PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ଓଡ଼ିଆ ଚଳଚ୍ଚିତ୍ର ଶିଳ୍ପ ମହାସମାବେଶ; ସିନେମା ହଲ୍‌ ସଂଖ୍ୟା ବଢ଼ାଅ

ଭୁବନେଶ୍ୱର,୧ା୩(ବ୍ୟୁରୋ): ରାଜ୍ୟରେ ଅଧିକରୁ ଅଧିକ ସିନେମା ହଲ୍‌ ହେଉ । ସଂଖ୍ୟା ବୃଦ୍ଧି ପାଉ । ନୂଆ ସିନେମା ହଲ୍‌ ଏବଂ ପୁରୁଣାର ପୁନରୁଦ୍ଧାର ଲାଗି ଋଣ ସ୍ୱରୂପ ଆର୍ଥିକ ସହାୟତା ଦିଆଯାଉ । ଚଳଚ୍ଚିତ୍ର ଏକାଡେମୀ ସାଙ୍ଗକୁ ଆର୍କାଇଭସ୍‌ ପ୍ରତିଷ୍ଠା କରାଯାଉ । ଟିକେଟ୍‌ରୁ ଜିଏସ୍‌ଟି କଟାଯାଉ ଏବଂ ଚଳଚ୍ଚିତ୍ର ପ୍ରଯୋଜନା ଲାଗି ସବ୍‌ସିଡି ମିଳୁ । ବର୍ଷକୁ ଥରେ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ କରାଯାଉ । ଚଳଚ୍ଚିତ୍ର ନଗର କୋଅପରେଟିଭ୍‌ ହାଉସିଂ ସୋସାଇଟି ପାଇଁ ଭୁବନେଶ୍ୱର, ଖୋର୍ଦ୍ଧା କିମ୍ବା ତ୍ରିଶୁଳିଆରେ ୧୦୦ଏକର ଜମି ଯୋଗା ଯାଉ । ସିନେ କର୍ମଚାରୀ ଓ ଟେକ୍ନିସିଆନ୍‌ଙ୍କ ପାଇଁ ବୀମା ଏବଂ ପେନ୍‌ସନ୍‌ର ବ୍ୟବସ୍ଥା ହେଉ । ଆଜି ପୂର୍ବାହ୍ନରେ ଜୟଦେବ ଭବନରେ ଓଡ଼ିଆ ଚଳଚ୍ଚିତ୍ର ଶିଳ୍ପ ମହାସମାବେଶରେ ସରକାରଙ୍କ ସାମ୍ନାରେ କିଛି ଏହିଭଳି ଦାବି ରଖିଛି ଉତ୍କଳ ସିନେ ଚାମ୍ବର ଅଫ୍‌ କମର୍ସ ।
ଉତ୍କଳ ସିନେ ଚାମ୍ବର ଅଫ୍‌ କମର୍ସର ଅଧ୍ୟକ୍ଷ ଦିଲ୍ଲୀପ କୁମାର ମିଶ୍ରଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ଅନୁଷ୍ଠାନ ପକ୍ଷରୁ ସ୍ୱାଗତ ଭାଷଣ ସହ ଶେଷରେ ଏ ସମସ୍ତ ଦାବିକୁ ଉପସ୍ଥାପନ କରିଥିଲେ । ଓଡ଼ିଶା ଚଳଚ୍ଚିତ୍ର ପ୍ରଯୋଜକ ସଂଘ ସଭାପତି କେଶବ ଚନ୍ଦ୍ର ରାଉତ, ସବୁ ବ୍ଲକ୍‌ରେ ହଲ୍‌ ପ୍ରତିଷ୍ଠା ସହ ସ୍ୱାସ୍ଥ୍ୟ ବୀମା, କଳାକାରଙ୍କୁ ପେନ୍‌ସନ୍‌ ଦିଆଯାଉ ବୋଲି କହିଥିଲେ । କେଶରୀ ଟକିଜ୍‌ ଏମ୍‌ଡି ଭରତଚନ୍ଦ୍ର ସିଂ ଭଞ୍ଜଦେଓ କହିଥିଲେ, ହଲ୍‌ର ପୁନରୁଦ୍ଧାର ଏବଂ ଚଳଚ୍ଚିତ୍ର ଟିକେଟ୍‌ ଜିଏସ୍‌ଟି ମୁକ୍ତ ହେଉ । ଗୀତିକାର ଦେବଦାସ ଛୋଟରାୟ, ଚଳଚ୍ଚିତ୍ର ପଲିସି ସହ ବୈଷୟିକ ଜ୍ଞାନକୌଶଳ ଉପରେ ଧ୍ୟାନ ଦେବାକୁ ଗୁରୁତ୍ୱାରୋପ କରିଥିଲେ । ସଙ୍ଗୀତଜ୍ଞ ପ୍ରଫୁଲ୍ଲ କର ମୌଳିକତାକୁ ଭୁଲି ନଯିବାକୁ ତାଗିଦ୍‌ କରିଥିଲେ । ପ୍ରାକ୍ତନ ଡିଜି, ଓଏଫ୍‌ଡିସି ଅଧ୍ୟକ୍ଷ ବଟକୃଷ୍ଣ ତ୍ରିପାଠୀ ଅତୀତକୁ ମନେପକାଇ ବର୍ତ୍ତମାନ ଚଳଚ୍ଚିତ୍ର ଅଭିଲେଖାଗାର ପ୍ରତିଷ୍ଠା ଉପରେ ଜୋର୍‌ ଦେଇଥିଲେ । ଅଭିନେତା ବିଜୟ ମହାନ୍ତି, ସିଦ୍ଧାନ୍ତ ମହାପାତ୍ର, ମିହିର ଦାସ, ଶ୍ରୀତମ୍‌ ଦାସ ପ୍ରମୁଖ ସମସ୍ତେ ଏକାଠି ହୋଇ ଚଳଚ୍ଚିତ୍ର ଶିଳ୍ପକୁ ଆଗେଇ ନେବାକୁ ଆହ୍ୱାନ ଦେଇଥିଲେ । ବରିଷ୍ଠ ସିନେମାଟୋଗ୍ରାଫର ଶ୍ରୀନିବାସ ମହାପାତ୍ର କହିଥିଲେ, ସିନେମାର ଉନ୍ନତି ପାଇଁ ରାଜନୀତି ନକରି ଶୃଙ୍ଖଳିତ, ସଙ୍ଗଠିତ ଭାବେ କିଛି କରାଯାଉ । ନିର୍ଦ୍ଦେଶକ ମନମୋହନ ମହାପାତ୍ର କହିଥିଲେ, ଏକ କୋର୍‌ କମିଟି କରି ସରକାରଙ୍କ ନିକଟରେ ମତ ରଖାଯାଉ । ନିର୍ଦ୍ଦେଶକ ରାଜୁ ମିଶ୍ର କହିଥିଲେ, ଚଳଚ୍ଚିତ୍ର ନୀତି ଅନୁଯାୟୀ ଆର୍ଥିକ ପ୍ରୋତ୍ସାହନ ଆଣି କିଛି କରାଯାଉ । ଟେକ୍ନିସିଆନ୍‌ ଆସୋସିଏସନ୍‌ ନିରଞ୍ଜନ ଦାସ, ଟେକ୍ନିସିଆନ୍‌ଙ୍କ ପେନ୍‌ସନ୍‌ ଓ ବୀମା ସମ୍ପର୍କରେ ମତ ରଖିଥିଲେ । ଏହି ଅବସରରେ ‘ହେଲୋ ଆର୍‌ସି’ ପ୍ରଯୋଜକଙ୍କୁ ସମ୍ବର୍ଦ୍ଧିତ କରାଯାଇଥିଲା । ଶେଷରେ ପ୍ରଯୋଜକ ଅଜୟ ରାଉତରାୟ ଧନ୍ୟବାଦ ଦେଇଥିଲେ । ମହାସମାବେଶରେ ଓଡ଼ିଶା ପ୍ରେକ୍ଷାଳୟ ସଂଘ, ଉତ୍କଳ ସିନେ ଚାମ୍ବର୍‌ ଅଫ୍‌ କମର୍ସ, ଓଡ଼ିଶା ଚଳଚ୍ଚିତ୍ର ପ୍ରଯୋଜକ ସଂଘ, ସିନେ ଆର୍ଟିଷ୍ଟ ଆସୋସିଏସ୍‌ ଓ ଅନ୍ୟମାନେ ସାମିଲ ହୋଇଥିଲେ ।

ସମ୍ବନ୍ଧିତ ଖବର