‘ବିମାନରୁ ବାହାରକୁ ବାହାରିବାରେ ସଫଳ ହୋଇଥିଲେ ନିଖୋଜ ପାଇଲଟ ’– ମିଗ୍‌-୨୯କେ’ର ବିଶେଷଜ୍ଞଙ୍କ ଠାରୁ ସ୍ପଷ୍ଟ

ନୂଆଦିଲ୍ଲୀ – ଆରବ ସାଗରରେ ଦୁର୍ଘଟଣାଗ୍ରସ୍ତ ହୋଇଥିବା ଭାରତୀୟ ନୌସେନାର ମିଗ୍-୨୯କେ ର ପାଇଲଟ ନିଖୋଜ ଘଟଣା । ଏହି ଦୁର୍ଘଟଣାର ଠିକ୍‌ ପୂର୍ବରୁ  ନିଜକୁ  ବିମାନ ଭିତରୁ ବାହାର କରିବାରେ ସଫଳ ହୋଇଥିଲେ ନିଖୋଜ ପାଇଲଟ୍‌ । ଦୁର୍ଘଟଣାର ୪ଦିନ ପରେ ନୌସେନା  ବିଶେଷଜ୍ଞମାନେ ରୁଷ୍‌ ନିର୍ମିତ ଦୁଇ ସିଟ୍‌ ଥିବା ଏହି ଫାଇଟର ପ୍ଲେନ୍‌ର primary wreckageରୁ ଏହା ଜାଣି ପାରିଛନ୍ତି ।

କୌଣସି ସୂତ୍ରରୁ ଏନ୍‌ଡିଟିଭିକୁ ମିଳିଥିବା ସୂଚନାରୁ ପ୍ରକାଶ ଯେ, କମାଣ୍ଡର ନିଶାନ୍ତ ସିଂହଙ୍କର  ଇଜେକ୍ସନ ସିଟ୍‌ ଦୁର୍ଘଟଣା ସ୍ଥଳରେ ନଥିଲା । କମାଣ୍ଡର ନିଶାନ୍ତ , ଜେଟ୍‌  ବିମାନକୁ କଣ୍ଟ୍ରୋଲ କରିବା ପାଇଁ ଇନଷ୍ଟ୍ରକ୍ଟର  ହିସାବରେ ଥିଲେ । ଦୁର୍ଘଟଣାରେ ବିମାନର କମାଣ୍ଡର ନିଖୋଜ ଥିବା ବେଳେ ୨ୟ ପାଇଲଟ ଭାବେ ଥିବା ଜଣେ ଟ୍ରେନିଙ୍କୁ  ଉଦ୍ଧାର କରାଯାଇଛି ।

ନିଖୋଜ ନେଭି କମାଣ୍ଡରଙ୍କର ଚିଠି ଭାଇରାଲ : କାହିଁକି ସେ ଲେଖିଲେ – ମୁଁ ବୋମା ପକାଇବାକୁ ଚାହୁଁଛି

ଉଲ୍ଲେଖନୀୟ ଯେ, ମିଗ୍‌-୨୯କେ ରୁଷ୍‌ ଦ୍ୱାରା ନିର୍ମିତ  କେ-୩୬ଡି-୩.୫ ଇଜେକ୍ସନ  ସିଟ୍‌ରେ ସୁସଜ୍ଜିତ । ଏହା ବିଶ୍ୱର ସବୁଠୁ  ଭଲ ପ୍ଲେନ୍‌ ଭାବେ ଜଣାଯାଏ । ବିମାନରୁ ବାହାରକୁ ବାହାରିବା ପାଇଁ ଇଜେକ୍ସନ ହ୍ୟାଣ୍ଡେଲକୁ ଟଣା ଯାଇଥାଏ । ଏଥିରେ  ପଛରେ ଥିବା ପାଇଲଟ  ବାହାରକୁ ବାହାରି ଥାଏ ଏବଂ ଏହାପରେ ସାମନାରେ ଥିବା  ସିଟ୍‌ ବାହାରେ।

ସୂତ୍ରରୁ ଜଣା ଯେ,  ଯେବେ ପାଇଲଟ ବାହାରକୁ  ବାହାରିଥିଲେ  ଫାଇଟର ପ୍ଲେନ୍‌ କମ୍‌ ଉଚ୍ଚତାରେ ଥିଲା ।   ସେ ଏହାସହ କହିଛନ୍ତି କି ଟ୍ରେନିକୁ ଏକ ଦ୍ୱିତୀୟ ପାରାସୁଟ୍‌ରେ ଏୟାରକ୍ରାଫ୍ଟରୁ ବାହାରକୁ ବାହାରିବାର ଦେଖିବାକୁ ମିଳିଥିଲା । ଏବେ କିନ୍ତୁ କିଛି ସ୍ପଷ୍ଟ ହୋଇନି । ନିଖୋଜ ପାଇଲଟଙ୍କୁ ଖୋଜା ଚାଲିଛି ।