ଆଜିଠୁ କେନ୍ଦ୍ରାପଡ଼ାରେ ନବୀନଙ୍କ ଦୁଇଦିନିଆ ରୋଡ୍‍ ସୋ’

କେନ୍ଦ୍ରାପଡ଼ା,୨୫ା୪(ଆପ୍ର): କିଛିଦିନ ଆଗରୁ କେନ୍ଦ୍ରାପଡ଼ାର ଦୁଇ ପୃଥକ ସ୍ଥାନରେ ନିର୍ବାଚନୀ ସଭାରେ ଯୋଗ ଦେବା ପରେ ଏବେ ରୋଡ୍‍ ସୋ’ରେ ଆସୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏପ୍ରିଲ ୨୬, ୨୭ରେ ଦୁଇଦିନ ଧରି ପ୍ରଚାର କରିବା ସହିତ ଦଳୀୟ ପ୍ରାର୍ଥୀଙ୍କ ସପକ୍ଷରେ ଭୋଟ୍‌ ଭିକ୍ଷା କରିବେ ହାଇକମାଣ୍ଡ । ଆସନ୍ତକାଲି ଅର୍ଥାତ ଏପ୍ରିଲ ୨୬ ତାରିଖ ସକାଳେ ଜଗତସିଂହପୁରରେ କାର୍ଯ୍ୟକ୍ରମ ସାରିବା ପରେ ୧୧ ସୁଦ୍ଧା ପହଞ୍ଚିବେ କେନ୍ଦ୍ରାପଡ଼ା ଜିଲ୍ଲାର ମହାକାଳପଡ଼ା ବ୍ଲକ ଅନ୍ତର୍ଗତ ଖରିନାସୀ ପଞ୍ଚାୟତ ହରିଆବାଙ୍କ ଗ୍ରାମରେ । ଏଠାରେ ହୋଇଥିବା ହେଲିପ୍ୟାଡ୍‌ରେ ଅବତରଣ କରିବା ପରେ ରୋଡ୍‌ ସୋ’ କରିବେ । ହରିଆବାଙ୍କଠାରୁ ଆରମ୍ଭ କରି ମାର୍ଶାଘାଇ କେନାଲ ବ୍ରିଜ୍‍ ଦେଇ ମହାକାଳପଡ଼ା, ହଳଦିଆଗଡ଼ା ଭାୟ ମାର୍ଶାଘାଇ, ପାଟକୁରା, ଗରଦପୁର ସହ ଆଖପାଖ ଅଞ୍ଚଳ ବୁଲିବେ । ପରେ ଅପରାହ୍ଣ ଗୋଟାଏ ସୁଦ୍ଧା ଗରଦପୁର ଡାକବଙ୍ଗଳାରେ ଅବସ୍ଥାନ କରିବେ । ସେଠାରୁ ପୁଣି ରୋଡ୍‍ ଶୋ’ ୩ଟାରୁଠାରୁ ଆରମ୍ଭ ହୋଇ ସନ୍ଧ୍ୟା ୬ଟା ବେଳକୁ କେନ୍ଦ୍ରାପଡ଼ା ଟାଉନ୍‌ରେ ପହଞ୍ଚିବେ । ଏହି ଅବସରରେ ନବୀନ କେନ୍ଦ୍ରାପଡ଼ା ଟାଉନ୍‌ ପରିକ୍ରମା ସହ ଶ୍ରୀବଳଦେବଜିଉଙ୍କ ଆଶୀର୍ବାଦ ଲାଭ କରିବେ ।

