ମୁମ୍ବାଇ: ସଲମାନ ଖାନ ଅଭିନୀତ ‘ବଜରଙ୍ଗୀ ଭାଇଜାନ୍’ରେ ମୁନ୍ନୀ ଭୂମିକାରେ ଲୋକପ୍ରିୟତା ପାଇଥିବା ହର୍ଷାଲୀ ମଲହୋତ୍ରା ସର୍ବାଦା ଚର୍ଚ୍ଚାରେ ରହିଥାନ୍ତି । ବର୍ତ୍ତମାନ ସମୟରେ ସେ କୌଣସି ଫିଲ୍ମ ଏବଂ ସିରିୟଲ୍ରେ ନଜର ଆସିନଥିଲେ ବି ତାଙ୍କୁ ନେଇ ଚର୍ଚ୍ଚା ହେଉଛି । ସେ ସୋସିଆଲ ମିଡିଆରେ ବେଶ ସକ୍ରିୟ ରହୁଛନ୍ତି । ଏବେ ଦଶମ ପରୀକ୍ଷାରେ ପାସ୍ କରିବା ପରେ ସେ ସାବ୍ୟସ୍ତ କରିଦେଇଛନ୍ତି ଯେ, ସେ ଅଭିନୟ ଏବଂ ଡ୍ୟାନ୍ସଂ ଭଳି ପଢ଼ାରେ ମଧ୍ୟ ବହୁ ଆଗରେ ରହିଛନ୍ତି ।
ହର୍ଷାଲୀ ମଲହୋତ୍ରାଙ୍କ ଦଶମ ରେଜଲ୍ଟ ପ୍ରକାଶ ପାଇଛି । ତାଙ୍କର ରେଜଲ୍ଟ ସେ ନିଜେ ଇନଷ୍ଟାରେ ସେୟାର କରିଛନ୍ତି । ଏକ ଭିଡିଓ ପୋଷ୍ଟ କରି ସେ ଭଲ ମାର୍କ ରଖିଥିବା ନେଇ ଜଣାଇଛନ୍ତି । ସେପଟେ ପାଠ ନପଢ଼ି ଅଭିନୟରେ ସମୟ ନଷ୍ଟ କରୁଥିବା ନେଇ କମେଣ୍ଟ କରିଥିବା ଲୋକମାନଙ୍କୁ ସେ ଜବାବ ଦେଇଛନ୍ତି ।
ଟ୍ରୋଲର୍ସଙ୍କ ଏକ କମେଣ୍ଟ ସେୟାର କରିବା ସହ ଅଭିନେତ୍ରୀ ହର୍ଷାଲୀ ମଲହୋତ୍ରା ଲେଖିଛନ୍ତି, ‘ପଚାରିଥିବାରୁ ସମସ୍ତଙ୍କୁ ଧନ୍ୟବାଦ । ମୁଁ ଦଶମରେ ୮୩ ପ୍ରତିଶତ ମାର୍କ ରଖିଛି।’ ଏହା ସହ କଥକ ଡ୍ୟାନ୍ସ କ୍ଲାସ, ଅଭିନୟ ଏବଂ ପାଠ ପଢ଼ା ସହ ଉତ୍ତମ ସମନ୍ବୟ ରଖିବାରେ ସଫଳ ହୋଇଥିବା ନେଇ ଲେଖିଛନ୍ତି ହର୍ଷାଲୀ ମଲହୋତ୍ରା । କିଏ କହୁଛି ଆପଣ ରିଲ ଏବଂ ରିୟଲ୍ ଦୁନିଆରେ ଏକାସାଙ୍ଗେ ପାଦ ରଖିପାରିବେ ନାହିଁ ? ସମସ୍ତଙ୍କୁ ଧନ୍ୟବାଦ । କାରଣ ଆପଣମାନେ ମୋ ଉପରେ ବିଶ୍ବାସ କରିଛନ୍ତି ବୋଲି ହର୍ଷାଲୀ ମଲହୋତ୍ରା ଇନଷ୍ଟାଗ୍ରାମରେ ଲେଖିଛନ୍ତି ।