କରୋନାରେ ଓଡ଼ିଆ ଡାକ୍ତରଙ୍କ ଦେହାନ୍ତ

କୋଲକାତା,୧୮/୦୮: କାଶୀପୁରର ଇଚ୍ଛାପୁର ଗନ୍‌ସାଲ ଫାକ୍ଟ୍ରିରୁ ଅବସରପ୍ରାପ୍ତ ତଥା ପୁଣି ସେଠାରେ ଚୁକ୍ତିଭିତ୍ତିକଡାକ୍ତର ଭାବେ କାର୍ଯ୍ୟରତ ଡା. ଗଦାଧର ସାହୁଙ୍କ କରୋନାରେ ଗତ ୧୪ ତାରିଖରେ ମୃତ୍ୟୁ ହୋଇଯାଇଛି । ସ୍ୱାସ୍ଥ୍ୟ ନିୟମ ମାନି ପୌରସଭା ପକ୍ଷରୁ ତାଙ୍କର ଅନ୍ତିମ ସଂସ୍କାର କରାଯାଇଥିଲା । ତାଙ୍କ ଘର ଯାଜପୁର ଜିଲ୍ଲା ଖଣ୍ଡରା ଛକରେ । ତାଙ୍କ ପତ୍ନୀ ଓ ପୁତ୍ର ଗ୍ରାମକୁ ଚାଲିଯାଇଛନ୍ତି । ତାଙ୍କ ମୃତ୍ୟୁରେ ବଙ୍ଗ-ଉତ୍କଳ ସମାଜ ତରଫରୁ ଶୋକ ପ୍ରକାଶ କରାଯାଇଛି । କମ୍ବଧର ବେହେରା, ସପିର ମଜୁମଦାର, ପ୍ରଦୀପ ମିଶ୍ର, ମୀନକେତନ ବେହେରା, କୃଷ୍ଣଚନ୍ଦ୍ର ଧଳ ପ୍ରମୁଖ କର୍ମକର୍ତ୍ତା ଶୋକବ୍ୟକ୍ତ କରିବା ସହ ପରିବାରକୁ ସମବେଦନା ଜଣାଇଛନ୍ତି ।

ସେ ଉକ୍ତ କମ୍ପାନୀରେ କାର୍ଯ୍ୟରତ ଥିବା ବେଳେ ସମସ୍ତଙ୍କ ପ୍ରିୟପାତ୍ର ଥିଲେ । ଏପରିକି ଅବସର ପରେ ମଧ୍ୟ କମ୍ପାନୀ କର୍ତ୍ତୃପକ୍ଷ ଓ କର୍ମଚାରୀମାନେ ପୁଣି ସେଠାରେ କାର୍ଯ୍ୟ କରିବାକୁ ବାଧ୍ୟ କରିଥିଲେ ଏହି ସ୍ୱନାମଧନ୍ୟ ଡାକ୍ତରଙ୍କୁ। ସେ କମ୍ପାନୀ କ୍ଲିନିକ୍‌ରେ ରୋଗୀ ଦେଖିବା ସହ ବସ୍ତିବାସିନ୍ଦାଙ୍କୁ ମାଗଣାରେ ଚିକିତ୍ସା କରୁଥିଲେ । ହଠାତ୍‌ ଦୁଇ ସପ୍ତାହ ତଳେ ସେ ଅସୁସ୍ଥ ହୋଇପଡ଼ିଥିଲେ । କରୋନା ପରୀକ୍ଷା ପରେ ତାଙ୍କ ରିପୋର୍ଟ ପଜିଟିଭ୍‌ ଆସିଥିଲା । ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ୧୯୫୪ରେ ଜନ୍ମଗ୍ରହଣ କରିଥିବା ଗଦାଧର ବ୍ରହ୍ମପୁରସ୍ଥିତ ଏମ୍‌କେସିଜି ମେଡିକାଲ କଲେଜ୍‌ରୁ ପାସ କରି ଚିକିତ୍ସକ ଜୀବନ ଆରମ୍ଭ କରିଥିଲେ । ତାଙ୍କ ମୃତ୍ୟୁରେ କୋଲକାତାର ବହୁ ଓଡ଼ିଆ ସଂଗଠନର କର୍ମକର୍ତ୍ତା ଶୋକ ପ୍ରକାଶ କରିଛନ୍ତି।

   ସମ୍ବନ୍ଧିତ ଖବର


ପଞ୍ଜାବର ସମସ୍ତ ସହରରେ ପୁଣିଥରେ ଲାଗୁହେଲା ନାଇଟକର୍ଫ୍ୟୁ, ମାସ୍କ ନପିନ୍ଧିଲେ ଲାଗିବ ୧ହଜାର ଟଙ୍କାର ଜରିମାନା…

ରେଡ୍ ଲାଇଟରୁ ଉଦ୍ଧାର ହୋଇଥିବା ଓଡିଆ କିଶୋରୀଙ୍କୁ ମିଳିଲା ୯ ଲକ୍ଷ

ପାକିସ୍ତାନରେ ଏବେ ଦୁଷ୍କର୍ମକାରୀଙ୍କୁ କରାଯିବ ନପୁଂସକ,ଏହି ସବୁ ଦେଶରେ ଦିଆଯାଏ ଅତି ଭୟଙ୍କର ଦଣ୍ଡ

ଅହମ୍ମଦ ପଟେଲଙ୍କ ପରଲୋକରେ ଗାନ୍ଧି ପରିବାରରେ ଶୋକ: ଟୁଇଟ୍ କରି ଦୁଃଖ ପ୍ରକାଶ କଲେ ସୋନିଆ, ରାହୁଲ ଓ ପ୍ରିୟଙ୍କା

ଇଣ୍ଟେରିୟର ଡିଜାଇନିଂ ନାଁରେ ଭର୍ଚୁଆଲ ସେକ୍ସ ରାକେଟ୍ : ଅନ୍‌ଲାଇନ୍‌ରେ ଅଙ୍ଗ ପ୍ରଦର୍ଶନ ପାଇଁ ଦିଆଯାଉଥିଲା ତାଲିମ୍, ପର୍ଦ୍ଦାଫାଶ କଲା ପୋଲିସ

୬ ଦିନରେ ୫୩% ଖସିଲା ଲକ୍ଷ୍ମୀ ବିଳାସ ବ୍ୟାଙ୍କ ସେୟାର