ରେଲଓ୍ବେ ଷ୍ଟେସନ ପ୍ଲାଟଫର୍ମରେ ଛିଡା ଥିଲା ଚଣ୍ଡୀଗଡ-କୋଚୁଭେଲି ଏକ୍ସପ୍ରେସ, ହଠାତ ନିଆଁ ଲାଗି ଜଳିଗଲା ବଗି

ନୂଆଦିଲ୍ଲୀ,୬।୯: ଦେଶର ରାଜଧାନୀ ଦିଲ୍ଲୀର ନୂଆଦିଲ୍ଲୀ ରେଲଓ୍ବେ ଷ୍ଟେସନରେ ଶୁକ୍ରବାର ମଧ୍ୟାହ୍ନରେ ବଡ ଧରଣର ଦୁର୍ଘଟଣା ଘଟିଛି। ଷ୍ଟେସନର ପ୍ଲାଟଫର୍ମ ନମ୍ବର ୮ରେ ଥିବା ଚଣ୍ଡୀଗଡ-କୋଚୁଭେଲି ଏକ୍ସପ୍ରେସର ଏକ ବଗିରେ ଘଟିଛି ଅଗ୍ନିକାଣ୍ଡ। ନିଆଁ ଲାଗିବା ପରେ ଘଟଣାସ୍ଥଳରେ ୪ଟି ଦମକଳ ଗାଡି ପହଁଞ୍ଚିବା ପରେ ନିଆଁ ଲିଭାଇବାକୁ ଚେଷ୍ଟା କରିଥିଲେ। ଶୁକ୍ରବାର ମଧ୍ୟାହ୍ନ ୨ଟା ସମୟରେ ଏହି ଟ୍ରେନର ବଗିରେ ଭୀଷଣ ଅଗ୍ନିକାଣ୍ଡ ଘଟିଥିଲା। ନିଆଁ ଏତେ ଭୟଙ୍କର ଥିଲା ଯେ, ଟ୍ରେନରୁ ବହୁ ଉଚ୍ଚାରେ ନିଆଁ ଧାଁସ ବାହାରୁଥିଲା। ଏହା ସହ ଧୂଆଁ ଏତେ ଅଧିକ ହୋଇଯାଇଥିଲା ଯେ, ଚାରିଆଡେ ଅନ୍ଧାର ହୋଇଯାଇଥିଲା।

ଅଧିକାରୀଙ୍କ ସୂଚନା ଅନୁସାରେ, ଏହି ନିଆଁ ଚଣ୍ଡୀଗଡ-କୋଚୁଭେଲି ଏକ୍ସପ୍ରେସର ପାଓ୍ବାର କାର ବଗିରେ ଲାଗିଥିଲା। ଟ୍ରେନ ନୂଆ ଦିଲ୍ଲୀ ରେଲଓ୍ବେ ଷ୍ଟେସନର ପ୍ଲାଟଫର୍ମ ନମ୍ବର ୮ରେ ରହିଥିଲା। ଟ୍ରେନରେ ବସିଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ବେଳେ ଘଟଣାସ୍ଥଳରେ ଦମକଳ କର୍ମଚାରୀ ନିଆଁ ଲିଭାଇବାକୁ ପହଁଞ୍ଚିଥିଲେ। ଉଲ୍ଲେଖନୀୟ ଯେ, ଏହି ଟ୍ରେନ ପଞ୍ଜାବର ଚଣ୍ଡୀଗଡରୁ କେରଳର କେଚୁଭେଲି ପର୍ଯ୍ୟନ୍ତ ଯାଇଥାଏ। ରାଜଧାନୀରେ ଏହି ଟ୍ରେନ ନୂଆଦିଲ୍ଲୀ ରେଲଓ୍ବେ ଷ୍ଟେସନ ଓ ହଜରତ ନିଜାମୁଦ୍ଦିନ ରେଲଓ୍ବେଷ୍ଟେସନରେ ରହିଥାଏ ଓ ପରେ ଆଗକୁ ଯାଇଥାଏ। ନୂଆଦିଲ୍ଲୀ ରେଲଓ୍ବେ ଷ୍ଟେସନରୁ ଏହି ଟ୍ରେନ ଆଗକୁ ବଡିବାର ସମୟରେ ମଧ୍ୟାହ୍ନ ୨ଟା ରହିଥାଏ।

   ସମ୍ବନ୍ଧିତ ଖବର


ଫେସବୁକ୍ ଲଞ୍ଚ୍ କଲା ନୂଆ ସେବା, ଖୁବ୍ ଶୀଘ୍ର ଆକାଉଣ୍ଟକୁ କରନ୍ତୁ ଚେକ୍

ଚିନ୍ତାର କଥା ! ପରୀକ୍ଷଣ ସମୟରେ କରୋନା ଟିକାରେ ହେଲା ମୃତ୍ୟୁ…

ଟ୍ରେନରେ ଯାତ୍ରା ସମୟରେ ଲଗେଜ୍ ଚିନ୍ତା ଗଲା, ଏଣିକି ଘରେ ପହଞ୍ଚିବ ସାମଗ୍ରୀ

କରୋନାରୁ ରକ୍ଷା କରିବ ଏହି ‘ଛତୁ’–ଷ୍ଟାର୍ଟ ଅପ୍‌ କମ୍ପାନୀ ତିଆରି କଲେ ଇମ୍ୟୁନିଟି ବୁଷ୍ଟର

କରୋନା ଭୟରେ ଏହି ଦେଶରେ ବନ୍ଦ ହେଲା ମାଛ ମାର୍କେଟ୍, ଲାଗିଲା କର୍ଫ୍ୟୁ

ନବରାତ୍ରୀ ନେଇ ସୋସିଆଲ ମିଡିଆରେ ଅଶ୍ଲୀଳ ପୋଷ୍ଟ, କ୍ଷମା ମାଗିଲା Eros Now