ଭୁବନେଶ୍ୱର - କୋଭିଡ୍ ପରୀକ୍ଷା କ୍ଷେତ୍ରରେ ଦେଶର ଶ୍ରେଷ୍ଠ ୫ ରାଜ୍ୟ ତାଲିକାରେ ରହିଛି ଓଡ଼ିଶା। ଏନେଇ ଆଜି ମୁଖ୍ୟମନ୍ତ୍ରୀ ଟ୍ୱିଟ୍ କରି ରାଜ୍ୟବାସୀଙ୍କୁ ସୂଚନା ଦେଇଛନ୍ତି । ଏହାସହ ମଧ୍ୟ ପ୍ରତି ୧୦ ଲକ୍ଷ ଜନସଂଖ୍ୟାରେ ଦିନକୁ ୮୬୭ ନମୁନା ପରୀକ୍ଷା ହେଉଛି।
wp:html/wp:html#Odisha is among the top five states in number of #COVID19 tests per day, per million as per the data from @MoHFW_INDIA. Odisha is conducting 867 tests per day per million compared to national average of 602, with plan to ramp it further.#OdishaFightsBack@HFWOdisha pic.twitter.com/ZjrpkcxOB4
— CMO Odisha (@CMO_Odisha) August 14, 2020
ଜାତୀୟ କୋଭିଡ୍ ପରୀକ୍ଷା ହାର ୬୦୨ ଠାରୁ ଏହା ଯଥେଷ୍ଟ ଅଧିକ ରହିଛି। ଏହି ପରୀକ୍ଷା ସଂଖ୍ୟାକୁ ଆହୁରି ବଢ଼ାଯିବ ବୋଲି ମୁଖ୍ୟମନ୍ତ୍ରୀ ଟ୍ବିଟ୍ରେ କହିଛନ୍ତି ।
ଉଲ୍ଲେଖନୀୟ ଯେ ଓଡ଼ିଶା ସରକାର କରୋନାକୁ ନେଇ ନିଜର ଲଢ଼େଇ ଜୋରସୋର କରିଛନ୍ତି । ସବୁ ପ୍ରକାର ପ୍ରୟାସ କରି କରୋନାକୁ ଆୟତ୍ତରେ ରଖିବାକୁ ଚେଷ୍ଟା ଜାରି ରଖିଛନ୍ତି । ଲୋକଙ୍କ ମଧ୍ୟରେ ପଜିଟିଭ୍ ଚିହ୍ନଟ କରି ତୁରନ୍ତ ସେମାନଙ୍କ ଚିକିତ୍ସା ପାଇଁ ପଦକ୍ଷେପ ନେଉଛନ୍ତି । ଏହି କ୍ରମରେ ଆଜି କୋଭିଡ୍ ଚିକିତ୍ସା ଖର୍ଚ୍ଚ ନିର୍ଦ୍ଧାରଣ କରିଛନ୍ତି ରାଜ୍ୟ ସରକାର । କୋଭିଡ୍ ହସ୍ପିଟାଲ ପାଇଁ ଆଜି ‘ଫି’ ଧାର୍ଯ୍ୟ କରିଛନ୍ତି ମୁଖ୍ୟମନ୍ତ୍ରୀ । ସାଧାରଣ ବେଡରେ ରୋଗୀ ପିଛା ଦୈନିକ ଖର୍ଚ୍ଚ ୩ ହଜାର ଟଙ୍କା ଭିତରେ ରହିବ ।
ପ୍ରତି କୋଭିଡ୍ ହସ୍ପିଟାଲ ପାଇଁ ଏହି ଦର ଫିକ୍ସ ରହିବ । ଆଇସିୟୁ ଖର୍ଚ୍ଚ ଦିନକୁ ୨ ହଜାରରୁ ୫ ହଜାର ଟଙ୍କା ଭିତରେ ରହିବ । ସେହିପରି ଆଇସିୟୁରେ ଭେଣ୍ଟିଲେଟର ଲାଗିଲେ ଦୈନିକ ଶଯ୍ୟା ଶୁଳ୍କ ୨ରୁ ୫ ହଜାର ଟଙ୍କା ହେବ । କୋଭିଡ୍ କେୟାର ସେଣ୍ଟର ପାଇଁ ଦୈନିକ ଶଯ୍ୟା ଶୁଳ୍କ ୧ ହଜାର ଟଙ୍କା ରହିବ । ତେବେ ଆଇସିୟୁ ବେଡ୍ ପିଛା ଦୈନିକ ସର୍ବନିମ୍ନ ୨ ହଜାର ଟଙ୍କାରୁ ସର୍ବାଧିକ ୧୮ ହଜାର ଟଙ୍କା ଦର ଧାର୍ଯ୍ୟ କରିଛନ୍ତି ସରକାର ।
ଅନ୍ୟପଟେ ଆଇସିୟୁ ଚିକିତ୍ସିତ ଆକ୍ରାନ୍ତଙ୍କ ଅନ୍ୟାନ୍ୟ ଖର୍ଚ୍ଚ ୧୨ ହଜାର ଟଙ୍କା ରହିବ ବୋଲି ନିଷ୍ପତ୍ତି ନିଆଯାଇଛି । ଏହି ଦର ଲାଗୁ କରିବା ପାଇଁ ସବୁ ଜିଲ୍ଲାପାଳ, ମ୍ୟୁନିସିପାଲିଟିକୁ ଚିଠି ଲେଖିଛନ୍ତି ସ୍ୱାସ୍ଥ୍ୟ ସଚିବ ।
