PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ରାହୁଲଙ୍କ ରିମୋଟ୍‌ ମନ୍ତବ୍ୟ: ନବୀନ କହିଲେ ବକୱାସ୍‌

source:www.livemint.com

ଭୁବନେଶ୍ୱର,୨୮ ।୧(ବ୍ୟୁରୋ): ପ୍ରଶ୍ନ ଶୁଣୁ ଶୁଣୁ ହସି ଉଠିଲେ ନବୀନ । କହିଲେ ଏସବୁ ବିଲ୍‌କୁଲ୍‌ ବକୱାସ୍‌ ।
‘ନବୀନଙ୍କ ରିମୋଟ୍‌ ମୋଦିଙ୍କ ହାତରେ । ମୋଦି ଯାହା କହୁଛନ୍ତି ସେଥିରେ ନବୀନ ହଁ ମାରୁଛନ୍ତି । ମୋଦିଙ୍କ ପାର୍ଟନର ହେଉଛନ୍ତି ନବୀନ ।’
ଓଡ଼ିଶା ଗସ୍ତ ବେଳେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ସମାବେଶରେ ଏମିତି ଅଭିଯୋଗ କରିଥିଲେ । କଣ କହିବେ…? ସାମ୍ବାଦିକମାନଙ୍କ ଏମିତି ପ୍ରଶ୍ନ ଶୁଣି ହସି ହସି ଏମିତି ଉତ୍ତର ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଏକଦମ ବେପରୁଆ ଢଙ୍ଗରେ ନବୀନ ଏ ପ୍ରଶ୍ନକୁ ହସି ହସି ଉଡ଼ାଇ ଦେଇଥିଲେ । ଆଦୌ ସିରିୟସ୍‌ ହୋଇନଥିଲେ ।
ଉଲ୍ଳେଖଯୋଗ୍ୟ, ଗତ ୨୫ରେ ରାହୁଲ ଓଡିଶା ଗସ୍ତରେ ଆସିଥିଲା ବେଳେ ମୋଦି-ନବୀନ ଭିତିରି ବୁଝାମଣା ଥିବା ନେଇ ରାହୁଲ ଆକ୍ଷେପ କରିଥିଲେ । ମୋଦିଙ୍କୁ ଟାର୍ଗେଟ କରି ସେ କହିଲେ, ଚୌକିଦାର ଚୋରି କରିଛନ୍ତି । ହେଲେ ଓଡ଼ିଶାରେ ବି ବହୁ ଚୋରି ହେଲାଣି । ଏଠି ଚିଟ୍‌ଫଣ୍ଡ ଦୁର୍ନୀତିରେ ରାଜ୍ୟ ସରକାରଙ୍କ ସଂପୃକ୍ତି ରହିଛି । ଚିଟ୍‌ଫଣ୍ଡ ଦୁର୍ନୀତି ଯୋଗୁ ଓଡ଼ିଶାର ରିମୋଟ୍‌ ଭ୍ରଷ୍ଟ ଚୌକିଦାରଙ୍କ ହାତରେ ରହିଛି । ମୋଦି ଯେମିତି ବଟନ୍‌ ଟିପୁଛନ୍ତି, ନବୀନ ସେମିତି ପରିଚାଳିତ ହେଉଛନ୍ତି । ସଂସଦରେ ବିଲ୍‌ ପାସ୍‌ ହେଉ କି ନୋଟ୍‌ ବନ୍ଦୀ କିମ୍ବା ଜିଏସ୍‌ଟି ପ୍ରସଙ୍ଗ, ମୋଦିଙ୍କ ସବୁ ନିଷ୍ପତ୍ତିରେ ନବୀନ ହଁ ମାରୁଛନ୍ତି । କାରଣ ତାଙ୍କ ରିମୋଟ୍‌ ମୋଦିଙ୍କ ହାତରେ । ଦିଲ୍ଲୀର ମୋଦି ସରକାର ଏବଂ ଓଡ଼ିଶାର ନବୀନ ସରକାରଙ୍କ ଚିନ୍ତାଧାରା ବି ସମାନ । ଉଭୟ ସରକାର ୧୦/୧୫ଜଣ ଶିଳ୍ପପତିଙ୍କ ବିକାଶ ପାଇଁ ବ୍ୟଗ୍ର । ଆଉ ନବୀନ କେନ୍ଦ୍ରଠାରୁ ଓଡ଼ିଶାର ହକ୍‌ ମାଗିପାରୁନାହାନ୍ତି ।
