PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ଜ୍ଞାନବ୍ୟାପୀ ମସଜିଦ୍‌ ବିବାଦ। ୩୦ରେ ଦୁଇ ପକ୍ଷଙ୍କୁ ମିଳିପାରେ ସର୍ଭେ ଭିଡିଓ। ଜ୍ଞାନବ୍ୟାପୀ ସର୍ଭେ ଭିଡିଓକୁ ନେଇ ଜିଲ୍ଲା କୋର୍ଟଙ୍କ ନିର୍ଦ୍ଦେଶ। ଆସନ୍ତା ୩୦ରୋ ଦୁଇ ପକ୍ଷଙ୍କୁ ମିଳିପାରେ ଭିଡିଓ।
  • ||
  • କଟକ : ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ କଡ଼ା ତାଗିଦ୍, ସୋସିଆଲ ମିଡିଆରେ ପରସ୍ପରକୁ ଆକ୍ଷେପ ନ କରିବାକୁ ନିର୍ଦ୍ଦେଶ
  • ||
  • ସୋର: ରାସ୍ତାରେ ହଟହଟା ହେଲେ ଖଇରା ବିଦ୍ୟୁତ୍ ବିଭାଗ ଏସଡିଓ, ଅସ୍ଥାୟୀ ମିଟର ରିଡର କର୍ମଚାରୀଙ୍କ ବହିଷ୍କାର ଆଶଙ୍କାରେ ଆକ୍ରୋଶର ଶିକାର…
  • ||
  • ଭୁବନେଶ୍ବର: ଟିଚିଂ ହସ୍ପିଟାଲ ଭାବେ ଘୋଷଣା ହେଲା କ୍ୟାପିଟାଲ ହସ୍ପିଟାଲ, ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ମାଷ୍ଟର ପ୍ଲାନ୍, ୨୮୫ କୋଟି ଅନୁମୋଦନ…
  • ||
  • ଭୁବନେଶ୍ୱର: ପେଟ୍ରୋଲିୟମ ଡିଲର୍ସ ଆସୋସିଏସନର ପକ୍ଷରୁ ଦୁଇ ଦିନିଆ ଧର୍ମଘଟ, ସନ୍ଧ୍ୟା ୬ରୁ ସକାଳ ୬ ବନ୍ଦ ରହିବ ସମସ୍ତ ପେଟ୍ରୋଲ ଟାଙ୍କି
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ବାହାରିଲେ ୦୯ ଜଣ କରୋନା ପଜିଟିଭ
  • ||
  • ଭୁବନେଶ୍ୱର: ‘କୋକୋ’ ଆପ୍‌ରେ ଋଣ ଠକେଇ ମାମଲା : ଦିଲ୍ଲୀରୁ ଧରାପଡି଼ଲା ମୁଖ୍ୟ କାର୍ପଟଦାର ରାମ, ୧୦୫୮ ଭର୍ଚୁଆଲ୍‌ ବ୍ୟାଙ୍କ ଆକାଉଣ୍ଟ ଫ୍ରିଜ୍
  • ||
  • ଚିଲିକା : ଯାତ୍ରୀବାହୀ ଡଙ୍ଗାର ଭାଙ୍ଗିଲା ମେସିନ୍ ସ୍ଲାବ, ଚିଲିକା ମଝିରେ ଅଟକିଲେ ୪୦ରୁ ଅଧିକ ଯାତ୍ରୀ
  • ||
  • କଟକ: ଅନୁଭବ-ବର୍ଷା ବିବାହ ବିବାଦ: “ବର୍ଷା ନିଜେ ଚଲାଉଛନ୍ତି ଫ୍ୟାନ୍‌ କ୍ଲବ୍‌ ପେଜ୍‌’
  • ||
  • ଭୁବନେଶ୍ୱର: ଆସିବ ସ୍ୱଚ୍ଛତା, ଲୋକଙ୍କୁ ମିଳିବ ସୁବିଧା: ଆଜିଠୁ ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ଆଦାୟ କରିବ ବିଏମ୍‌ସି
  • ||
  • ସୁନ୍ଦରଗଡ : ଓସିଏଲ୍‌ ଆଇରନ କାରଖାନାରୁ ଲୁହା ଚୋରି କରୁଥିଲା ଚୋର, ଛାତରୁ ପଡି ଚାଲିଗଲା ଜୀବନ
