PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖପ୍ରାଖୋଲ:ଗମ୍ଭାରି ଛକ ନିକଟରେ ଏକ କାରରୁ ୬ ପେଟି କଫସିରଫ ଜବତ, ୨ଜଣ ଯୁବକଙ୍କୁ ଅଟକ ରଖି ପଚରାଉଚରା କରୁଛି ପୁଲିସ
  • ||
  • କୋଭିଡ଼ ପରିଚାଳନା ପାଇଁ ୩ ଜିଲ୍ଲାକୁ ୭.୬୨ କୋଟି ମଂଜୁର କଲେ ମୁଖ୍ୟମନ୍ତ୍ରୀ, ପୁରୀ ପାଇଁ ୨ କୋଟି, ସୁବର୍ଣ୍ଣପୁର ପାଇଁ ୧ କୋଟି ଟଙ୍କା ଓ ସମ୍ବଲପୁର ଜିଲ୍ଲା ପାଇଁ ୪ କୋଟି ୬୨ ଲକ୍ଷ ମଂଜୁର କଲେ ନବୀନ
  • ||
  • ଭୁବନେଶ୍ୱର: ସାଢ଼େ ୪ଟାରେ ଘୋଷଣା କରିବେ ଅତିରିକ୍ତ ମୁଖ୍ୟ ଶାସନ ସଚିବ ଓ ଡିଜିପି
  • ||
  • ଜୁନ ପହିଲାରେ କେରଳ ଛୁଇଁବ ମୌସୁମୀ ବାୟୁ, ଭାରତୀୟ ପାଣିପାଗ କେନ୍ଦ୍ରର ସୂଚନା
  • ||
  • ଲାଞ୍ଜିଗଡ଼ରେ ଅଞ୍ଚଳରେ ହାତୀ ଉପଦ୍ରବ, ଆମ୍ବ ଗଛ ଭାଙ୍ଗିଲେ, ନର୍ସରିକୁ ନଷ୍ଟ କଲେ
  • ||
  • କଳାହାଣ୍ଡି: ବିଲ ମଝିରୁ ନାବାଳକର ମୃତଦେହ ଉଦ୍ଧାର ,ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ପଶ୍ଚିମ ବଙ୍ଗ ଯାଉଥିବା ଟ୍ରେନ୍ ପାସେଞ୍ଜରମାନଙ୍କ ପାଇଁ RTPCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • ରାଉରକେଲା: ୩୦ଟି ଗୋଦାମ ଉପରେ ପୋଲିସ ଓ ଯୋଗାଣ ବିଭାଗର ମିଳିତ ଚଡାଉ, ଖସିଲା ଆଳୁ ଓ ପିଆଜ ଦର
  • ||
  • ସୁନ୍ଦରଗଡ: ତଲସରା ଥାନା ଅନ୍ତର୍ଗତ ବଘିଆବେରନା ଗ୍ରାମ ଜଙ୍ଗଲରୁ ମହିଳାଙ୍କ ଅର୍ଦ୍ଧ ଦଗ୍ଧ ମୃତଦେହ ଉଦ୍ଧାର
  • ||
  • କରୋନାରେ ଆଖିବୁଜିଲେ ବିଶିଷ୍ଟ ନାଟ୍ୟ ପ୍ରତିଭା ନାଟ୍ୟଶ୍ରୀ ଡ. ପଞ୍ଚାନନ ମିଶ୍ର
  • ||
  • ଜଳେଶ୍ଵର : ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ଅସ୍ପଷ୍ଟ
  • ||
  • ରାଜ୍ୟ: କରୋନାରେ ଆଖିବୁଜିଲେ ୧୭ ଜଣ ସଂକ୍ରମିତ, ମୃତକଙ୍କ ସଂଖ୍ୟା ୨୧୨୧କୁ ଛୁଇଁଲା
  • ||
