PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

ଏହି ଗ୍ରାମରେ ପ୍ରଚାର ମନା: ଭୋଟ ନଦେଲେ ୫୧ ଟଙ୍କା ଜରିମାନା

ଗୁଜରାଟର ରାଜକୋଟ ଜିଲ୍ଲା ଅନ୍ତର୍ଗତ ଏକ ଗ୍ରାମ ହେଉଛି ରାଜସମାଧିୟାଲ । ଏହି ଗାଁର ଏକ ବିଶେଷତ୍ୱ ହେଲା ଏଠାରେ ନିର୍ବାଚନ ପ୍ରଚାରର ପ୍ରଭାବ ଆଦୌ ନାହିଁ । ହେଲେ ଗାଁର ଅଧିକାଂଶ ଲୋକ ସଚେତନ ଓ ଭୋଟ ଦେବାକୁ ପ୍ରତିଶ୍ରୁତିବଦ୍ଧ ହୋଇଛନ୍ତି । ଏପରିକି ଯେଉଁ ବ୍ୟକ୍ତି ଭୋଟ ନଦେବେ ତାଙ୍କ ଉପରେ ଜରିମାନା ମଧ୍ୟ କରାଯାଇଛି । ନିର୍ବାଚନରେ ସମସ୍ତଙ୍କ ଅଂଶଗ୍ରହଣକୁ ସୁନିଶ୍ଚିତ କରିବା ଉଦ୍ଦେଶ୍ୟରେ ଗ୍ରାମ୍ୟ ଉନ୍ନୟନ କମିଟି (ଭିଡିସି) ପକ୍ଷରୁ ଏଭଳି କଡାକଡି ନିଷ୍ପତ୍ତି ନିଆଯାଇଛି । କମିଟିର ସବୁ ନିଷ୍ପତ୍ତି ଓ ନିର୍ଦ୍ଦେଶକୁ ମଧ୍ୟ ଗାଁ ଲୋକମାନେ ବହୁଦିନ ହେଲା ପାଳନ କରିଆସୁଛନ୍ତି ।

ସ୍ଥାନୀୟ ସରପଞ୍ଚ ଅଶୋକ ଭାଇ ବାଘେରାଙ୍କ କହିବାନୁଯାୟୀ ଗାଁର ପରିବେଶକୁ ନିର୍ବାଚନ ପ୍ରଚାର କ୍ଷତି ପହଞ୍ଚାଇବ ବୋଲି ଲୋକମାନଙ୍କର ବିଶ୍ୱାସର ରହିଛି । ସେଥିପାଇଁ ପ୍ରଚାରକୁ ଗାଁରେ ବ୍ୟାନ କରାଯାଇଛି । ଏହି ଅଞ୍ଚଳର ସବୁ ରାଜନୈତିକ ଦଳ ଗାଁର ଏଭଳି ନିଷ୍ପତ୍ତିକୁ ସମର୍ଥନ କରିଛନ୍ତି । ତେଣୁ ସେମାନେ ମଧ୍ୟ ପ୍ରଚାର ଲାଗି ଗାଁକୁ ଆସୁନାହାନ୍ତି । ତେବେ ନିର୍ବାଚନରେ ଗାଁର ସବୁ ଲୋକ ଭୋଟ ଦେବାର ବ୍ୟବସ୍ଥା କରାଯାଇଛି । ଭୋଟ ଦେବା ହେଉଛି ପ୍ରତ୍ୟେକ ନାଗରିକଙ୍କ କର୍ତ୍ତବ୍ୟ ଓ ଏହା ସେମାନଙ୍କ ଅଧିକାର । ତେଣୁ ସମସ୍ତେ ମତାଧିକାର ସାବ୍ୟସ୍ତ କରିବା ଲାଗି ପଦକ୍ଷେପ ନିଆଯାଉଛି । ଏପରିକି ଯେଉଁ ବ୍ୟକ୍ତି ଭୋଟ ଦେବାକୁ ନଯିବେ ତାଙ୍କ ଉପରେ ୫୧ ଟଙ୍କା ଜରିମାନା ଧାର୍ଯ୍ୟ କରାଯାଇଛି । କେବଳ ଏଥର ନୁହେଁ, ପ୍ରତିଥର ନିର୍ବାଚନ ବେଳେ ଗାଁରେ ଏଭଳି ବ୍ୟବସ୍ଥା ଗ୍ରହଣ କରାଯାଏ । ଆମେ ୧୦୦ ପ୍ରତିଶତ ମତାଧିକାର ସାବ୍ୟସ୍ତ କରିବା ଲାଗି ଚାହୁଁଛୁ । କିନ୍ତୁ ଗାଁର କିଛି ବୃଦ୍ଧବୃଦ୍ଧାଙ୍କର ମୃତ୍ୟୁ ଘଟିଥିଲେ ମଧ୍ୟ ସେମାନଙ୍କ ନାମ ଭୋଟର ତାଲିକାରେ ରହିଛି । ସେହିଭଳି କିଛି ଝିଅ ବିବାହ କରି ଚାଲିଯାଇଥିବା ବେଳେ ସେମାନଙ୍କ ନାମ ତାଲିକାରେ ସ୍ଥାନ ପାଇଛି । ତଥାପି ଗାଁରେ ୯୫-୯୬ ପ୍ରତିଶତ ଭୋଟିଂ ହୋଇଥାଏ ବୋଲି ସେ କହିଛନ୍ତି ।

