PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର ଡେଲଟା ଛକରେ ଜୁଏଲାରୀ ଦୋକାନରୁ ଲୁଟ୍‌ , କେଜିଏ ସୁନା, ୧୦ କେଜି ରୁପା ଅଳଙ୍କାର ଓ କ୍ୟାସ୍‌ ବକ୍ସରୁ ଦେଢ଼ ଲକ୍ଷ ଟଙ୍କା ନେଇ ଯାଇଥିବା ଅଭିଯୋଗ
  • ||
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ନୂଆଦିଲ୍ଲୀରେ ଆରମ୍ଭ ହେଲା ଓଡ଼ିଶା ପର୍ବ-୨୦୧୯, ‘ନୌବାଣିଜ୍ୟରେ ଓଡ଼ିଶାର ପ୍ରସିଦ୍ଧି ରହିଛି’

ଭୁବନେଶ୍ୱର,୧୫ା୩(ବ୍ୟୁରୋ): ଓଡ଼ିଶାର ଗୌରବମୟ ସଂସ୍କୃତି, ପରମ୍ପରା, ଐତିହ୍ୟ ଓ ସ୍ୱାଦକୁ ଉଜ୍ଜୀବିତ କରିବା ପାଇଁ ‘ଓଡ଼ିଶା ପର୍ବ୨୦୧୯’ର ତୃତୀୟ ସଂସ୍କରଣ ଆଜି ଆରମ୍ଭ ହୋଇଛି ନୂଆଦିଲ୍ଲୀର ଲନ୍‌ ନଂ-୫, ଇଣ୍ଡିଆ ଗେଟ୍‌ଠାରେ । ଓଡ଼ିଶା ପର୍ବ, ଓଡ଼ିଆ ସମାଜ, ଦ୍ୱାରା ଆୟୋଜିତ ଏ ଉତ୍ସବରେ ଆସନ୍ତା ୧୭ ତାରିଖ ପର୍ଯ୍ୟନ୍ତ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ । ଆଜି ଏହାକୁ ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ପ୍ରଦୀପ ପ୍ରଜ୍ୱଳନ କରି ଉଦ୍‌ଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ ରାଜ୍ୟସଭା ସାଂସଦ ପଦ୍ମବିଭୂଷଣ ରଘୁନାଥ ମହାପାତ୍ର ଯୋଗ ଦେଇଥିବାବେଳେ ଓଡ଼ିଆ ସମାଜ ପରିବାର ଏହି ଉଦ୍‌ଘାଟନୀ ସନ୍ଧ୍ୟାରେ ଉପସ୍ଥିତ ଥିଲେ । ଓଡ଼ିଶାର ସମୃଦ୍ଧ ନୌବାଣିଜ୍ୟ ଇତିହାସକୁ ମନେପକାଇ ଶ୍ରୀ ମୁଖାର୍ଜୀ କହିଥିଲେ, ନୌବାଣିଜ୍ୟ କ୍ଷେତ୍ରରେ ଓଡ଼ିଶା ପ୍ରସିଦ୍ଧି ଲାଭ କରିଥିଲା । ସମଗ୍ର ଦକ୍ଷିଣ-ପୂର୍ବ ଏସିଆରେ ନୌବାଣିଜ୍ୟରେ ଲିପ୍ତ ଥିଲା । ଚିନ୍‌ ମହାସାଗରଠୁ ଭାରତ ମହାସାଗର ପର୍ଯ୍ୟନ୍ତ ଓଡ଼ିଆଙ୍କ ଆଧିପତ୍ୟ ଥିଲା । ସ୍ଥଳଭାଗରେ ମଧ୍ୟ ଓଡ଼ିଶା ବାଣିଜ୍ୟ କ୍ଷେତ୍ରରେ ସୁପ୍ରସିଦ୍ଧି ଲାଭ କରିଥିଲା । ସମସ୍ତ କ୍ଷେତ୍ରରେ ଓଡ଼ିଶାର ଗୌରବମୟ ଇତିହାସ ରହିଛି । ମୁଁ ଆଜି ଏଭଳି ଏକ ବିଶାଳ ଆୟୋଜନର ଅଂଶବିଶେଷ ହେବାର ସୁଯୋଗ ପାଇଥିବାରୁ ବେଶ୍‌ ଗୌରବାନ୍ୱିତ ମନେକରୁଛି । ଉଦ୍‌ଘାଟନୀ ସମାରୋହରେ ଓଡ଼ିଆ ସମାଜର ସଭାପତି ସିଦ୍ଧାର୍ଥ ପ୍ରଧାନ କହିଥିଲେ, ଦୁଇଟି ସଂସ୍କରଣର ସଫଳ ସମାପ୍ତି ପରେ ଓଡ଼ିଶା ପର୍ବର ଏହା ତୃତୀୟ ସଂସ୍କରଣ। ଏହି ପର୍ବ ମାଧ୍ୟମରେ ଦିଲ୍ଲୀବାସୀଙ୍କୁ ଓଡ଼ିଶାର ଗୌରବମୟ ସଂସ୍କୃତି ଓ ଐତିହ୍ୟ ସହ ପରିଚୟ କରାଇବା ସହ ଚଳିତବର୍ଷ ଆମେ ଭବିଷ୍ୟତର ଓଡ଼ିଶା ଗଠନ ନିମନ୍ତେ ଥିବା ଲକ୍ଷ୍ୟକୁ ଉପସ୍ଥାପନ କରିବା ନିମନ୍ତେ ଉଦ୍ୟମ କରିଛୁ । ଏହି ଭବ୍ୟ ସମାରୋହରେ ଦର୍ଶକ ଗରିମାମୟ ସଂସ୍କୃତିର ଝଲକ ପାଇବା ସଙ୍ଗେ ସଙ୍ଗେ ଏଠାରେ ଉପଲବ୍ଧ ଓଡ଼ିଶାର ବଛା ବଛା ସହରର ସୁସ୍ୱାଦୁ ବ୍ୟଞ୍ଜନ ଆଗନ୍ତୁକଙ୍କୁ ବେଶ୍‌ ଆମୋଦିତ କରିବ ବୋଲି ଆମର ବିଶ୍ୱାସ ।
ଉଦ୍‌ଘାଟନୀ ଦିବସର ପ୍ରଥମ ସନ୍ଧ୍ୟାରେ ‘ଦେବଧାରା’ ଗ୍ରୁପ ଦ୍ୱାରା ପ୍ରସ୍ତୁତ ଗଣନାୟକ ପଞ୍ଚକମ୍‌, ଓଡ଼ିଶାର ଭୂମିଆ ଜନଜାତିଙ୍କ ଦ୍ୱାରା ପ୍ରସ୍ତୁତ ରଙ୍ଗାରଙ୍ଗ ନୃତ୍ୟ ମହୁରିଆ ଦାଦା, ପାରମ୍ପରିକ ମୁଖାନୃତ୍ୟ, ଓଡ଼ିଶୀ ନୃତ୍ୟ ଏବଂ ଗୁରୁ ମଧୁମିତା ରାଉତ ଓ ଶିଷ୍ୟମାନଙ୍କ ଦ୍ୱାରା ପ୍ରସ୍ତୁତ ଓଡ଼ିଶୀ ଓ ଭାରତନାଟ୍ୟମ୍‌ର ଫ୍ୟୁଜନ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲା । ଏତଦ୍‌ବ୍ୟତିତ ପୁରାତନ ଆଦିବାସୀ ନୃତ୍ୟ ପଶୁମୁଖା ନୃତ୍ୟ ସହ ଅକ୍ଷୟ ମହାନ୍ତିଙ୍କ ସ୍ମୃତିରେ ତାଙ୍କ ସୁପୁତ୍ର ମିତ୍ରଭାନୁ ମହାନ୍ତିଙ୍କ ଦ୍ୱାରା ସ୍ୱତନ୍ତ୍ର ସଙ୍ଗୀତ ଭିତ୍ତିକ ପ୍ରସ୍ତୁତି ‘ସ୍ମୃତି ପସରା’ ଦର୍ଶକଙ୍କୁ ବିମୋହିତ କରିଥିଲା । ଏହାପରେ ଓଡ଼ିଶାର ପ୍ରମୁଖ ଗାୟକ, ଗାୟିକା ପଙ୍କଜ ଜାଲ୍‌ ଏବଂ ଅସୀମା ପଣ୍ଡାଙ୍କ ଗୌରବମୟ ସମ୍ବଲପୁରୀ ଗୀତ ଦର୍ଶକଙ୍କୁ ମତୁଆଲା କରିଥିଲା । ଆସନ୍ତାକାଲି ଓଡ଼ିଶାର ରାଜ୍ୟପାଳ ପ୍ରଫେସର ଗଣେଶୀ ଲାଲ ମୁଖ୍ୟ ଅତିଥି ରୂପେ ଯୋଗ ଦେବେ ।