  • ଓଡ଼ିଶାରେ ୫ ଲକ୍ଷ ଟପିଲା କରୋନା ସଂକ୍ରମିତଙ୍କ ସଂଖ୍ୟା, ୨୪ ଘଣ୍ଟାରେ ଚିହ୍ନଟ ହେଲେ ୧୦୫୨୧ ଜଣ ଆକ୍ରାନ୍ତ
  • ||
  • ଜାମ୍ମୁ କାଶ୍ମୀର : ସୁରକ୍ଷାବାହିନୀକୁ ବଡ଼ ସଫଳତା, ୩ ଆତଙ୍କୀ ନିପାତ, ଭୟରେ ଜଣେ ଆତଙ୍କବାଦୀ କଲା ଆତ୍ମସମର୍ପଣ
  • ||
  • ଭୁବନେଶ୍ଵର : ତାତିରୁ ମିଳିଛି ସାମାନ୍ୟ ଆଶ୍ଵସ୍ତି, ଖସିଛି ପାରଦ, ୯ ଯାଏଁ କାଳବୈଶାଖୀ ସମ୍ଭାବନା
  • ||
  • ତାଳଚେର : ଅନୁଗୁଳ ତଳଗଡ଼ ଗ୍ରାମରେ ହାତୀ ଆକ୍ରମଣରେ ଜଣେ ମହିଳା ମୃତ
  • ||

୧୩,୨୫୫ ଗାଁକୁ ରାସ୍ତା ନାହିଁ

source:http://www.odishastory.com

ଭୁବନେଶ୍ୱର,୫ା୨(ବ୍ୟୁରୋ): ଏବେ ବି ରାଜ୍ୟର ୧୩ ହଜାର ୨୫୫ ଗାଁକୁ ସବୁଦିନିଆ ରାସ୍ତା ନାହିଁ । ରାଜ୍ୟ ସରକାର ଏଭଳି ତଥ୍ୟ ଦେଇଛନ୍ତି ।
ସରକାରଙ୍କ ତଥ୍ୟ କହୁଛି, ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା (ପିଏମଜିଏସ୍‌ୱାଇ)ର ରୋଡ୍‌ କୋର୍‌ ନେଟୱର୍କ ଅନୁଯାୟୀ ଓଡ଼ିଶାରେ ମୋଟ ୫୦ ହଜାର ୧୭୮ଟି ଗାଁ ରହିଛି । ପିଏମ୍‌ଜିଏସ୍‌ୱାଇ କାର୍ଯ୍ୟକାରୀ ହେବା ଆଗରୁ ୨୦ ହଜାର ୬୪୧ ଗାଁକୁ ସବୁଦିନିଆ ରାସ୍ତା ଥିଲା । ୨୯ ହଜାର ୫୩୭ଟି ଗାଁ ଅସଂଯୋଜିତ ରହିଥିଲା । ପିଏମ୍‌ଜିଏସ୍‌ୱାଇ ନିୟମ ଅନୁଯାୟୀ ୧୮, ୪୭୬ ଗାଁକୁ ଯୋଗ୍ୟ ବିବେଚିତ କରାଯାଇଥିଲା । ଏଥିମଧ୍ୟରୁ ୧୭ ହଜାର ୧୦୩ଟି ଗାଁ ପାଇଁ ସଡ଼କ ସଂଯୋଗ ପ୍ରସ୍ତାବକୁ କେନ୍ଦ୍ର ସରକାର ଆବଶ୍ୟକୀୟ ଅର୍ଥ ମଞ୍ଜୁର କରିଛନ୍ତି । ରାଜ୍ୟ ସରକାରଙ୍କ ଦ୍ୱାରା ପ୍ରଚଳିତ ଅନ୍ୟାନ୍ୟ ଯୋଜନାରେ ୧୩୨୫ ଗାଁକୁ ସବୁଦିନିଆ ରାସ୍ତା ଦ୍ୱାରା ସଂଯୋଗୀକରଣ କରାଯାଇଛି । କେନ୍ଦ୍ର ସରକାର ମଞ୍ଜୁର କରିଥିବା ୧୭ ହଜାର ୧୦୩ଟି ଗାଁ ମଧ୍ୟରୁ ୧୪ ହଜାର ୯୫୭ଟି ଗାଁକୁ ୨୦୧୯ ଜାନୁଆରୀ ସୁଦ୍ଧା ପିଏମ୍‌ଜିଏସ୍‌ୱାଇ-୧ରେ ସଂଯୋଗ କରାଯାଇଛି । ଅର୍ଥାତ୍‌ ଅସଂଯୋଜିତ ଥିବା ମୋଟ ୨୯ ହଜାର ୫୩୭ଟି ଗାଁ ମଧ୍ୟରୁ ମୋଟ ୧୬ ହଜାର ୨୮୨ ଗାଁକୁ ରାସ୍ତା ନିର୍ମାଣ ସରିଛି । ଏହି ହିସାବରେ ୧୩ ହଜାର ୨୫୫ ଗାଁକୁ ଏଯାବତ୍‌ ସବୁଦିନିଆ ରାସ୍ତା ନାହିଁ । ଆସନ୍ତା ମାର୍ଚ୍ଚ ଶେଷ ସୁଦ୍ଧା ୨୧୪୬ ଗାଁକୁ ରାସ୍ତା ନିର୍ମାଣ ସାରିବାକୁ ଲକ୍ଷ୍ୟ ରଖାଯାଇଛି । ପିଏମ୍‌ଜିଏସ୍‌ୱାଇ ଯୋଜନାରେ ମଞ୍ଜୁର ହୋଇଥିବା ୫୮୨ ସେତୁ ମଧ୍ୟରୁ ଅଦ୍ୟାବଧି ୨୫୧ଟି ସେତୁ ନିର୍ମାଣ ହୋଇ ରାସ୍ତା ସଂଯୋଗୀକରଣ କରାଯାଇଛି ।
୨୦୧୪-୧୫ରୁ ବର୍ତ୍ତମାନ ସୁଦ୍ଧା ପିଏମ୍‌ଜିଏସ୍‌ୱାଇ ଯୋଜନାରେ ରାସ୍ତା ଓ ସେତୁ ନିର୍ମାଣ ପାଇଁ ମୋଟ ୧୨ ହଜାର ୧୮୬ କୋଟି ୨୯ ଲକ୍ଷ ଟଙ୍କା ଅନୁଦାନ ମିଳିଛି । ଏଥିରୁ ୭୫୮୦ କୋଟି ୬୫ ଲକ୍ଷ ଟଙ୍କା କେନ୍ଦ୍ର ସରକାର ଓ ୪୬୦୫ କୋଟି ୬୪ ଲକ୍ଷ ଟଙ୍କା ରାଜ୍ୟ ସରକାର ଦେଇଛନ୍ତି । ଏହି ଅନୁମୋଦିତ ଅର୍ଥ ମଧ୍ୟରୁ ୧୦୫୬୯ କୋଟି ୬ ଲକ୍ଷ ଟଙ୍କା ବ୍ୟୟ କରାଯାଇଛି । ଏଥିରେ ୨୪୫୯୮.୮୨ କିମି ରାସ୍ତା ନିର୍ମାଣ କରାଯାଇଛି । ବର୍ତ୍ତମାନ ସୁଦ୍ଧା ୧୬୧୭.୨୩ କୋଟି ଟଙ୍କା ଖର୍ଚ୍ଚ ନ ହୋଇ ବଳକା ଅଛି । ସେହିପରି ୨୦୧୪-୧୫ ଆର୍ଥିକ ବର୍ଷରୁ ଏଯାବତ୍‌ ମୁଖ୍ୟମନ୍ତ୍ରୀ ସଡ଼କ ଯୋଜନାରେ ରାଜ୍ୟ ସରକାର ୧୨୭୦ କୋଟି ୪୫ ଲକ୍ଷ ଟଙ୍କା ଦେଇଛନ୍ତି । ଏଥିରୁ ଏଯାବତ୍‌ ୯୪୯ କୋଟି ୪୬ ଲକ୍ଷ ଟଙ୍କା ଖର୍ଚ୍ଚ କରାଯାଇ ୪୧୦ଟି ରାସ୍ତା ନିର୍ମାଣ ହୋଇଛି । ୩୨୦ କୋଟି ୯୯ ଲକ୍ଷ ଟଙ୍କା ବଳକା ଅଛି । ୨୦୧୪-୧୫ ଆର୍ଥିକ ବର୍ଷରୁ ଏଯାବତ୍‌ ପ୍ଲାନ୍‌ ରୋଡ୍‌ ଅନ୍ତର୍ଗତ ବିଭିନ୍ନ ଯୋଜନା ମାଧ୍ୟମରେ କେନ୍ଦ୍ର ଓ ରାଜ୍ୟ ଗ୍ରାମ୍ୟ ସଡ଼କ ବାବଦକୁ ୨୪୬୯.୮୭ କୋଟି ଟଙ୍କାର ଅନୁଦାନ ମିଳିଥିଲା । ଏଥିରୁ ୨୨୫୮.୭୮ କୋଟି ଟଙ୍କା ବ୍ୟୟରେ ୩୨୪୪.୩୯ କିମି ରାସ୍ତା ନିର୍ମାଣ ହୋଇଛି ।