କରୋନା ଯୋଗୁଁ ନ୍ୟୁଜିଲ୍ୟାଣ୍ଡରେ ଘୁଞ୍ଚିଲା ନିର୍ବାଚନ

ଓ୍ୱେଲିଂଟନ – କରୋନା ସଂକ୍ରମଣ ଯୋଗୁଁ ନ୍ୟୁଜିଲ୍ୟାଣ୍ଡରେ ନିର୍ବାଚନ ପ୍ରକ୍ରିୟାକୁ ଘୁଞ୍ଚାଇ ଦିଆଯାଇଛି । ନ୍ୟୁଜିଲାଣ୍ଡର ପ୍ରଧାନମନ୍ତ୍ରୀ ଦେଶରେ ଅନୁଷ୍ଠିତ ହେବାକୁ ଥିବା ସାଧାରଣ ନିର୍ବାଚନକୁ ଏକ ମାସ ପାଇଁ ଘୁଞ୍ଚାଇ ଦେଇଛନ୍ତି । ଏବେ ଅକ୍‌ଲାଣ୍ଡରେ କରୋନା ସଂକ୍ରମଣ ବୃଦ୍ଧି ପାଇଥିବାରୁ ସାଧାରଣ ନିର୍ବାଚନକୁ ଏକ ମାସ ପାଇଁ ଅକ୍ଟୋବର ୧୭ ତାରିଖ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଥିବା ସୂଚନା ଦିଆଯାଇଛି । ଅକ୍‌ଲାଣ୍ଡରେ ଏବେ ଲକ୍‌ଡାଉନ୍‌ ଘୋଷଣା କରାଯାଇଛି ।

ବିଭିନ୍ନ ଦଳ ପକ୍ଷରୁ ଏବେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ନିର୍ବାଚନ ପ୍ରଚାର କରିବା ସମ୍ଭବ ନୁହେଁ ବୋଲି ସୂଚନା ଦିଆଯାଇଥିଲା । ଅକ୍‌ଲାଣ୍ଡରେ ଏବେ ଲକ୍‌ଡାଉନ୍‌ ଘୋଷଣା କରାଯାଇଥିବାକୁ ୫୦ ଲକ୍ଷରୁ ଅଧିକ ଜନ ସାଧାରଣ ଏବେ ଘରେ ରହୁଛନ୍ତି । ସେଥିପାଇଁ ନିର୍ବାଚନ ପ୍ରଚାର କରାଯାଇ ପାରିବ ନାହିଁ ବୋଲି ବିଭିନ୍ନ ରାଜନୈତିକ ଦଳ ପକ୍ଷରୁ ସୂଚନା ଦିଆଯାଇଥିଲା ।

ଅକ୍ଟୋବର ମାସ ବେଳକୁ ସ୍ଥିତିରେ ସୁଧାର ଆସିପାରେ ବୋଲି ନ୍ୟୁଜିଲ୍ୟାଣ୍ଡର ପ୍ରଧାନମନ୍ତ୍ରୀ ଆଶା ପ୍ରକାଶ କରିଛନ୍ତି । ସେହି ସମୟରେ ନିର୍ବାଚନ କରାଇଲେ ସମସ୍ତେ ଏଥରେ ଅଂଶଗ୍ରହଣ କରିପାରିବେ ବୋଲି ସେ କହିଛନ୍ତି । .

ଏହାଠାରୁ ଅଧିକ ସମୟ ପାଇଁ ସାଧାରଣ ନିର୍ବାଚନକୁ ଘୁଞ୍ଚାଇବା ସମ୍ଭବ ନୁହେଁ ବୋଲି ସେ ସୂଚନା ଦେଇଛନ୍ତି । ଏବେ କରାଯାଇଥିବା ସର୍ବେକ୍ଷଣ ଅନୁସାରେ ନ୍ୟୁଜିଲାଣ୍ଡର ପ୍ରଧାନମନ୍ତ୍ରୀ ଆରଡେର୍ନଙ୍କ ଲେବର ପାର୍ଟି କଞ୍ଜରଭେଟିଭ୍‌ ନ୍ୟାସନାଲ ପାର୍ଟିଠାରୁ ଜନମତରେ ବେଶ୍‌ ଆଗୁଆ ଥିବା ସୂଚନା ମିଳିଛି ।