  • ||
  • ଭୁବନେଶ୍ୱର: ଟ୍ରାଫିକ୍‌ ଯନ୍ତ୍ରଣାରୁ ମିିଳିବ ମୁକ୍ତି: ଜୟଦେବ ବିହାରରୁ ନନ୍ଦନକାନନ ମଧ୍ୟରେ ନିର୍ମାଣ ହେବ ସବୁଠାରୁ ଦୀର୍ଘତମ ଫ୍ଲାଏଓଭର
  • ||

ଅବହେଳା ସ୍ୱରକୁ ଶାଣିତ କଲେ ନବୀନ, କେନ୍ଦ୍ର ଦେଉନି ୬୪୦୦ କୋଟି

ଭୁବନେଶ୍ୱର,୨୮ ।୧(ବ୍ୟୁରୋ):ଦିଲ୍ଲୀରେ ପୁଣି କେନ୍ଦ୍ରୀୟ ଅବହେଳା ପ୍ରସଙ୍ଗ ଉଠାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟରେ କାର୍ଯ୍ୟକାରୀ ହେଉଥିବା କେନ୍ଦ୍ରୀୟ ଯୋଜନାରେ ୬୪୦୦ କୋଟି ଟଙ୍କା କେନ୍ଦ୍ର ଦେଉନି, ଗଡ଼ାଇ ଚାଲିଛି । ଚଳିତ ଆର୍ଥିକ ବର୍ଷ ଶେଷ ହେବାକୁ ବସିଥିଲା ବେଳେ କେନ୍ଦ୍ର ନିଜ ଅଂଶଧନ ଦେଉନଥିବାରୁ ରାଜ୍ୟରେ ପ୍ରକଳ୍ପ ମଠଉଛି । ଏମିତି ଅଭିଯୋଗ କରିଛନ୍ତି ନବୀନ । ଏପରିକି ଯୋଜନାୱାରୀ କେଉଁ ପ୍ରକଳ୍ପରେ କେନ୍ଦ୍ର କେତେ ଟଙ୍କା ବାକି ରଖିଛି ମୁଖ୍ୟମନ୍ତ୍ରୀ ତା’ର ହିସାବ ମଧ୍ୟ ରଖିଛନ୍ତି । କେନ୍ଦ୍ରର ଏଭଳି ଟାଳଟୁଳ ମନୋଭାବରୁ ରାଜ୍ୟର ପ୍ରଗତି ବାଧାପ୍ରାପ୍ତ ହେଉଛି ବୋଲି ନବୀନ ଖୋଲା ଅଭିଯୋଗ କରିଛନ୍ତି ।
ନୂଆଦିଲ୍ଲୀ ଗସ୍ତରେ ଯାଇ ମୁଖ୍ୟମନ୍ତ୍ରୀ ସୋମବାର ବିଭିନ୍ନ କେନ୍ଦ୍ରୀୟ ପ୍ରବର୍ତ୍ତିତ ଯୋଜନାର ସମୀକ୍ଷା କରିଥିଲେ । ସମୀକ୍ଷା କରେ ମୁଖ୍ୟମନ୍ତ୍ରୀ କେନ୍ଦ୍ରର ଓଡ଼ିଶା ବିରୋଧୀ ମନୋଭାବକୁ ଗଣମାଧ୍ୟମ ସମ୍ମୁଖରେ ସ୍ପଷ୍ଟ କରିଥିଲେ । ତାଙ୍କ ଅଭିଯୋଗ ଅନୁସାରେ କେନ୍ଦ୍ର ଯୋଜନା କରୁଛି, ମାତ୍ର ଠିକ୍‌ ସମୟରେ ପାଣ୍ଠି ଦେଉନି । ୨୦୧୮-୧୯ ଆର୍ଥିକ ବର୍ଷ ଶେଷ ହେବାକୁ ଆଉ ମାତ୍ର ଦୁଇ ମାସ ବାକିଥିଲା ବେଳେ କେନ୍ଦ୍ର ଉପରେ ବହୁ ପାଣ୍ଠି ବକେୟା ଗଡୁଛି । କୃଷିରୁ ଆରମ୍ଭ କରି ଗ୍ରାମାଞ୍ଚଳ ଗୃହ ନିର୍ମାଣ ଯାଏ ସବୁ କ୍ଷେତ୍ରରେ କେନ୍ଦ୍ର ପାଣ୍ଠି ଦେଉନି ।
ମୁଖ୍ୟମନ୍ତ୍ରୀ ଉଦ୍‌ବେଗ ପ୍ରକାଶ କରି କହିଛନ୍ତି, ଗ୍ରାମାଞ୍ଚଳ ଗୃହ ନିର୍ମାଣକୁ ରାଜ୍ୟ ଫୋକସ୍‌ କରୁଥିଲା ବେଳେ କେନ୍ଦ୍ର ଏଯାଏ ୧ ହଜାର କୋଟିରୁ ଉଧ୍ୱର୍ ପାଣ୍ଠି ଦେଇନି । ସମ୍ବେଦନଶୀଳ ସ୍ୱାସ୍ଥ୍ୟ ସେବାରେ ମଧ୍ୟ ୩୭୫ କୋଟି ବାକି ଗଡୁଛି । ସେହିଭଳି ମନରେଗାରେ ୪୦୦ କୋଟି ଏବଂ କୃଷିରେ ୬୫୦ କୋଟିରୁ ଉଧ୍ୱର୍ ପାଣ୍ଠି କେନ୍ଦ୍ର ବାକି ରଖିଛି । ଏପରିକି ପାନୀୟ ଜଳ ଯୋଗାଇବାକୁ ରାଜ୍ୟ ସରକାର ନିଜସ୍ୱ ପାଣ୍ଠିରୁ ୩ ହଜାର କୋଟି ଟଙ୍କା ଖର୍ଚ୍ଚ କରିଥିଲା ବେଳେ କେନ୍ଦ୍ର ନିଜ ଅଂଶ ବାବଦକୁ ୧୮୦ କୋଟି ଟଙ୍କା ଦେବା ବଦଳରେ ମାତ୍ର ୮୦ କୋଟି ପାଣ୍ଠି ଦେଇଛି । ସ୍ମାର୍ଟ ସିଟି ଦାରିଦ୍ର‌୍ୟ ଦୂରୀକରଣରେ ୨୦୦ କୋଟିରୁ କେନ୍ଦ୍ର ଏଯାଏ ମାତ୍ର ୬ କୋଟି ଟଙ୍କା ଦେଇଛି ବୋଲି ନବୀନ ଅଭିଯୋଗ କରିଛନ୍ତି ।
ରାଜ୍ୟ କେନ୍ଦ୍ରୀୟ ଯୋଜନାରୁ ପାଇବାକୁ ଥିବା ଅର୍ଥ କିଭଳି ଫେବ୍ରୁଆରୀ ଶେଷ ସୁଦ୍ଧା ମିଳିପାରିବ ସେଥିପାଇଁ ଦିଲ୍ଲୀ ଆବାସିକ ଆୟୁକ୍ତଙ୍କ କାର୍ଯ୍ୟାଳୟର ଅଧିକାରୀମାନେ ଧ୍ୟାନ ଦେଇ କାମ କରିବାକୁ ନିର୍ଦ୍ଦେଶ ଦେଇଛନ୍ତି । ଏଥିପାଇଁ ସ୍ୱତନ୍ତ୍ର ଭାବେ ଏକ ୧୦ ଜଣିଆ ଅଫିସର ଦଳ ଗଠନ କରଯାଇଛି । କିଭଳି ରାଜ୍ୟକୁ ଅନୁମୋଦିତ ପାଣ୍ଠି ତୁରନ୍ତ ମିଳିବ ସେ ଦିଗରେ ଏହି ଟିମ୍‌ କାମ କରିବ ବୋଲି ଜଣାଯାଇଛି ।
ଉଲ୍ଲେଖଯୋଗ୍ୟ, ଭୋଟ ଯେତିକି ପାଖେଇ ଆସୁଛି ମୁଖ୍ୟମନ୍ତ୍ରୀ କେନ୍ଦ୍ରୀୟ ଅବହେଳା ସ୍ୱରକୁ ସେତିକି ଶାଣିତ କରୁଛନ୍ତି । ନୂଆଦିଲ୍ଲୀରେ ବିଜେଡିର କୃଷକ ଅଧିକାର ସମାବେଶରେ ସିଧା କେନ୍ଦ୍ରକୁ ଆକ୍ରମଣ କରିବା ସହ ଚାଷୀଙ୍କୁ ଧାନ ଏମଏସପି ଦେବାରେ କେନ୍ଦ୍ର କୁନ୍ଥକୁନ୍ଥ ହେଉଛି ବୋଲି ଅଭିଯୋଗ ଆଣିଥିଲେ । ଏପରିକି ରାଜ୍ୟକୁ ଆର୍ଥିକ ସ୍ୱାୟତ୍ତତା ଦେବାକୁ ମଧ୍ୟ ଦାବି ରଖିଥିଲେ । ନବୀନ ଚଢ଼ା ସ୍ୱରରେ କହିଥିଲେ, ନିଜ ଉôପାଦିତ ସାମଗ୍ରୀର ହକ୍‌ ପାଇବା ଚାଷୀଙ୍କ ହକ୍‌, କାହାର ଦୟା ନୁହେଁ । କେନ୍ଦ୍ର ନିଜ ଦାୟିତ୍ୱରୁ ଖସି ଯାଇପାରିବ ନାହିଁ । ଆମକୁ ଯଦି କେନ୍ଦ୍ର ଆର୍ଥିକ ସ୍ୱାଧୀନତା ଦେଇଥାନ୍ତା, ଆମକୁ ଦିଲ୍ଲୀ ଆସିବାକୁ ପଡ଼ିନଥାନ୍ତା । ନିକଟରେ ସ୍ୱତନ୍ତ୍ର ରାଜ୍ୟ ପାହ୍ୟା ଦାବିକୁ ଦୋହରାଇ ମୁଖ୍ୟମନ୍ତ୍ରୀ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଥିଲେ । ଓଡ଼ିଶାକୁ ଏଥିରୁ ବଞ୍ଚିତ କରି କେନ୍ଦ୍ର ଐତିହାସିକ ଅବହେଳା କରିଆସୁଛି ବୋଲି ନବୀନ ଅଭିଯୋଗ କରିଛନ୍ତି ।