ଭିଜିଲାନ୍ସ ଜାଲରେ ଫ୍ୟାକ୍ଟ୍ରି ଆଣ୍ଡ ବଏଲର୍ସ ନିର୍ଦ୍ଦେଶକ: ୫୦ ହଜାର ଟଙ୍କା ଲାଞ୍ଚ ନେଲା ବେଳେ ଗିରଫ

ଭୁବନେଶ୍ୱର ୨୮/୮ : ୫୦ ହଜାର ଟଙ୍କା ଲାଞ୍ଚ ନେଲା ବେଳେ ଫ୍ୟାକ୍ଟ୍ରି ଆଣ୍ଡ ବଏଲର୍ସ ବିଭାଗ ନିର୍ଦ୍ଦେଶକ (ଇନଚାର୍ଜ) ସତ୍ୟନାରାୟଣ ସେଠୀ ଭିଜିଲାନ୍ସ ହାତରେ ଧରାପଡ଼ିଛନ୍ତି । ଭିଜିଲାନ୍ସ ଅଧିକାରୀମାନେ ତାଙ୍କୁ ଗିରଫ କରି ପଚରାଉଚରା ଚଳାଇଛନ୍ତି । ଆସନ୍ତାକାଲି ତାଙ୍କୁ କୋର୍ଟଚାଲାଣ କରାଯିବ । ତାଙ୍କର ସ୍ଥାବର ଅସ୍ଥାବର ସମ୍ପତ୍ତିର ଆକଳନ ମଧ୍ୟ ଚାଲିଛି ।

ଭିଜିଲାନ୍ସ କାର୍ଯ୍ୟାଳୟରୁ ମିଳିଥିବା ସୂଚନା ମୁତାବକ, ବ୍ରହ୍ମପୁର ଗୋପାଳପୁରରେ ତିଆରି ହେଉଛି ପାନା ସିମେଣ୍ଟ କାରଖାନା । ଏଥିପାଇଁ କମ୍ପାନୀ ପକ୍ଷରୁ ଫ୍ୟାକ୍ଟ୍ରି ଆଣ୍ଡ ବଏଲର୍ସ ବିଭାଗର ଲାଇସେନ୍ସ ନିହାତି ଆବଶ୍ୟକ । କମ୍ପାନୀ ପକ୍ଷରୁ ଏନେଇ ଆବେଦନ କରା ଯାଇଥିଲା । ହେଲେ ବିଭାଗୀୟ ନିର୍ଦ୍ଦେଶକ ସତ୍ୟନାରାୟଣ ସେଠୀ ବିଭିନ୍ନ ଆଳ ଦେଖାଇ ସାର୍ଟିଫିକେଟ ଦେଉ ନଥିଲେ । କମ୍ପାନୀର ବରିଷ୍ଠ ଅଧିକାରୀ ସୁଶାନ୍ତ କୁମାର ବିହାରୀ ବାରମ୍ବାର ଦୌଡ଼ିବା ପରେ ମଧ୍ୟ ସେ କିଛି ଶୁଣି ନଥିଲେ ।

ଲାଇସେନ୍ସ ମଞ୍ଜୁର ପାଇଁ ୫୦ ହଜାର ଟଙ୍କା ଦାବି କରିଥିଲେ । ଟଙ୍କା କମ୍‌ କରିବାକୁ କହିଥିଲେ ସୁଶାନ୍ତ । ହେଲେ ଶ୍ରୀ ସେଠୀ ୫୦ ହଜାର ପାଇଁ ଅଡ଼ି ବସିଥିଲେ । ଟଙ୍କା ଆଣି ଆସିବାକୁ ସେ ସୁଶାନ୍ତଙ୍କୁ କହିଥିଲେ । ତେବେ ଏନେଇ ସୁଶାନ୍ତ ଭିଜିଲାନ୍ସ ଅଧିକାରୀଙ୍କୁ ଜଣାଇଥିଲେ । ମଙ୍ଗଳବାର ଶ୍ରୀ ସେଠୀ ତାଙ୍କ ଅଫିସ୍‌କୁ ଟଙ୍କା ନେଇ ଆସିଥିଲେ । ଯୋଜନା ମୁତାବକ ସେ ଅଫିସରେ ଲାଞ୍ଚ ଟଙ୍କା ନେଉଥିବା ବେଳେ ଭିଜିଲାନ୍ସ ଅଧିକାରୀମାନେ ଚଢଉ କରି ତାଙ୍କୁ ଧରିଥିଲେ । ଶ୍ରୀ ସେଠୀଙ୍କ ଠାରୁ ଲାଞ୍ଚ ଟଙ୍କା ଜବତ କରିବା ପରେ ତାଙ୍କୁ ଗିରଫ କରା ଯାଇଥିଲା । ଅପରାହ୍ଣରେ ଆୟବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ତାଙ୍କ ସରାକାରୀ ବାସଭବନ ସହ ଏକାଧିକ ସ୍ଥାନରେ ଭିଜିଲାନ୍ସ ଚଢ଼ଉ କରିଥିଲା । ଚଢ଼ଉ ବେଳେ ଭିଜିଲାନ୍ସକୁ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଥିବା ଜଣାପଡ଼ିଛି ।

   ସମ୍ବନ୍ଧିତ ଖବର


ସମ୍‌ରେ ସଫଳ କିଡ୍‌ନୀ ପ୍ରତିରୋପଣ – ରୋଗୀଙ୍କୁ ଉତ୍କୃଷ୍ଟ ସେବା ଯୋଗାଉଛି ସମ୍ ଅଲ୍ଟିମେଟ୍ ମେଡିକେୟାର

ଫେସବୁକରେ ଯୁବତୀଙ୍କ ପ୍ରେମରେ ପଡିଲେ ଅଜା,ପ୍ରେମିକାକୁ ପାଇବାକୁ ୧୫ ମାସର ନାତିକୁ କଲେ ଅପହରଣ

ଡ୍ରଗ୍ସ ଜାଲରେ କ୍ରିକେଟରଙ୍କ ପତ୍ନୀ!

ଭୁବନେଶ୍ୱରରେ ପିସ୍ତଲ ଡିଲ୍‌ର ପର୍ଦ୍ଦାଫାସ : ସ୍କର୍ପିଓରୁ ଉଦ୍ଧାର ହେଲେ କଲଗାର୍ଲ !

ରାଜଧାନୀରେ ବନ୍ଧୁକ ଡିଲ୍‌ ବେଳେ ମହିଳା ସମେତ ୩ ଗିରଫ, ଖସିଗଲେ ବିକିବାକୁ ଆସିଥିବା ବ୍ୟବସାୟୀ

ଅନରକିଲିଂ ମାମଲାରେ ବେଲ୍‌ ନୁହେଁ, ଜେଲ୍‌