PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ହିମାଚଳ ପ୍ରଦେଶରୁ କରୋନା ସଂପର୍କିତ ନକଲି ଔଷଧ ଆଣି ବିତରଣ ଅଭିଯୋଗରେ କେସିଙ୍ଗା ସ୍ଥିତ ବିଜୟ ଫାର୍ମାସିଟିକାଲ ଓ ଧର୍ମଗଡ ସ୍ଥିତ ଜୟହୀନ୍ଦ ଟ୍ରେଡର୍ସ ଉପରେ ଚଢ଼ାଉ
  • ||
  • ନବରଙ୍ଗପୁର: ଭାରସାମ୍ୟ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇଚାଲିଗଲା ଡ୍ରାଇଭରଙ୍କ ଜୀବନ
  • ||
  • ଭୁବନେଶ୍ୱର: ଜୁନ୍ ଶେଷ ସୁଦ୍ଧା ପ୍ରକାଶ ପାଇବ ମାଟ୍ରିକ୍ ରେଜଲ୍ଟ : ଗଣଶିକ୍ଷା ମନ୍ତ୍ରୀ
  • ||
  • ସମ୍ବଲପୁର: ପୁଣି ଚର୍ଚ୍ଚାରେ ସମ୍ବଲପୁର ଜେଲ, କଏଦୀକୁ ଗଞ୍ଜେଇ ବିକି ଧରାପଡିଲେ ଜେଲ୍ ଓ୍ବାର୍ଡର୍, ବଣେଇଗଡ ଜେଲକୁ ହେଲେ ବଦଳି
  • ||
  • ରାଜସୁନାଖଳା: ଜାଗା ବାଡ଼ି ମଧ୍ୟସ୍ଥତାକୁ ନେଇ ରକ୍ତାକ୍ତ ସଂଘର୍ଷ, ଜଣେ ଗୁରୁତର
  • ||
  • କଣ୍ଟାବାଞ୍ଜି : ବର୍ଷା ଦାଉରୁ ଆଶ୍ରୟ ପାଇଁ ଦୋକାନ ପିଣ୍ଡାକୁ ଯାଇ ଷଣ୍ଢକୁ ଲାଗିଲା ବିଜୁଳି ଝଟକା, ଘଟଣାସ୍ଥଳରେ ଟଳିପଡିଲା…
  • ||
  • ନୀଳଗିରି: ଯୁବକର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ସନ୍ଦେହ, ପୁଲିସ ତଦନ୍ତ ଆରମ୍ଭ
  • ||
  • ପୁରୀ : ମହାପ୍ରଭୁଙ୍କ ସ୍ନାନପୂର୍ଣ୍ଣିମା ପ୍ରସ୍ତୁତି, ଭୋର ୪ଟା ସୁଦ୍ଧା ପହଣ୍ଡ ବିଜେ ନୀତି, ସାମାଜିକ ଦୂରତାକୁ ଗୁରୁତ୍ୱ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ମଧ୍ୟରେ ୪୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୩୩ଶହ ଟପିଲା
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ଚିହ୍ନଟ ହେଲେ ଆଉ ୪ ହଜାର ୪୬୯ କରୋନା ପଜିଟିଭ, ସଂକ୍ରମିତଙ୍କ ସଂଖ୍ୟା ୮ ଲକ୍ଷ ୫୧ ହଜାର ପାର୍
  • ||
  • ପୁରୀ : ରଥଖଳା ହାଲ୍‌ଚାଲ, ୨୧ ଅଖରେ ଲାଗିଲା ୪୨ ଚକ, ପ୍ରଭା ଅପସରା କାମ ଆରମ୍ଭ