ସମସ୍ତେ ଏବେ ସମାନ ପରିସ୍ଥିତିର ମୁକାବିଲା କରୁଛନ୍ତି । ସମସ୍ତଙ୍କୁ ସମାନ ପରିସ୍ଥିତିରେ କାମ କରିବା ପାଇଁପଡିବ ବୋଲି ସେ ସୂଚନା ଦେଇଛନ୍ତି । ନ୍ୟୁଜିଲାଣ୍ଡରେ କରୋନା ସଂକ୍ରମଣ ସମ୍ପୂର୍ଣ୍ଣ ଭାବେ ହ୍ରାସ ପାଇଥିଲା । ଏବେ କିନ୍ତୁ ନୂତନ ସଂକ୍ରମଣ ମାମଲା ସାମ୍ନାକୁ ଆସିଛି । ଏବେ ୭୮ ଟି ସକ୍ରିୟ ମାମଲା ଥିବା ବେଳେ ମୋଟ୍‌ କରୋନା ମାମଲା ୧୨୮୦ଟି । ଏବଂ ୨୨ ଜଣଙ୍କର ଏଥିରେ ମୃତ୍ୟୁ ହୋଇଛି ।

କରୋନା ସଂକ୍ରମଣକୁ ସଫଳତାର ସହ ମୁକାବିଲା କରିଥିବାରୁ ଆରଡେର୍ନାଙ୍କର ଲୋକପ୍ରିୟତା ଆହୁରି ବୃଦ୍ଧି ପାଇଛି । ଶୀଘ୍ର ନିର୍ବାଚନ କଲେ ତାଙ୍କ ଦଳ ଅଧିକ ଆସନ ଦଖଲ କରିବାର ସମ୍ଭାବନା ରହିଛି । ଏଥିପାଇଁ ପ୍ରଧାନମନ୍ତ୍ରୀ ଶୀଘ୍ର ନିର୍ବାଚନ କରିବା ପାଇଁ ଚାହୁଁଛନ୍ତି ବୋଲି ବିରୋଧୀ ଦଳମାନେ ଅଭିଯୋଗ କରିଛନ୍ତି । ପୂର୍ବରୁ ସେପ୍ଟେମ୍ବର ୧୯ ତାରିଖରେ ନିର୍ବାଚନ ହେବାର ଥିଲା । ଏହାକୁ ପ୍ରାୟ ଏକ ମାସ ପର୍ଯ୍ୟନ୍ତ ଘୁଞ୍ଚାଯାଇଛି । ନ୍ୟୁଜିଲାଣ୍ଡର ଆଇନ ଅନୁସାରେ ନଭେମ୍ବର ୨୧ ତାରିଖ ମଧ୍ୟରେ ନିର୍ବାଚନର ସମସ୍ତ ପ୍ରକ୍ରିୟା ଶେଷ ହେବାର ଆବଶ୍ୟକତା ରହିଛି ।

ଏବେ ନ୍ୟୁଜିଲାଣ୍ଡର ନିର୍ବାଚନ କମିଶନ ସାମାଜିକ ଦୂରତ୍ୱ ଏବଂ ବିଭିନ୍ନ ସ୍ୱାସ୍ଥ୍ୟଗତ ଏବଂ ସାମାଜିକ କଟକଣାରେ ନିର୍ବାଚନ ଅନୁଷ୍ଠିତ କରାଇପାରିବେ ବୋଲି ସୂଚନା ଦେଇଛନ୍ତି ।

   ସମ୍ବନ୍ଧିତ ଖବର


କାହାକୁ ନଜଣାଇ ଲୁଚିଛପି କିମ ଜୋଙ୍ଗ ଉନ ନିଜ ପରିବାର ସହ ନେଇଗଲେ କରୋନା ଟିକା, ଜାଣନ୍ତୁ କେଉଁଠୁ ପାଇଲେ ସେ ଟିକା ?

ଥରେ କି ଦୁଇଥର ନୁହେଁ ଏବେ ତୃତୀୟଥର ପାଇଁ କରୋନାକୁ ମାତ୍ ଦେଲେ ଏହି ମହିଳା, ବୟସ ଜାଣିଲେ ଆଶ୍ଚର୍ଯ୍ୟ ହେବେ…

୧୨୬ ବର୍ଷରେ ପ୍ରଥମ ଥର ପାଇଁ ଜଣେ ଭାରତୀୟ ହେବେ ବାଟାର ବସ୍

ଆତଙ୍କବାଦୀକୁ “ସୈନ୍ୟ ସମ୍ନାନ” ଭୂଷିତ କରୁଛି ପାକିସ୍ତାନ ? 26/11 ଆକ୍ରମଣରେ ନିଭାଇଥିଲା ବଡ ଭୁମିକା…

ତଦନ୍ତ ବେଳେ ଆଶ୍ଚର୍ଯ୍ୟ ହୋଇଗଲା ପୁଲିସ- ହତ୍ୟା ଅଭିଯୋଗ କରିଥିବା ବ୍ୟକ୍ତି ହଁ ହତ୍ୟାକାରୀ

ଏହି ରାଜନେତାଙ୍କୁ ହୃଦୟ ଦେଇବସିଛନ୍ତି ଦାଉଦର ଗର୍ଲଫ୍ରେଣ୍ଡ ହୟାତ୍