ନେପାଳରେ ପ୍ରବଳ ବର୍ଷା ଓ ଝଡ଼ ତୋଫାନ: ୨୭ ମୃତ, ୪୦୦ରୁ ଅଧିକ ଆହତ

କାଠମାଣ୍ଡୁ,୧।୪: ନେପାଳରେ ପ୍ରବଳ ବର୍ଷା ଓ ଝଡ ତୋଫାନ ଜାରି ରହିଛି। ପ୍ରବଳ ବର୍ଷା ଓ ଭୟଙ୍କର ଝଡ କାରଣରୁ ଏପର୍ଯ୍ୟନ୍ତ ୨୭ ଜଣଙ୍କର ମୃତ୍ୟୁ ହୋଇଛି। ସେଭଳି ୪୦୦ରୁ ଅଧିକ ଲୋକ ଆହତ ହୋଇଛନ୍ତି। ‘ହିମାଳୟ ଟାଇମ୍ସ’ ଅନୁସାରେ ଏହି ଝଡ ଦକ୍ଷିଣ ଜିଲ୍ଲା ବାରା ଓ ଏହାର ଆଖପାଖ ପରସାରେ ସନ୍ଧ୍ୟା ବେଳେ ଆସିଥିଲା। ଜିଲ୍ଲା ପୋଲିସ କାର୍ଯ୍ୟାଳୟର ସୂଚନା ଅନୁସାରେ ପରସାରେ ମୃତକଙ୍କ ସଂଖ୍ୟା ବଢିପାରେ। ଅତି କମରେ ୨୭ ଜଣଙ୍କର ମୃତ୍ୟୁ ହୋଇସାରିଛି ଓ ୪୦୦ ଲୋକ ଆହତ ହୋଇଛନ୍ତି। ନେପାଳର ପ୍ରଧାନମନ୍ତ୍ରୀ କେ.ପି ଶର୍ମା ଓଲି ମୃତକଙ୍କ ପରିବାର ପ୍ରତି ସମ୍ବେଦନା ପ୍ରକାଶ କରିଛନ୍ତି।

source: https://abpnews.abplive.in/

ଅନ୍ୟପକ୍ଷେ, ନେପାଳ ସେନା ମୁଖପାତ୍ର କହିଛନ୍ତି ଉଦ୍ଧାରକାର୍ଯ୍ୟ ଜାରି ରହିଛି। ଆମେ ଯେ କୌଣସି ଜରୁରୀକାଳୀନ ପରିସ୍ଥିତିର ସାମନା କରିବା ପାଇଁ ୨ଟି ଏମଆଇ ୧୭ ହେଲିକପ୍ଟର ଷ୍ଟାଣ୍ଡବାଇରେ ରଖିଛୁ। ୧୦୦ରୁ ଅଧିକ ଯବାନ ପ୍ରଭାବିତ ଝଡ-ତୋଫାନ ଅଞ୍ଚଳରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଉଲ୍ଲେଖନୀୟ ଯେ ୨୦୧୨ରେ ନେପାଳରେ ହୋଇଥିବା ପ୍ରବଳ ବର୍ଷା ପରେ ବନ୍ୟାରେ ୨ହଜାର ଘର ନଷ୍ଟ ହୋଇଯାଇଥିଲା। ନେପାଳର ଡାଙ୍ଗ ଜିଲ୍ଲାର ରାପ୍ତି ନଦୀରେ ଆସିଥିବା  ବନ୍ୟାରେ ୨୦୦୦ ରୁ ଅଧିକ ଘର ବୋହି ଯାଇଥିଲା। ଏଥିରେ ୪ ହଜାରରୁ ଅଧିକ ଲୋକ ପ୍ରଭାବିତ ହୋଇଥିଲେ।

   ସମ୍ବନ୍ଧିତ ଖବର


ଜାପାନରେ କରୋନାଠୁ ବି ବଡ ବିପଦ, ଲଗାତର ମରୁଛନ୍ତି ଲୋକ

ବିବାହରେ ଲୋକଙ୍କୁ ଏମିତି କରାଗଲା ସାନିଟାଇଜ୍‌ , ଆଇଏଏସ୍‌ ଅଫିସର କହିଲେ …

ଆଉ ଦୁଇ ଦିନ – ବୁଧବାରଠାରୁ ଏନ୍‌ଏଚ୍‌ଏସ୍‌ ହସ୍ପିଟାଲମାନଙ୍କରେ ଦିଆଯିବ କରୋନା ଟିକା

ଡିସେମ୍ବର ମାସରେ ପ୍ରାୟ ଅଧା ଦିନ ବନ୍ଦ ରହିବ ବ୍ୟାଙ୍କ, ଦେଖନ୍ତୁ ତାଲିକା

୧୩ ବର୍ଷିୟା ନାବାଳିକାଙ୍କୁ ନିଶା ଦେଇ ଗଣଦୁଷ୍କର୍ମ – ୨ ଗିରଫ

ଜାଆଁଳା ଶିଶୁଙ୍କ ଛାତି ଓ ପେଟ ଯୋଡି ହୋଇ ରହିଥିଲା,୮ ଘଣ୍ଟାର ଅପରେସନ୍ ପରେ କରାଗଲା ଅଲଗା