ନବନିଯୁକ୍ତ ଇଞ୍ଜିନିୟରଙ୍କୁ ଶକ୍ତିମନ୍ତ୍ରୀଙ୍କ ଆହ୍ୱାନ: ନିରବଚ୍ଛିନ୍ନ ବିଜୁଳି ଯୋଗାଇବାକୁ ତତ୍ପର ରୁହ

ଭୁବନେଶ୍ୱର,୨୨ା୧(ବ୍ୟୁରୋ): ବିଜୁଳି ଏକ ଅତ୍ୟାବଶ୍ୟକ ସେବା । ତ୍ରୁଟିବିହୀନ ଭାବେ ଓ ଠିକ୍‌ ସମୟରେ ଏହି ସେବାକୁ ଲୋକମାନଙ୍କ ପାଖରେ ପହଞ୍ଚାଇବାକୁ ସଦା ତତ୍ପର ରୁହ । ଓପିଟିସିଏଲ୍‌ ଦ୍ୱାରା ନବନିଯୁକ୍ତ ଇଞ୍ଜିନିୟରମାନଙ୍କୁ ଏଭଳି ଆହ୍ୱାନ ଦେଇଛନ୍ତି ଓଡ଼ିଶା ଶକ୍ତିମନ୍ତ୍ରୀ ସୁଶାନ୍ତ ସିଂହ ।
ଚନ୍ଦକାସ୍ଥିତ ପାୱାର ଟ୍ରେନିଂ ସେଣ୍ଟରଠାରେ ଓପିଟିସିଏଲ୍‌ର ନବନିଯୁକ୍ତ ଇଞ୍ଜିନିୟରଙ୍କର ଏକ ମାସଧରି ଚାଲିଥିବା ପ୍ରଶିକ୍ଷଣ ଆଜି ଉଦ୍‌ଯାପିତ ହୋଇଯାଇଛି । ଏ ଅବସରରେ ମୁଖ୍ୟ ଅତିଥିଭାବେ ଯୋଗଦେଇ ଶ୍ରୀ ସିଂହ କହିଛନ୍ତି, ରାଜ୍ୟ ସରକାରଙ୍କଠାରୁ ଆରମ୍ଭ କରି କେନ୍ଦ୍ର ସରକାରଙ୍କର ବହୁ ଗୁରୁତ୍ୱପୂର୍ଣ୍ଣ ଯୋଜନା ଓପିଟିସିଏଲ୍‌ ଉପରେ ନ୍ୟସ୍ତ । ଏଣୁ ଯେଉଁମାନେ ଏହି ସଂସ୍ଥାରେ ନିଜର ଚାକିରି ଜୀବନ ଆରମ୍ଭ କରୁଛନ୍ତି, ସେମାନେ ନିଜକୁ ଗର୍ବ ଅନୁଭବ କରିବା ଉଚିତ ।
ଶକ୍ତି ସଚିବ ହେମନ୍ତ ଶର୍ମା କହିଛନ୍ତି, କର୍ମଚାରୀମାନେ ନିଜ କର୍ମମୟ ଜୀବନରେ ଶୃଙ୍ଖଳା, ଶିଷ୍ଟାଚାର ଓ ସଂସ୍ଥାର ମର୍ଯ୍ୟାଦା ରକ୍ଷା କଲେ ସଂସ୍ଥାର ପ୍ରଗତି ସୁନିଶ୍ଚିତ । ଯେକୌଣସି ଜିଲ୍ଲାରେ ପୋଷ୍ଟିଂ ହେଲେ ମଧ୍ୟ ସେମାନେ ମନପ୍ରାଣ ଦେଇ କାର୍ଯ୍ୟ କରିବା ଉଚିତ । ଏ ଅବସରରେ ଅନ୍ୟମାନଙ୍କ ମଧ୍ୟରେ ଓପିଟିସିଏଲ୍‌ ମାନବସମ୍ବଳ ନିର୍ଦ୍ଦେଶକ ରାଜେନ୍ଦ୍ର ସେନାପତି, ପାୱାର ଟ୍ରେନିଂ ସେଣ୍ଟରର ମହାପ୍ରବନ୍ଧକ ଚନ୍ଦ୍ର ଶେଖର ପ୍ରଧାନ ଉପସ୍ଥିତ ଥିଲେ ।

   ସମ୍ବନ୍ଧିତ ଖବର


କରୋନା ନେଲା ଆଉ ୧୪ ଜୀବନ, ରାଜ୍ୟରେ ମୃତ୍ୟୁ ସଂଖ୍ୟା ୭୯୭କୁ ବୃଦ୍ଧି

୩୯୨୨ ନୂଆ କରୋନା ପଜିଟିଭ୍ ଚିହ୍ନଟ, ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୨ ଲକ୍ଷ ୯ ହଜାର ୩୭୪କୁ ବୃଦ୍ଧି

ଆଜି ଜେଇଇ ଆଡଭାନ୍ସ ପ୍ରବେଶିକା ପରୀକ୍ଷା, ୫ଟି ସହରରେ ୧୮ଟି ପରୀକ୍ଷା କେନ୍ଦ୍ର

୩୧ ବର୍ଷ ପରେ ସୁଭାଷଙ୍କ ଫିଲ୍ମରେ ଆସିବେ ଜ୍ୟାକି ଓ ଅନୀଲ କାପୁର- ସିନେମା ନାଁ

ସ୍ତ୍ରୀର ଜୀବନ ନେଲା ସ୍ୱାମୀ ! ନୃଶଂସ ଭାବେ କଲା ହତ୍ୟା

ବାଇକ୍‌କୁ ଧକ୍କା ଦେଲା ଟ୍ରକ୍ ‌- ୨ମୃତ