ନୂଆଦିଲ୍ଲୀ,୧୬।୫: କରୋନା ଭ୍ୟାକସିନ୍ର ସାଇଡ୍ ଇଫେକ୍ଔକୁ ନେଇ ଜାରି ଚର୍ଚ୍ଚା ଭିତରେ ଏବେ ଏକ ନୂଆ ଟେନସନ୍ ରହିଛି। ଖବର ରହିଛି ଯେ, ନିହିହ ଲୋକଙ୍କୁ ଭ୍ୟାକସିନ୍ର ସାଇଡ୍ ଇଫେକ୍ଟର ଭୟ ଦେଖାଇ ତାଙ୍କର ବ୍ୟକ୍ତିଗତ ତଥ୍ୟ ନିଆଯାଉଛି। ତେବେ ଆଶ୍ବସ୍ତିର କଥା ଯେ, ଏପର୍ଯ୍ୟନ୍ତ କୌଣସି ଆର୍ଥିକ କ୍ଷତି ହୋଇଥିବାର ଖବର ନାହିଁ। ପୋଲିସ ଅଜଣା ନମ୍ବର ପ୍ରତି ସତର୍କ ରହିବାକୁ ପରାମର୍ଶ ଦେଇଛି।
ଟାଇମ୍ସ ଅଫ୍ ଇଣ୍ଡିଆର ରିପୋର୍ଟ ଅନୁସାରେ, ପୋଲିସର କହିଛି କିଛି ଠକ ଭ୍ୟାକସିନ୍ ବିଷୟର କଲ୍ କରି ଆଧାର ନମ୍ବର ନମ୍ବର, ବ୍ୟାଙ୍କ ଡିଟେଲ୍ସ ଭଳି ବ୍ୟକ୍ତିଗତ ସୂଚନା ନେଉଛନ୍ତି। ରିପୋର୍ଟ ଅନୁସାରେ, ନିକଟରେ କୋଲକାତାରେ ଥିବା ବହୁ ଲୋକଙ୍କୁ ଅଜଣା ନମ୍ବରରୁ ଫୋନ୍ ଆସୁଛି,ଯେଉଁଠି ବ୍ୟକ୍ତି ନିଜକୁ ସ୍ବାସ୍ଥ୍ୟ ବିଭାଗର ବୋଲି କହିଛି ଓ ଭ୍ୟାକସିନ୍ ସମ୍ପର୍କିତ ପ୍ରଶ୍ନ କରୁଛନ୍ତି।
ଫୋନ୍ ଜରିଆରେ ଲୋକଙ୍କୁ ପଚାରୁଛନ୍ତି, ସେମାନେ ଭ୍ୟାକସିନ୍ ନେଇଛନ୍ତି କି ନାହିଁ? ଯଦି ହଁ, ତେବେ କେଉଁ ଭ୍ୟାକସିନ୍ ନେଇଛନ୍ତି। ଖାସ୍ କଥା ଯେ, ଆଇଭିଆରଏସ୍ ଅର୍ଥାତ ଇଣ୍ଟରଆକ୍ଟିଭ ଭଏସ୍ ରେସପନ୍ସ ସିଷ୍ଟମର ସାହାରା ନେଉଛି, ଯାହା ଜରିଆରେ ଟିକାକରଣ ସମ୍ପର୍କିତ ସୂଚନା ହାସଲ କରିବାର ଚେଷ୍ଟା କରୁଛନ୍ତି।