ଏଣିକି ସରକାରୀ ଚାକିରିଆଙ୍କ ବିଦେଶ ଗସ୍ତ କଟକଣା କୋହଳ: ବ୍ୟକ୍ତିଗତ ବିଦେଶ ଗସ୍ତ ପାଇଁ ଅନୁମତି ନେବା ଦରକାର ନାହିଁ

ଭୁବନେଶ୍ୱର ୩୧/୮ : ସରକାରୀ ଚାକିରିଆଙ୍କ ବିଦେଶ ଗସ୍ତ କଟକଣାକୁ ସାମାନ୍ୟ କୋହଳ କରିଛନ୍ତି ରାଜ୍ୟ ସରକାର । ଏଣିକି ବ୍ୟକ୍ତିଗତ କାରଣରୁ ବିଦେଶ ଗସ୍ତ ପାଇଁ ସରକାରୀ ଅନୁମତି ନେବା ଦରକାର ନାହିଁ । ସବୁ ବର୍ଗର କର୍ମଚାରୀଙ୍କ ପାଇଁ ଏହି ନିୟମ ଲାଗୁ ହୋଇଛି । ସାଧାରଣ ପ୍ରଶାସନ ବିଭାଗ ଏନେଇ ବିଜ୍ଞପ୍ତି ଜାରି କରିଛି । ଆଗକୁ ପାର୍ବଣ ଋତୁ ଆସୁଥିବାରୁ ସରକାରଙ୍କ ନିଷ୍ପତ୍ତି ସରକାରି ଚାକିରିଆଙ୍କ ପାଇଁ ସୋନେ ପେ ସୁହାଗା ହେବ ବୋଲି କୁହାଯାଉଛି ।

ସାଧାରଣ ପ୍ରଶାସନ ବିଭାଗ କହିଛି, ପୂର୍ବରୁ ବ୍ୟକ୍ତିଗତ କାରଣ ହେଉ ବା ସରକାରୀ କାମ ଅଥବା କୌଣସି ବିଦେଶୀ ସଂସ୍ଥାର ନିମନ୍ତ୍ରଣ, ସରକାରୀ ଚାକିରିଆଙ୍କୁ ବିଦେଶ ଯିବା ପାଇଁ ସରକାରଙ୍କ ଅନୁମତି ନେବାକୁ ପଡ଼ୁଥିଲା । କିନ୍ତୁ ବର୍ତ୍ତମାନ ବେସାମରିକ ବିମାନ ଚଳାଚଳ ସ୍ଥିତିରେ ବ୍ୟାପକ ସୁଧାର ଆସିଛି । ୨୦୦୭ରୁ କେନ୍ଦ୍ର ସରକାର ମଧ୍ୟ ବ୍ୟକ୍ତିଗତ କାରଣରୁ ବିଦେଶ ଗସ୍ତ ଉପରେ କଟକଣା ହଟାଇ ଦେଇଛନ୍ତି ।

ଏ ସବୁକୁ ଦୃଷ୍ଟିରେ ରଖି ରାଜ୍ୟ ସରକାର ଗ୍ରୁପ୍‌-ଏ, ଗ୍ରୁପ୍‌-ବି, ଗ୍ରୁପ୍‌-ସି ଓ ଗ୍ରୁପ୍‌-ଡି ଅଫିସର ସ୍ୱାସ୍ଥ୍ୟଗତ ସମସ୍ୟା ଅଥବା ଅନ୍ୟ କୌଣସି ପ୍ରକାର ବ୍ୟକ୍ତିଗତ କାରଣରୁ ବିଦେଶ ଗସ୍ତରେ ଯିବାକୁ ଚାହିଁବେ, ବିନା ଅନୁମତିରେ ଯାଇପାରିବେ । କିନ୍ତୁ ସରକାରୀ କାମ କିମ୍ବା ବିଦେଶୀ ସଂସ୍ଥାର ନିମନ୍ତ୍ରଣରେ ବିଦେଶ ଗସ୍ତ ପାଇଁ ସେମାନଙ୍କୁ ପୂର୍ବପରି ସରକାରଙ୍କ ଅନୁମତି ନେବାକୁ ପଡ଼ିବ ବୋଲି ଏଥିରେ ସ୍ପଷ୍ଟ କରାଯାଇଛି ।

   ସମ୍ବନ୍ଧିତ ଖବର


ମାନବିକତାର ପରିଚୟ ଦେଲେ କୈଳାଶ, ଏଟିଏମରେ ଛାଡ଼ି ଯାଇଥିବା ଟଙ୍କାକୁ ଆତ୍ମସାତ୍‌ ନକରି ସୋସିଆଲ ମିଡିଆରେ ଜଣାଇଲେ

୩ ମିନିଟ୍‌ ମଧ୍ୟରେ ଦେଢଲକ୍ଷ ଟଙ୍କାର ସୁନା ଚେନ୍‌ ଚୋରି କରି ଚମ୍ପଟ ମାରିଲେ ମା’ ଓ ଝିଅ: ସିସିଟିଭିରେ ଧରାପଡିଲା ଚୋରଣୀଙ୍କ କାରନାମା

ପୁଣି ୧୫ ମୁଣ୍ଡ ନେଲା କରୋନା, ମୃତ୍ୟୁସଂଖ୍ୟା ୧୨୨୯କୁ ବୃଦ୍ଧି

ରାଜ୍ୟରେ ଚିହ୍ନଟ ହେଲେ ୧୬୯୫ ନୂଆ ଆକ୍ରାନ୍ତ: ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୭୯ ହଜାର ଟପିଲା

ପୁଲିସର‘ଦାଦାବଟିକୁ ନା’ ଅଭିଯାନ: ବନ୍ଧା ହେଲେ ଚାରି ପୁରୁଣା ଅପରାଧୀ,ଦୁର୍ଦ୍ଦାନ୍ତ ବିକା ଓ ଟିଟୋ ଗ୍ୟାଙ୍ଗ୍‌ର କାଲାବାବୁ ଗିରଫ

ପୂର୍ବତନ ଆଇଏଏସ୍‌ ଡ. ବି. ଭେଙ୍କଟରମଣଙ୍କ ପରଲୋକ