  • ||
  • ଭୁବନେଶ୍ୱର : ବର୍ଷାରେ ଧୋଇଯିବ ରଜ ମଉଜ, ୪୮ ଘଣ୍ଟା ଭିତରେ ଲଘୁଚାପ ଘନୀଭୂତ ହୋଇ ଅବପାତ ରୂପ ନେଇପାରେ, ଉପକୂଳରେ ବର୍ଷା ଜାରି-ଆଭ୍ୟନ୍ତରୀଣରେ ବଢ଼ିବ
  • ||
  • ବାମରା : ପରିବାରର ୬ ଜଣଙ୍କୁ ହାଣି ଆତ୍ମହତ୍ୟା କଲା ସଂକ୍ରମିତ ବାପା, ଝିଅ ମୃତ, ପୁଅ- ୩ ଝିଅ ଓ ମା’ ଆହତ
  • ||
  • କଟକ : ଲକ୍‌ଡାଉନ୍‌ ବେଳେ କଟକରେ ବେଧଡ଼କ ଚାଲିଛି ଦେହ ବ୍ୟବସାୟ, ଦୁଇଟି ସ୍ଥାନରେ ଚଢ଼ଉ ବେଳେ ୫ ଯୁବତୀ ଉଦ୍ଧାର, ର‌୍ୟାକେଟ୍‌ର ମୁଖ୍ୟ ଓ ଜଣେ ଗ୍ରାହକ ଗିରଫ
  • ||
  • ଭୁବନେଶ୍ୱର : ଓଡ଼ିଶାରେ ସୁଧୁରୁଛି ସ୍ଥିତି, ୨୬ ଜିଲ୍ଲାରେ ହୋଇପାରେ ଅନଲକ, ୪ ଜିଲ୍ଲା ପାଇଁ ସ୍ୱତନ୍ତ୍ର ଷ୍ଟ୍ରାଟେଜି
  • ||

ପହିଲାରୁ ନୂଆ ମୋଟର ଯାନ ଆଇନ: ଓଲା, ଉବେର୍‌ ଉପରେ ଲାଗିବ ଲଗାମ୍‌

କଟକ,୨୯ା୮(ବ୍ୟୁରୋ): ଆସନ୍ତା ସେପ୍ଟେମ୍ବର ପହିଲାରୁ ରାଜ୍ୟରେ ଲାଗୁ ହେବାକୁ ଯାଉଛି ନୂତନ ମୋଟର ଯାନ ଆଇନ । ଦୁର୍ଘଟଣା ହ୍ରାସ କରିବା ପାଇଁ ଏହି ଆଇନରେ ରାଜ୍ୟ ସରକାର ଅନେକ ଗୁରୁତ୍ୱପୂର୍ଣ୍ଣ କଠୋର ନିଷ୍ପତ୍ତି ଗ୍ରହଣ କରୁଛନ୍ତି । ଏଥିରେ ବିଭିନ୍ନ ଆଇନ ଉଲ୍ଲଂଘନ ପାଇଁ ଅର୍ଥଦଣ୍ଡ ଜରିମାନା ରାଶିକୁ ସର୍ବନିମ୍ନ ୧ହଜାର ଟଙ୍କା କରାଯାଇଛି । ବିଶେଷକରି କିଛି ଗାଡି ଡିଲର୍‌ ମନମୁଖି ଭାବେ ଗାଡ଼ି ବିକ୍ରି, ଖରିଦ୍‌ କରୁଥିଲା ବେଳେ ଏହି ଆଇନରେ ସେମାନଙ୍କ ଉପରେ ଅଙ୍କୁଶ ଲଗାଯାଇଛି । କୌଣସି ଗାଡ଼ି ଡିଲର୍‌ ଗାଡ଼ି ବିକ୍ରି କଲା ବେଳେ ଯଦି କୌଣସି ଆଇନର ଉଲ୍ଲଂଘନ କରନ୍ତି ତାହେଲେ ଏଥିପାଇଁ ସର୍ବନିମ୍ନ ୧ ଲକ୍ଷ ଟଙ୍କାର ଜରିମାନା ଦେବେ । ଓଲା, ଉବେର୍‌ ଭଳି ସଂସ୍ଥାର ଗାଡ଼ିଗୁଡ଼ିକୁ ଏହି ଆଇନ ବଳରେ ପ୍ରଥମ ଥର ଲାଗି ରାଜ୍ୟ ସରକାର ନିଜ ନିୟନ୍ତ୍ରଣକୁ ନେଉଛନ୍ତି । ଏଣିକି ଓଲା, ଉବେର୍‌ ଗାଡ଼ି ଆଉ ମନମୁଖି ଭାବେ ଚାଲିପାରିବ ନାହିଁ । ଯେକୌଣସି କାର୍ଯ୍ୟ ପାଇଁ ସେସବୁ ଗାଡ଼ି ସରକାରଙ୍କ ନିକଟରେ ଉତ୍ତରଦାୟୀ ରହିବେ ।