ଗାଁରେ ସମସ୍ତ ପ୍ରକାର ଅତ୍ୟାଧୁନିକ ସୁବିଧା ରହିଛି । ଯେପରିକି ଇଣ୍ଟରନେଟ, ୱାଇଫାଇ, ସିସିଟିଭି କ୍ୟାମେରା, ସମସ୍ତଙ୍କ ପାଇଁ ପାନୀୟ ଜଳ ସୁବିଧା, ବିଦ୍ୟୁତ ଆଦି ସବୁ ପ୍ରକାର ବ୍ୟବସ୍ଥା ଗାଁରେ ଉପଲବ୍ଧ । ଚକାଚକ ରାସ୍ତା ନିର୍ମିତ ହୋଇଛି । ଗମନାଗମନର ବେଶ୍‌ ସୁବିଧା ମଧ୍ୟ ରହିଛି । ଏହାଫଳରେ ଗାଁ ଲୋକଙ୍କ ଜୀବନଧାରଣ ବେଶ୍‌ ସହଜ ହୋଇପାରିଛି । ସେହିଭଳି ପ୍ଲାଷ୍ଟିକ ଜରି ବ୍ୟବହାର ଉପରେ କଟକଣା ଲାଗୁ କରାଯାଇଛି । ଯେଉଁମାନେ ପ୍ଲାଷ୍ଟିକ ବର୍ଜ୍ୟକୁ ଏଣେତେଣେ ପକାଇବେ ତାଙ୍କ ଉପରେ ଜରିମାନାର ବ୍ୟବସ୍ଥା ମଧ୍ୟ ହୋଇଛି । ଗାଁରେ ପ୍ରତ୍ୟେକ ଲୋକଙ୍କ ପାଇଁ ମାଗଣା ୱାଇଫାଇ ସେବା ଉପଲବ୍ଧ । ସବୁ ଛକ ଓ ଗଳିକନ୍ଦିରେ ଲାଗିଛି ସିସିଟିଭି କ୍ୟାମେରା । ଯାହାଫଳରେ ସୁରକ୍ଷା ବ୍ୟବସ୍ଥା ସୁନିଶ୍ଚିତ କରାଯାଇପାରିଛି । ସେହିଭଳି ଗାଁରେ ମଧ୍ୟ ଜିଲ୍ଲାସ୍ତରୀୟ ଏକ କ୍ରିକେଟ ପଡିଆ ରହିଛି । ଗୁଜରାଟର ସମସ୍ତ ୨୬ଟି ଆସନରେ ଆସନ୍ତା ୨୩ ତାରିଖରେ ଭୋଟ ଅନୁଷ୍ଠିତ ହେବ ।

ସମ୍ବନ୍ଧିତ ଖବର