ପୁଣି ରାତି ୯ଟା ବେଳକୁ ଜଣ୍ଟିଲୋ ଡାକବଙ୍ଗଳାରେ ବିଶ୍ରାମ ନେବାର କାର୍ଯ୍ୟକ୍ରମ ରହିଛି । ଏଠାରୁ ସକାଳ ୯ଟା ୧୫ରୁ ବାହାରି ରୋଡ୍‌ ସୋ’ କରିବାର କାର୍ଯ୍ୟକ୍ରମ ରହିଛି । ମଧ୍ୟାହ୍ନ ୧୨ଟା ୧୫ରେ ଆଳି ଡାକବଙ୍ଗଳାରେ ଅବସ୍ଥାନ କରିବେ । ପୁଣି ୧ ଟା ୪୫ରୁ ରୋଡ୍‍ ସୋ’ କରି ଆଳି, ରାଜକନିକା, ଓଳାଭର ଯାଏ ଚାଲୁ ରହିବ । ସେଠାରୁ ଓଳାଭରଠାରେ ଥିବା ହେଲିପ୍ୟାଡ୍‌ ପାଖରେ ପହଞ୍ଚିବା ପରେ ଏଠାରୁ ସାଲେପୁର, ଟାଙ୍ଗୀରେ ପ୍ରଚାର ଲାଗି ହେଲିକପ୍ଟରରେ ଯିବେ । ସେଠାରେ ପହଞ୍ଚିବା ପରେ ରୋଡ୍‍ ସୋ’ରେ ଭାଗ ନେବେ ମୁଖ୍ୟମନ୍ତ୍ରୀ ।
ଅନ୍ୟପକ୍ଷେ ଦଳର ମୁଖିଆଙ୍କ ଆଗମନକୁ ନେଇ କେନ୍ଦ୍ରାପଡ଼ାର ବିଭିନ୍ନ ନିର୍ବାଚନମଣ୍ଡଳୀ ୱାରୀ ନେତାମାନେ ସକ୍ରିୟ ହୋଇଉଠିଛନ୍ତି । ସମସ୍ତେ ଲାଗିପଡ଼ିଛନ୍ତି ରୋଡ୍‍ ସୋ’ ସଫଳ କରିବାକୁ । ମହାକାଳପଡ଼ାଠାରୁ ରୋଡ୍‍ ସୋ’ ଆରମ୍ଭ ହେଉଥିବାରୁ ମହାକାଳପଡ଼ା ବିଧାୟକ ତଥା ବିଜେଡି ପ୍ରାର୍ଥୀ ଅତନୁ ସବ୍ୟସାଚୀ ନାୟକ ପୂରା ଦମ୍‌ରେ ପ୍ରସ୍ତୁତିରେ ଲାଗିପଡ଼ିଛନ୍ତି । ପୂର୍ବରୁ ନିଜେ ଶ୍ରୀ ନାୟକ ଷ୍ଟାର କ୍ୟାମ୍ପନେର ତଥା ସାଂସଦ ପ୍ରାର୍ଥୀ ଅନୁଭବ ମହାନ୍ତି, ତାଙ୍କ ପତ୍ନୀ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ସହ ପ୍ରଚାରକୁ ଜୋର୍‌ଦାର୍‌ କରିଥିବାବେଳେ ଏବେ ନବୀନଙ୍କ ରୋଡ୍‍ ସୋ’ । ପୂର୍ବରୁ ନବୀନ ବହୁବାର ମହାକାଳପଡ଼ା ଗସ୍ତ କରି ଅଞ୍ଚଳବାସୀଙ୍କ ହୃଦୟ ଜିଣିବାକୁ ସମର୍ଥ ହୋଇଥିବା କହିଛନ୍ତି ଦଳୀୟ କାର୍ଯ୍ୟକର୍ତ୍ତା । ସମଗ୍ର କେନ୍ଦ୍ରାପଡ଼ା ଜିଲ୍ଲାରେ କେମିତି କାର୍ଯ୍ୟକ୍ରମ ସଫଳତାର ସହ ସରିବା ସହିତ ଦଳୀୟ ପ୍ରାର୍ଥୀ ଅଧିକରୁ ଅଧିକ ଭୋଟରେ ଜିତିବେ ସମସ୍ତେ ଲାଗିପଡ଼ିଛନ୍ତି ।

   ସମ୍ବନ୍ଧିତ ଖବର


ପୋଲ ତଳକୁ ଖସିଲା ପାଉଁଶ ବୋଝେଇ ଟ୍ରକ୍‌, ଅଳ୍ପକେ ବର୍ତ୍ତିଲେ ଡ୍ରାଇଭର

ଆଜି ୮ ଜିଲ୍ଲାରେ ବର୍ଷା ସମ୍ଭାବନା: ଓଡ଼ିଶାକୁ ଥରାଇଲା କୋହଲା ପାଗ

ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗ : ଭିଜିଲାନ୍ସ ଜାଲରେ କୋଟିପତି ଆକାଉଣ୍ଟାଣ୍ଟ

୨୦ ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡିଲେ ବିଏମସି ଅଧିକାରୀ

୭ ବର୍ଷର ଝିଅକୁ ଧରି ପ୍ରେମିକ ସହ ଚମ୍ପଟ ମାରିଲେ ମହିଳା, ବିଚରା ସ୍ୱାମୀ ଥାନାରେ କରୁଛି ଗୁହାରୀ

ଆଜିଠୁ ୨୭ ତାରିଖ ଯାଏଁ ମିଳିବ ମାଟ୍ରିକ୍ ‌ ସପ୍ଲିମେଣ୍ଟାରୀ ସାର୍ଟିଫିକେଟ୍‌