କୋଇଲାର ରୟାଲଟି ବଢ଼ିନି । ତୁରନ୍ତ ଏହା ଉପରେ କେନ୍ଦ୍ର ବିଚାର କରୁ । କେନ୍ଦ୍ର କୋଇଲା ମନ୍ତ୍ରୀ ପିୟୁଷ ଗୋଏଲଙ୍କୁ ଚିଠି ଲେଖି କ୍ଷୋଭ ଜଣାଇବା ସହ କୋଇଲା ରୟାଲଟି ବଢ଼ାଇବାକୁ ଦାବି କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ନବୀନ ଚିଠିରେ ଉଲ୍ଲେଖ କରିଛନ୍ତି, କୋଇଲା ରୟାଲଟି ପୁନଃନିର୍ଦ୍ଧାରଣ କରିବାକୁ ଗତ ବର୍ଷ ଫେବ୍ରୁଆରୀରେ ଅନୁଧ୍ୟାନକାରୀ ଦଳ ଚୂଡ଼ାନ୍ତ ସୁପାରିଶ କରିଥିଲେ । କିନ୍ତୁ ଏବେ ବି ଏହା କେନ୍ଦ୍ର ସରକାରଙ୍କ ବିଚାରାଧୀନ ରହିଛି । କୋଇଲା ରୟାଲଟି ୧୪ପ୍ରତିଶତରୁ ୨୦ପ୍ରତିଶତକୁ ବଢ଼ାଇବାକୁ ରାଜ୍ୟ ସରକାର ଅନେକ ଦିନ ତଳୁ ପୁରୁଣା ଦାବି ଦୋହରାଇ ଆସୁଛନ୍ତି । କୋଇଲା ଖଣିରୁ କେନ୍ଦ୍ର ସରକାର ଆର୍ଥିକ ଫାଇଦା ପାଉଛନ୍ତି । କିନ୍ତୁ ଓଡିଶାର ଦାବି ସବୁବେଳେ ଅଣଦେଖା କରାଯାଉଛି । ଏମ୍‌ଏମ୍‌ଡିଆର୍‌ ଆକ୍ଟ ଅନୁସାରେ ପ୍ରତି ୩ ବର୍ଷରେ କୋଇଲା ରୟାଲଟି ପୁନଃ ନିର୍ଦ୍ଧାରଣ କରିବା କଥା । କେନ୍ଦ୍ର ସରକାର ସେସ୍‌ ବାବଦରେ ରାଜ୍ୟର କୋଇଲା ଖଣିରୁ ୨୦୧୮ ମାର୍ଚ୍ଚ ମାସ ସୁଦ୍ଧା ପ୍ରାୟ ୧୭ହଜାର ୩୦୦କୋଟି ଟଙ୍କା ଆଦାୟ କରିଥିଲେ । କିନ୍ତୁ ରାଜ୍ୟ ସରକାର ନିର୍ଦ୍ଧାରିତ ସମୟ ଭିତରେ ମାତ୍ର ୧୧ହଜାର କୋଟି ଟଙ୍କା ପାଇଛନ୍ତି । ଏହାକୁ ତତ୍କାଳ ବିଚାର କରିବାକୁ ନବୀନ ଲେଖିଥିବା ଚିଠିରେ କୋଇଲା ମନ୍ତ୍ରୀଙ୍କୁ ଅନୁରୋଧ କରିଛନ୍ତି ।
ମହାନଦୀ କୋଲଫିଲ୍ଡସ୍‌ ଲିଃ(ଏମ୍‌ସିଏଲ୍‌) ୨୦୧୪-୧୫ ରେ ୫୩୧୪କୋଟି ଟଙ୍କାର ଲାଭ(ପିବିଟି) କରିଥିଲା । କିନ୍ତୁ ୨୦୧୭-୧୮ ବର୍ଷରେ ଏହି ଲାଭ ପରିମାଣ ବଢି଼ଥିଲା । ମୋଟ ୭୩୩୯.୬୬ କୋଟି ଟଙ୍କା ଆଦାୟ କରିଥିଲା । ପ୍ରାୟ ୩୮ପ୍ରତିଶତ ଅଭିବୃଦ୍ଧି ହୋଇଥିଲା । କିନ୍ତୁ ଓଡ଼ିଶାକୁ କ୍ଷତିପୂରଣ ବାବଦରେ ଦେବାକୁ ଥିବା ୮ହଜାର ୨୯୭କୋଟି ଏ ଯାଏ ଏମ୍‌ସିଏଲ ଦେଉନି । ଅନୁମତିଠାରୁ ଅଧିକ କୋଇଲା ଉତ୍ତୋଳନ କରିଥିବାରୁ ଏମସିଏଲ୍‌ ରାଜ୍ୟକୁ ଏହି ଜରିମାନା ରାଶି ଦେବା କଥା । ଜରିମାନା ରାଶି ପଇଠ କରିବାକୁ ଏମ୍‌ସିଏଲ୍‌କୁ ନିର୍ଦ୍ଦେଶ ଜାରି କରିବାକୁ ମଧ୍ୟ ନବୀନ ତାଙ୍କ ଚିଠିରେ ଗୋଏଲଙ୍କ ଦୃଷ୍ଟି ଆକର୍ଷଣ କରିଛନ୍ତି ।
ଏଥିସହ ନିୟମ ଅନୁସାରେ ଏମ୍‌ସିଏଲ୍‌ ପୂର୍ବରୁ କୋଇଲା ଉତ୍ତୋଳନ କରିଥିବା ଦୁଇଟି ଭୂତଳ ଖଣିରେ ବାଲି ଭରିବା କାମ ସମ୍ପୂର୍ଣ୍ଣ କରିନି । ଏଥିପାଇଁ ସବୁବେଳେ ମାଟି ଦବିବା ଆଶଙ୍କା ରହୁଛି । ତୁରନ୍ତ ଏହି ବାଲି ଭରିବା କାମ ସାରିବାକୁ ଏମ୍‌ସିଏଲକୁ ନିର୍ଦ୍ଦେଶ ଦେବାକୁ ନବୀନ ଚିଠିରେ ଉଲ୍ଲେଖ କରିଛନ୍ତି ।