ନେହା କକ୍କରଙ୍କୁ କପିଲ୍‌ ଶର୍ମା ପଚାରିଲେ, ଏହି ଡ୍ରେସ୍‌ କେଉଁଠୁ ଆଣିଲ…

ନୂଆଦିଲ୍ଲୀ- ବଲିଉଡ୍‌ର ପ୍ରସିଦ୍ଧ ଗାୟକ  ନେହା କକ୍କର ବର୍ତ୍ତମାନ ସମୟରେ ସ୍ୱାମୀ  ରୋହନପ୍ରୀତ ସିଂହଙ୍କ ସହ ବିବାହକୁ ନେଇ ଖୁବ୍‌ ଚର୍ଚ୍ଚାରେ ଅଛନ୍ତି । ନିକଟରେ ନେହା କକ୍କରଙ୍କ ଏକ ପୁରୁଣା ଭିଡ଼ିଓ  ଇଣ୍ଟରନେଟ୍‌ରେ ଖୁବ୍‌ ଭାଇରାଲ ହେଉଛି। ଏହି କୌତୁକିଆ  ଭିଡ଼ିଓରେ ସିଙ୍ଗରଙ୍କୁ କପିଲ ଶର୍ମା ପଚାରୁଛନ୍ତି , ଏହି ଡ୍ରେସ୍‌ ଆପଣ କେଉଁଠୁ ଆଣିଲେ ।  ଆଉ ଏହାର ଜବାବରେ ସିଙ୍ଗର କହିଥିଲେ ପାପାଙ୍କ ଠାରୁ ।  ନେହାଙ୍କର କଥା ଶୁଣି କପିଲ୍‌ ପୁଣି  କହୁଛନ୍ତି , ଆପଣଙ୍କ ପାପା କେଉଁଠି ? ଆପଣଙ୍କ ପାପା କଣ କରନ୍ତି  , ଜାଣନ୍ତି ?

ସିଙ୍ଗର ନେହା କକ୍କରଙ୍କର କଥା ଶୁଣି ଯେକେହି ହସିବାକୁ ଲାଗିବ । ନେହା କକ୍କରଙ୍କର ଏହି  ପୁରୁଣା ଭିଡ଼ିଓ ତାଙ୍କର ପ୍ରଶଂସକ କ୍ଲବ୍‌ ନିଜର ଇନଷ୍ଟାଗ୍ରାମ ଆକାଉଣ୍ଟରେ ସେୟର କରିଛନ୍ତି । ସିଙ୍ଗରଙ୍କର ଏହି ଭିଡ଼ିଓକୁ ଲୋକେ ଖୁବ୍‌ କମେଣ୍ଟ  କରୁଛନ୍ତି ଏବଂ ନିଜର ପ୍ରତିକ୍ରିୟା ଦେଉଛନ୍ତି । ନେହାଙ୍କର ଏହି ଭିଡ଼ିଓକୁ ଏବେ ସୁଦ୍ଧା ୧୭ ହଜାରରୁ ଅଧିକ ଭ୍ୟୁଜ୍‌ ମିଳିସାରିଛି ।

ଉଲ୍ଲେଖନୀୟ ଯେ, ନେହା କକ୍କର  ଓ ରୋହନପ୍ରୀତି ସିଂହ ଗତ ମାସରେ ପରସ୍ପର ବିବାହ ବନ୍ଧନରେ ଆବଦ୍ଧ ହୋଇଥିଲେ ।