PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • ଭୁବନେଶ୍ୱର: ଆଜି ଇଣ୍ଡିଆନ ଗ୍ରାଁପ୍ରି-୩: ଅମିୟ ଓ ଶ୍ରାବଣୀ ଦୌଡ଼ିବେ, ପ୍ରତିଯୋଗିତାରେ ସାମିଲ ହେବେନି ଦୂତି
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

ଜାତିସଂଘ ସାଧାରଣ ପରିଷଦରେ ଓଡ଼ିଆ ଝିଅ

ଭୁବନେଶ୍ୱର,୯ ।୩(ବ୍ୟୁରୋ): ବାଙ୍ଗାଲୋରର ବିଦ୍ୟାଶିଳ୍ପ ଏକାଡେମୀର ଅଷ୍ଟମ ଶ୍ରେଣୀରେ ପଢୁଥିବା ଓଡ଼ିଆ ଝିଅ ଅନିକା ମହାପାତ୍ର ଜାତିସଂଘର ସାଧାରଣ ପରିଷଦରେ କହିବାର ସୁଯୋଗ ପାଇଛନ୍ତି । ଅନିକା ଫିଜି ଦେଶର କିଛି ସମସ୍ୟା ଓ ତା’ର ସମାଧାନର କିଛି ଉପାୟ ବାବଦରେ ଆଲୋକପାତ କରିଥିଲେ । ଜାନୁଆରୀ ୩୦ରୁ ଫେବ୍ରୁଆରୀ ୨ ତାରିଖ ପର୍ଯ୍ୟନ୍ତ ଜାତିସଂଘର ଏହି କାର୍ଯ୍ୟକ୍ରମ ଚାଲିଥିଲା । ପୃଥିବୀର ୭୦ ଦେଶରୁ ବଛା ବଛା ଛାତ୍ରଛାତ୍ରୀ ନ୍ୟୁୟର୍କ ଯାଇ ଅଂଶ ଗ୍ରହଣ କରିଥିଲେ । ସେମାନଙ୍କୁ ଜାତିସଂଘର ସାଧାରଣ ପରିଷଦ ଓ ନିରାପତ୍ତା ପରିଷଦରେ କହିବାକୁ ସୁଯୋଗ ମିଳିଥିଲା ।
ଦ ୱାଲ୍ଡ୍‌ ଫେଡେରେସନ୍‌ ଅଫ୍‌ ୟୁନାଇଟେଡ୍‌ ନେସନ୍ସ୍‌ ଆସୋସିଏସନ୍ସ୍‌ ପକ୍ଷରୁ ଏହି କାର୍ଯ୍ୟକ୍ରମଟି ଆୟୋଜିତ ହୋଇଥିଲା । ଏହି ସ୍ୱେଚ୍ଛାସେବୀ ଅନୁଷ୍ଠାନ ସ୍କୁଲ ଛାତ୍ରଛାତ୍ରୀଙ୍କୁ ବିଭିନ୍ନ ଦେଶର ସମସ୍ୟା ଉପରେ ଅଧ୍ୟୟନ, ଆଲୋଚନା, ତର୍ଜମା କରି ସମାଧାନ ଉପରେ ବିବରଣୀ ଦେବାକୁ କହିଥାଏ । ଏହା ଛାତ୍ରଛାତ୍ରୀଙ୍କୁ ଭବିଷ୍ୟତର ଆନ୍ତର୍ଜାତିକ ନାଗରିକ ଓ କୁଟନୀତିଜ୍ଞ ହେବା ପାଇଁ ଉତ୍ସାହ ଓ ପ୍ରେରଣା ଦିଏ ।
ଅନିକା, ଭୁବନେଶ୍ୱର ଚନ୍ଦ୍ରଶେଖରପୁରରେ ରହୁଥିବା ସନ୍ଦୀପ ମହାପାତ୍ର ଓ ମୀନତିଙ୍କ ଜ୍ୟେଷ୍ଠା କନ୍ୟା । ସନ୍ଦିପ ଆଇବିଏମ୍‌ ଓ ମୀନତି ଫିଲିପ୍ସ୍‌ କମ୍ପାନୀରେ କାର୍ଯ୍ୟରତ । ଅଧ୍ୟୟନ ଛଡା ଅନିକା କଳା ଓ ଖେଳରେ ମଧ୍ୟ ରୁଚି ରଖୁଛନ୍ତି । ବିଭିନ୍ନ ଦଳଗତ ପ୍ରତିଯୋଗିତାରେ ରାଜ୍ୟ ତଥା ଦେଶ ପକ୍ଷରୁ ଆନ୍ତର୍ଜାତିକ ପ୍ରତିଯୋଗିତାରେ ଅଂଶ ଗ୍ରହଣ କରିଛନ୍ତି । ସେହିପରି ସମୁଦ୍ରକୁ ଲମ୍ଫ ଦେବା, ଢେଉରେ ପହଁରିବା, ଭଳି ବିଭିନ୍ନ ବିପଦପୂର୍ଣ୍ଣ ଖେଳରେ ମଧ୍ୟ ଭାଗ ନେଇଛନ୍ତି ।

ସମ୍ବନ୍ଧିତ ଖବର