ଚାଷୀଙ୍କର ଟ୍ରାକ୍ଟର ରାଲି ପାଇଁ ଅନୁମତି ଦେଲାନି ଦିଲ୍ଲୀ ପୋଲିସ
ନୂଆଦିଲ୍ଲୀ- ସାଧାରଣତନ୍ତ୍ରର ଦିବସେ ଦିଲ୍ଲୀରେ ଟ୍ରାକ୍ଟର ରାଲି ଆୟୋଜନ ପାଇଁ ଦିଲ୍ଲୀ ପୋଲିସ ଅନୁମତି ଦେଇ ନାହିଁ । ଦିଲ୍ଲୀର ଆଉଟର ରିଙ୍ଗ ରୋଡ୍ରେ ଏହି ପ୍ରଦର୍ଶନ କରିବା ପାଇଁ କୃଷକ ସଙ୍ଗଠନମାନେ ଅନୁମତି ମାଗିଥିଲେ । ଦେଶର ବିଭିନ୍ନ ଅଞ୍ଚଳରୁ ଦିଲ୍ଲୀକୁ ଟ୍ରାକ୍ଟର ରାଲି ଆୟୋଜନ କରାଯିବାର ଥିଲା । ହେଲେ ସୁରକ୍ଷା ଦୃଷ୍ଟିରୁ ଦିଲ୍ଲୀ ପୋଲିସ ଏହାକୁ ଅନୁମତି ଦେଇ ନଥିବା ସୂଚନା ମିଳିଛି ।
ସେହିଦନ ଦେଶର ସାଧାରଣତନ୍ତ୍ର ଦିବସ ପାଳନ କରାଯିବାକୁ ଥିବାରୁ ଦିଲ୍ଲୀ ପୋଲିସର ଅନେକ ଦାୟିତ୍ୱ ରହିଛି । ସେହିଦିନ ଟ୍ରାକ୍ଟର ରାଲି ଆୟୋଜନ ସୁରକ୍ଷା ଦୃଷ୍ଟିରୁ ସମ୍ଭବ ନୁହେଁ ବୋଲି କୃଷକ ସଙ୍ଗଠନ ସହ ଆଲୋଚନା ବେଳେ ଦିଲ୍ଲୀ ପୋଲିସ କହିଥିଲା । ସୁପ୍ରିମକୋର୍ଟ ମଧ୍ୟ ଟ୍ରାକ୍ଟର ରାଲି ସମ୍ପର୍କରେ ଦିଲ୍ଲୀ ପୋଲିସ ଯାହା ନିଷ୍ପତ୍ତି ନେବ ତାହା ସର୍ବୋମାନ୍ୟ ବୋଲି କହିଥିଲେ।
ତେବେ କୃଷକ ସଙ୍ଗଠନଗୁଡିକ ଟ୍ରାକ୍ଟର ରାଲି କରିବା ପାଇଁ ଅଡି ବସିଛନ୍ତି। ପୋଲିସ ସେଥିପାଇଁ ଅନୁମତି ଦେଇ ପାରିବ ନାହିଁ ବୋଲି ଦିଲ୍ଲୀ ଟ୍ରାଫଇକ ଦାୟିତ୍ୱରେ ତିବା ଯୁଗ୍ମ କମିଶନ ମନିଷ ଅଗ୍ରଓ୍ୱାଲ କହିଛନ୍ତି ।
