PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ସଂଖ୍ୟାଗରିଷ୍ଠତାରୁ ବଞ୍ଚିତ ହେବ ଏନଡିଏ

ନୂଆଦିଲ୍ଲୀ,୩୦ ।୧(ଏଜେନ୍ସି): ଆସନ୍ତା ସାଧାରଣ ନିର୍ବାଚନରେ ଏକ ଝୁଲା ଲୋକସଭା ଗଠିତ ହେବ ବୋଲି ଟାଇମସ ନାଓଁ- ଭିଏମ୍‌ଆର ଦ୍ୱାରା କରାଯାଇଥିବା ସର୍ଭେ ରିପୋର୍ଟରେ କୁହାଯାଇଛି । ଏହି ସର୍ଭେ ରିପୋର୍ଟ ଅନୁଯାୟୀ, ବିଜେପି ନେତୃତ୍ୱାଧୀନ ଏନଡିଏକୁ ସମୁଦାୟ ୨୫୨ଟି ଆସନ ମିଳିବ । ଏହା ସଂଖ୍ୟାଗରିଷ୍ଠତା ଠାରୁ କିଛି ଆସନ କମ୍‌ । ତେଣୁ ଏନଡିଏ ମାତ୍ର ଅଳ୍ପ କିଛି ଆସନ ବ୍ୟବଧାନରେ ସଂଖ୍ୟାଗରିଷ୍ଠତାରୁ ବଞ୍ଚିତ ହେବ । ଅନ୍ୟପଟରେ ୟୁପିଏକୁ ୧୪୭ଟି ଏବଂ ଅନ୍ୟ ଦଳଙ୍କୁ ୧୪୪ଟି ଆସନ ମିଳିବ ।
କେବଳ ବିଜେପି ୨୧୫ଟି ଆସନରେ ବିଜୟୀ ହେବ । ୨୦୧୪ରେ ବିଜେପିକୁ ୨୮୨ଟି ଆସନ ମିଳିଥିଲା । ତେଣୁ ଦଳର ଆସନ ସଂଖ୍ୟା ୬୭ଟି କମିଯିବ । କିନ୍ତୁ କଂଗ୍ରେସ ଗତ ଥର ଅପେକ୍ଷା ଭଲ ପ୍ରଦର୍ଶନ କରିବ ଏବଂ ଏଥରକ ତା’ର ଆସନ ସଂଖ୍ୟା ୯୬କୁ( ଗତ ଥର ୪୪ ଥିଲା) ବୃଦ୍ଧି ପାଇବ । ୟୁପିରେ ବସପା ଓ ସପା ମେଣ୍ଟ ସବୁଠାରୁ ଅଧିକ ୫୧ଟି ଆସନ ପାଇବେ । ସେଠାରେ ବିଜେପିକୁ ୨୭ଟି ଏବଂ ୟୁପିଏକୁ ୨ଟି ଆସନ ମିଳିବ । ୟୁପିରେ ବିଜେପିର ବିପର୍ଯ୍ୟୟ ତା’କୁ ବଡ଼ ସମସ୍ୟାରେ ପକାଇବ । ଓଡ଼ିଶାରେ ଏନଡିଏକୁ ୧୩ଟି ଏବଂ ବିଜେଡ଼ିକୁ ୮ଟି ଆସନ ମିଳିବ ବୋଲି ଅନୁମାନ କରାଯାଇଛି ।
ମହାରାଷ୍ଟ୍ରରେ ସମୁଦାୟ ୪୮ଟି ଆସନରୁ ଏନଡ଼ିଏକୁ ୪୩ଟି ଏବଂ ୟୁପିଏକୁ ୫ଟି ଆସନ ମିଳିବ । ପଶ୍ଚିମବଙ୍ଗରେ ୪୨ଟି ଆସନରୁ ତୃଣମୂଳକୁ ୩୨ଟି, ଏନଡିଏକୁ ୯ ଏବଂ ୟୁପିଏକୁ ମାତ୍ର ଗୋଟିଏ ଆସନ ମିଳିବ । ବିହାରରେ ୪୦ଟି ଆସନରୁ ଏନଡିଏକୁ ୨୫ଟି ଏବଂ ୟୁପିଏକୁ ୧୫ଟି ଆସନ ମିଳିବ । ତାମିଲନାଡ଼ୁରେ ଏଥରକ ରାଜନୈତିକ ଦୃଶ୍ୟପଟ୍ଟ ପୂରା ବଦଳିଯିବ । ଏଠାରେ ଏଆଇଏଡିଏମକେ ମାତ୍ର ୪ଟି ଆସନ ପାଇବ ଏବଂ ୟୁପିଏ ୩୫ଟି ଆସନ ହାତେଇନେବ । କର୍ଣ୍ଣାଟକରେ ଉଭୟ ଏନଡ଼ିଏ ଏବଂ ୟୁପିଏ ୧୪ଟି ଲେଖାଁଏ ଆସନ ପାଇବେ । ମଧ୍ୟପ୍ରଦେଶରେ ଏନଡ଼ିଏକୁ ୨୩ଟି ଏବଂ ୟୁପିଏକୁ ୬ଟି ଆସନ ମିଳିବ । ଗୁଜରାଟରେ ୨୬ଟି ଆସନରୁ ଏନଡିଏ ୨୪ଟି ଏବଂ ୟୁପିଏ ମାତ୍ର ୨ଟି ଆସନ ପାଇବ ।
ଆନ୍ଧ୍ର ରାଜନୀତିରେ ଏଥରକ ଝଡ଼ ସୃଷ୍ଟି କରିବ ୱାଇଏସଆର କଂଗ୍ରେସ । ଏହି ଦଳ ସମୁଦାୟ ୨୫ରୁ ୨୩ଟି ଆସନ ପାଇବ ଏବଂ ଚନ୍ଦ୍ରବାବୁ ନାଇଡୁଙ୍କ ଟିଡ଼ିପି ମାତ୍ର ଦୁଇଟି ଆସନ ପାଇବ । ରାଜସ୍ଥାନର ୨୫ ଆସନରୁ ଏନଡିଏକୁ ୧୭ ଏବଂ ୟୁପିଏକୁ ୮ଟି ଆସନ ମିଳିବ । ପଞ୍ଜାବରେ ୧୩ ଆସନରୁ ୟୁପିଏ ୧୨ଟି ଏବଂ ଆପ୍‌ ଗୋଟିଏ ଆସନ ପାଇବ ।