ଅବଶ୍ୟ ରାହୁଲଙ୍କ ଏଭଳି ଅଭିଯୋଗକୁ ସେହିଦିନ ବିଜେଡି ଖଣ୍ଡନ କରିଥିଲା । ଦଳ ଦର୍ଶାଇଥିଲା, ବିଜୁ ଜନତା ଦଳର ବିଜେପି କିମ୍ବା କୌଣସି ଦଳ ସଂପର୍କ କିମ୍ବା ମେଣ୍ଟ ନାହିଁ । କେବଳ ଓଡ଼ିଶାବାସୀଙ୍କ ସହ ବିଜେଡିର ମେଣ୍ଟ ରହିଛି । ରାଜ୍ୟର ବିକାଶ ସହ ରାଜ୍ୟବାସୀଙ୍କ ସୁଖଶାନ୍ତି ହିଁ ଆମର ଏକମାତ୍ର ଏଜେଣ୍ଡା । ରାହୁଲ ଗାନ୍ଧିଙ୍କ ଆକଳନ ଓ ଅଭିଯୋଗ ସମ୍ପୂର୍ଣ୍ଣ ଭାବେ ଅମୂଳକ । ଆଜି ଦିଲ୍ଲୀରେ ଗଣମାଧ୍ୟମ ପ୍ରଶ୍ନରେ ନବୀନ ମଧ୍ୟ ରାହୁଲଙ୍କ ଅଭିଯୋଗକୁ ବାଏଁ ବାଏଁ ହସରେ ଉଡ଼ାଇ ଦେଇଛନ୍ତି ।
ସେହିଭଳି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଟିପ୍ପଣୀର ଜବାବ ମଧ୍ୟ ରଖିଥିଲେ ନବୀନ । ମୋଦିଙ୍କ ଲୋକପ୍ରିୟତାରେ ନବୀନ ଭୟଭୀତ । ଜାତୀୟ ଗଣମାଧ୍ୟମରେ ଧର୍ମେନ୍ଦ୍ର ରଖିଥିବା ଏମିତି ମନ୍ତବ୍ୟର ଉତ୍ତରରେ ନବୀନ କହିଲେ, ଏହା ଅବାନ୍ତର ଓ ଅସତ୍ୟ । ତାଙ୍କ ଭଉଣୀ ଗୀତା ମେହେଟ୍ଟା ‘ପଦ୍ମଶ୍ରୀ’ ପ୍ରତ୍ୟାଖ୍ୟାନ କରିବା ନେଇ ମୁଖ୍ୟମନ୍ତ୍ରୀ କହିଲେ, ଏହା ମୋ ଭଉଣୀଙ୍କ ନିଜସ୍ୱ ନିଷ୍ପତ୍ତି । ନିଜସ୍ୱ ନିଷ୍ପତ୍ତି ନେବାର ଅଧିକାର ମଧ୍ୟ ତାଙ୍କର ରହିଛି । ସୂଚନାଯୋଗ୍ୟ, ସାଧାରଣତନ୍ତ୍ର ଦିବସର ଅବ୍ୟବହିତ ପୂର୍ବରୁ ସାହିତ୍ୟ ଓ ଶିକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଗୀତାଙ୍କୁ ପଦ୍ମଶ୍ରୀ ସମ୍ମାନ ପ୍ରଦାନ କରାଯିବ ବୋଲି ଭାରତ ସରକାର ବିଜ୍ଞପ୍ତି ଜାରି କରିଥିଲେ । ମାତ୍ର ନ୍ୟୁୟର୍କରୁ ଗୀତା ଏକ ପ୍ରେସ୍‌ ବିବୃତି ଜାରି କରି ଦର୍ଶାଇଲେ, ଭାରତ ସରକାର ମୋତେ ଏ ସମ୍ମାନ ପାଇଁ ଯୋଗ୍ୟ ମନେ କରିଥିବାରୁ ମୁଁ ନିଜକୁ ଧନ୍ୟ ମନେ କରୁଛି । କିନ୍ତୁ ବର୍ତ୍ତମାନର ସମୟକୁ ଦୃଷ୍ଟିରେ ରଖି ମୁଁ ଏ ସମ୍ମାନକୁ ପ୍ରତ୍ୟାଖ୍ୟାନ କରିବାକୁ ବାଧ୍ୟ ହେଉଛି । ମୁଣ୍ଡ ଉପରେ ସାଧାରଣ ନିର୍ବାଚନ ଥିବାରୁ ଏଭଳି ସମ୍ମାନଜନକ ସମ୍ମାନ ଗ୍ରହଣ କଲେ ଭିନ୍ନ ଅର୍ଥ ବାହାରିପାରେ । ହୁଏତ ଏହା ଉଭୟ ଭାରତ ସରକାର ଓ ମୋ ପାଇଁ ଲଜ୍ଜାଜନକ ପରସ୍ଥିତି ଆଣିପାରେ ।
ଗୀତାଙ୍କ ପଦ୍ମଶ୍ରୀ ପ୍ରତ୍ୟାଖ୍ୟାନକୁ ନେଇ ଜାତୀୟ ରାଜନୀତିରେ ବେଶ୍‌ ଚର୍ଚ୍ଚା ଆରମ୍ଭ ହୋଇଥିଲା । ରାଜ୍ୟରେ ବିରୋଧୀ ଦଳଗୁଡ଼ିକ ମଧ୍ୟ ଏହାକୁ ପ୍ରସଙ୍ଗ କରିଥିଲେ ।