NEET-JEE ପରୀକ୍ଷାକୁ ସୁପ୍ରିମକୋର୍ଟଙ୍କ ସବୁଜ ସଙ୍କେତ, କହିଲେ-ଏ ବର୍ଷ ନଷ୍ଟ କରିହେବନି

ନୂଆଦିଲ୍ଲୀ,୧୭।୮: ସୁପ୍ରିମକୋର୍ଟ   NEET ଓ  JEE ପରୀକ୍ଷାର ଆୟୋଜନ ବିରୋଧରେ ଦାଖଲ କରିଥିବା ଆବେଦନକୁ ଖାରଜ କରିଦେଇଛନ୍ତି। ଏହା ସହିତ ପରୀକ୍ଷା ଆୟୋଜକଙ୍କୁ ସବୁଜଙ୍କ ସଙ୍କେତ ଦେଇଛନ୍ତି। ଜଷ୍ଟିସ୍ ଅରୁଣ ମିଶ୍ରଙ୍କ ଖଣ୍ଡପୀଠ ମେଡିକାଲ ପ୍ରବେଶ ପରୀକ୍ଷା NEET ଓ   ଇଞ୍ଜିନିୟରିଂ ପ୍ରବେଶ ପରୀକ୍ଷା JEE Mains କୁ ସ୍ଥଗିତ କରିବା ଦାବିରେ କରାଯାଇଥିବା ଆବେଦନକୁ ଖାରଜ କରିଦେଇଥିଲେ।

ଆବେଦନ ଖାରଜ୍ କରି ସୁପ୍ରିମକୋର୍ଟଙ୍କ ଖଣ୍ଡପୀଠ କହିଛନ୍ତି, କ’ଣ ଦେଶରେ ସବୁ କିଛି ରୋକି ଦିଆଯିବ? ଏକ ମୂଲ୍ୟବାନ ବର୍ଷକୁ କ’ଣ ଏଭଳି ନଷ୍ଟ କରିଦିଆଯିବ? ଆବେଦନରେ କୋଭିଡ୍-୧୯ ସଂକ୍ରମଣର ବଢୁଥିବା ମାମଲା ଦେଖି ସେପ୍ଟେମ୍ବରରେ ପ୍ରସ୍ତାବିତ JEE Mains ଓ NEET UG  ପରୀକ୍ଷାକୁ ସ୍ଥଗିତ ରଖିବାର ଦାବି କରାଯାଇଥିଲା।

ମାମଲାର  ଶୁଣାଣି ଜଷ୍ଟିସ୍ ଅରୁଣ ମିଶ୍ରଙ୍କ ନେତୃତ୍ବରେ ସୁପ୍ରିମକୋର୍ଟଙ୍କ ଖଣ୍ଡପୀଠ କରୁଥିଲେ। ଉଲ୍ଳେଖନୀୟ ଯେ, JEE ପରୀକ୍ଷା ୧ ସେପ୍ଟେମ୍ବରରୁ ୬ ସେପ୍ଟେମ୍ବର ପର୍ଯ୍ୟନ୍ତ ଆୟୋଜିତ କରାଯିବାର ଅଛି। ସେଭଳି ନିଟ୍ ପରୀକ୍ଷା ୧୩ ସେପ୍ଟେମ୍ବରରେ ଆୟୋଜନ କରାଯିବାର ଯୋଜନା ରହିଛି। ଏହି ପରୀକ୍ଷା ସ୍ଥଗିତ ରଖିବାକୁ ଦାବିକୁ ନେଇ ୧୧ ରାଜ୍ୟର ଛାତ୍ର ପରୀକ୍ଷା ସ୍ଥଗିତ କରିବାର ଅନୁରୋଧ ସହିତ ସୁପ୍ରିମକୋର୍ଟଙ୍କ ନିକଟରେ ଆବେଦନ ଦାଖଲ କରିଥିଲେ।

ଆବେଦନରେ କରୋନା ମହାମାରୀ କାରଣରୁ ରାଷ୍ଟ୍ରୀୟ ପରୀକ୍ଷା ଏଜେନ୍ସି(ଏନଟିଏ) ତିନି ଜୁଲାଇର ନୋଟିସ୍ ରଦ୍ଦ କରିବାର ଅନୁରୋଧ କରାଯାଇଥିଲା। ଏହି ନୋଟିସ୍ ମାଧ୍ୟମରେ ଏନଟିଏ ମିଳିତ ପ୍ରବେଶିକା ପରୀକ୍ଷା (ଜେଇଇ) ମୁଖ୍ୟ, ଅପ୍ରେଲ ୨୦୨୦ରେ ହେବାକୁ ଥିବା ନିଟ୍-ୟୁଜି ସେପ୍ଟେମ୍ବରରେ କରିବାର ନିଷ୍ପତ୍ତି ନେଇଛନ୍ତି।

   ସମ୍ବନ୍ଧିତ ଖବର


କାହାକୁ ନଜଣାଇ ଲୁଚିଛପି କିମ ଜୋଙ୍ଗ ଉନ ନିଜ ପରିବାର ସହ ନେଇଗଲେ କରୋନା ଟିକା, ଜାଣନ୍ତୁ କେଉଁଠୁ ପାଇଲେ ସେ ଟିକା ?

ଥରେ କି ଦୁଇଥର ନୁହେଁ ଏବେ ତୃତୀୟଥର ପାଇଁ କରୋନାକୁ ମାତ୍ ଦେଲେ ଏହି ମହିଳା, ବୟସ ଜାଣିଲେ ଆଶ୍ଚର୍ଯ୍ୟ ହେବେ…

୧୨୬ ବର୍ଷରେ ପ୍ରଥମ ଥର ପାଇଁ ଜଣେ ଭାରତୀୟ ହେବେ ବାଟାର ବସ୍

ଆତଙ୍କବାଦୀକୁ “ସୈନ୍ୟ ସମ୍ନାନ” ଭୂଷିତ କରୁଛି ପାକିସ୍ତାନ ? 26/11 ଆକ୍ରମଣରେ ନିଭାଇଥିଲା ବଡ ଭୁମିକା…

ତଦନ୍ତ ବେଳେ ଆଶ୍ଚର୍ଯ୍ୟ ହୋଇଗଲା ପୁଲିସ- ହତ୍ୟା ଅଭିଯୋଗ କରିଥିବା ବ୍ୟକ୍ତି ହଁ ହତ୍ୟାକାରୀ

ଏହି ରାଜନେତାଙ୍କୁ ହୃଦୟ ଦେଇବସିଛନ୍ତି ଦାଉଦର ଗର୍ଲଫ୍ରେଣ୍ଡ ହୟାତ୍