PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଆଜିଠାରୁ ରାଜଧାନୀରେ ଖୋଲିବ ମଲ୍, ବଜାର ଏବଂ ଦୋକାନ, ୫୦ ପ୍ରତିଶତ କ୍ଷମତାରେ ଚାଲିବ ମେଟ୍ରୋ
  • ||
  • ନୂଆଦିଲ୍ଲୀ : ଇସ୍ରାଇଲରେ ନେତ୍‌ନ୍ୟାହୁଙ୍କ ଯୁଗ ଶେଷ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ଭୁବନେଶ୍ୱର : ରଜ ପାଇଁ ଓଟିଡିସି ଆରମ୍ଭ କଲା ‘ପିଠା ଅନ୍‌ ହ୍ୱିଲ୍‌’, ଭୁବନେଶ୍ୱର ସହ ସମ୍ବଲପୁର ଓ କଟକରେ ମିଳିବ ପିଠା
  • ||
  • ବଅଁରପାଳ : ସୁନାର ସଂସାରକୁ ଛାରଖାର କରିଦେଲା କରୋନା, ଆଗପଛ ହୋଇ ଚାଲିଗଲେ ପୁଅ-ବୋହୂ ଓ ମା, ଅନାଥ ହୋଇଗଲା ୧୪ ମାସର ଶିଶୁପୁତ୍ର
  • ||
  • ପୁରୀ : ଆଜି ଶ୍ରୀମନ୍ଦିରରେ କନ୍ୟା ଚୋରି ନୀତି
  • ||
  • ଭୁବନେଶ୍ୱର : ଆଜି ପହିଲି ରଜ, ଗାଁଠାରୁ ସହର ସବୁଠି ଜମୁଛି ପିଠାପଣାର ଆସର
  • ||
  • ଭୁବନେଶ୍ୱର : ସାରା ରାଜ୍ୟକୁ ଛୁଇଁଲା ମୌସୁମୀ, ଆହୁରି ଦୁଇଦିନ ସ୍ୱଳ୍ପରୁ ମଧ୍ୟମ ବର୍ଷା ସମ୍ଭାବନା, ୧୫ ପର୍ଯ୍ୟନ୍ତ ଧୀବରଙ୍କୁ ସମୁଦ୍ର ମନା
  • ||

ସଂସଦ ଚାଳିଥିବା ବେଳେ ଶିଶୁକୁ କୋଳରେ ଧରି ବାଚସ୍ପତି ପିଆଇଲେ କ୍ଷୀର,ସୋସିଆଲ ମିଡିଆରେ ଭାଇରାଲ ହେଲା ଫଟୋ

ଓ୍ବେଲିଙ୍ଗଟନ୍,୨୩।୮:ନ୍ୟୁଜିଲ୍ୟାଣ୍ଡ ସଂସଦରେ ଏକ ଗୁରୁତ୍ୱପୂର୍ଣ୍ଣ ବିଲକୁ ନେଇ  ଡିବେଟ ଚାଲିଥିବା ବେଳେ ସେ ସମୟରେ ବାଚସ୍ପତି ଟ୍ରେବର ମଲାର୍ଡଙ୍କ କୋଳରେ ଦେଖିବାକୁ ମିଳିଥିଲା ଏକ ଶିଶୁକୁ। ବାଚସ୍ପତି ଏହି ଶିଶୁକୁ କୋଳରେ ଧରି ବୋତଲ ଯୋଗେ କ୍ଷୀର ପିଆଉଥିବାର ଫଟୋ ଏବେ ସୋସାଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି। ତେବେ ଏହି ଶିଶୁଟି ବାଚସ୍ପତିଙ୍କ ନୁହେଁ ବାସ୍ତବରେ ଶିଶୁଟି ସାଂସଦ  ଟମାତୀ କାଫେଙ୍କର। ଟମାତୀ ତାଙ୍କର ସନ୍ତାନ ଜନ୍ମହେବା ପରେ କିଛି ଦିନ ଛୁଟିରେ ଥିଲେ। ତେବେ ଏଥର  ସଂସଦକୁ ସାଙ୍ଗେରେ ତାଙ୍କର ନବଜାତ ଶିଶୁପୁତ୍ରକୁ ଧରି ଆସିଥିଲେ। ତେବେ  ସଂସଦରେ ଗୁରୁତ୍ବପୂର୍ଣ୍ଣ ବିଲ ସମ୍ପର୍କରେ ଚର୍ଚ୍ଚା ଚାଲିଥିବା ବେଳେ ଶିଶୁଟି ଏଥିରେ ବାଧା ସୃଷ୍ଟି କରିବାରୁ ବାଚସ୍ପତି  ତାକୁ ନିଜ କୋଳକୁ ନେଇ ଗୃହ କାର୍ଯ୍ୟ ଜାରି ରଖିଥିଲେ।

ଏହି ଫଟୋକୁ  ବାଚସ୍ପତି ମଲାର୍ଡ ତାଙ୍କ ଟ୍ୱିଟର ଆକାଉଣ୍ଟରେ ଅପଲୋଡ କରିଛନ୍ତି, ଆଉ ଉଲ୍ଲେଖ କରିଛନ୍ତି ସ୍ପିକରଙ୍କ ଏହି ଆସନରେ ସାଧାରଣତଃ ଜଣେ ଅଧିକାରୀକ ବ୍ୟକ୍ତି ଅଳଙ୍କୃତ କରିଥାନ୍ତି। ହେଲେ ଆଜି ମୋ ସହ ଏଠାରେ ଜଣେ ଭିଆଇପି ବସିଛନ୍ତି। ଏଥିପାଇଁ ମୁଁ ଟମାତୀ କାଫେ ଓ ଟିମଙ୍କ ଘରର ଏହି ନୂତନ  ସଦସ୍ୟକୁ ଅଭିନନ୍ଦନ ଜଣାଉଛି।

ବହୁ ସାଂସଦ ଟ୍ବିଟରରେ ଟମାତିଙ୍କୁ ଟ୍ୟାଗ୍ କରି ତାଙ୍କ ପୁଅ ସହିତ ନିଜର ଫଟୋ ମଧ୍ୟ ସେୟାର କରିଛନ୍ତି। ଏହି ଫଟୋଟି ଗତ ଅଗଷ୍ଟ ୨୧ ତାରିଖର। ପେଟରନିଟି ଲିଭରେ ଥିବା ସାଂସଦ ଟମାତୀ ପ୍ରଥମ ଥର ସଂସଦକୁ ଆସିଥିଲେ। କିନ୍ତୁ ସାଙ୍ଗରେ ଏଥିର ତାଙ୍କ ପୁଅକ ନେଇ ଆସିଥିଲେ। ବାଚସ୍ପତିଙ୍କ ଏହି ଫଟୋଟିକୁ ସୋସିଆଲ ମିଡିଆରେ ଖୁବ୍ ପ୍ରଶଂସା କରାଯାଉଛି।