ଆଜି ଏ ନେଇ ରାଜ୍ୟ ସରକାର ଏକ ଚୂଡ଼ାନ୍ତ ଡ୍ରାଫ୍ଟ ପ୍ରସ୍ତୁତ କରିଛନ୍ତି । ରାଜ୍ୟ ମୁଖ୍ୟ ଶାସନ ସଚିବ ଅସିତ୍‌ ତ୍ରିପାଠୀ ଏବଂ ପରିବହନ ବିଭାଗ ପ୍ରମୁଖ ଶାସନ ସଚିବ ଜି. ଶ୍ରୀନିବାସଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ଆଇନ କାର୍ଯ୍ୟକାରୀ ହେବାକୁ ଯାଉଛି । ନୂଆ ଆଇନରେ କୁହାଯାଇଛି ଯେ, ଯଦି କୌଣସି ଗାଡ଼ି ଡିଲର ବିନା ପଞ୍ଜୀକରଣରେ, ବିନା ନମ୍ବର ପ୍ଲେଟ୍‌ରେ ଗାଡ଼ି ବିକ୍ରି କରୁଥାନ୍ତି ଏବଂ ପଞ୍ଜୀକରଣ ପାଇଁ ବିଳମ୍ବ କରୁଥାନ୍ତି ତାହେଲେ ଉକ୍ତ ଗାଡ଼ି ପାଇଁ ସରକାରଙ୍କୁ ଯେତିକି ଟିକସ ଦେବାକୁ ପଡ଼େ ତାହାର ୧୫ ଗୁଣା ଅଧିକ ଜରିମାନା ଗାଡି ମାଲିକଙ୍କୁ ଦେବାକୁ ପଡ଼ିବ । ସେହିପରି ଗାଡ଼ି ପଞ୍ଜୀକରଣ ପାଇଁ ଗାଡ଼ି ଡିଲର ଯଦି ଭୁଲ୍‌ କାଗଜପତ୍ର ଦେଇଥାନ୍ତି ତାହେଲେ ଗାଡ଼ି ଟିକସର ୧୦ଗୁଣା ଅଧିକ ଅର୍ଥ ତାଙ୍କୁ ଜରିମାନା ଆକାରରେ ଦେବାକୁ ପଡିବ । ଗୋଟିଏ ଗାଡ଼ି ଯଦି ପ୍ରସ୍ତୁତକାରୀ କମ୍ପାନୀରୁ ଆସିବା ପରେ ଡିଲର୍‌ ତାହାର ମୂଳ ଢାଞ୍ଚାରେ କୌଣସି ପରିବର୍ତ୍ତନ କରନ୍ତି ତାହେଲେ ଏଥିପାଇଁ ତାଙ୍କୁ ପ୍ରତି ଗାଡ଼ି ପିଛା (ଯେତିକିଟି ଗାଡ଼ିର ଢାଞ୍ଚାରେ ପରିବର୍ତ୍ତନ ହୋଇଥିବ) ୧ ଲକ୍ଷ ଟଙ୍କାର ଜରିମାନା ଦେବାକୁ ପଡ଼ିବ । ଅର୍ଥାତ ଗାଡ଼ିର କୌଣସି ପାର୍ଟକୁ ବଦଳାଇ ଏହାକୁ ଅନ୍ୟ ଏକ ଢାଞ୍ଚା କରି ଲଗାଇଥିଲେ ଜରିମାନା ଦେବେ । ସେହିପରି କୌଣସି ଗାଡ଼ିର ଆକାରରେ ଯଦି କୌଣସି ପରିବର୍ତ୍ତନ କରିଥିବେ ତାହେଲେ ଏଥିପାଇଁ ମଧ୍ୟ ୧ ଲକ୍ଷ ଟଙ୍କାର ଜରିମାନା ଦେବାକୁ ପଡ଼ିବ । ଗୋଟିଏ ଗାଡ଼ିର ତିଆରି ବେଳେ ୪ଟି ସିଟ୍‌ ରହିଛି, କିନ୍ତୁ ଗାଡି ଡିଲର ଏଥିରେ ୫ଟି କିମ୍ବା ତଦୁଧ୍ୱର୍ ସିଟ୍‌ ବୃଦ୍ଧି କଲେ ଜରିମାନା ଦେବାକୁ ପଡିବ ।

ଏପର୍ଯ୍ୟନ୍ତ ଭୁବନେଶ୍ୱର-କଟକ ସହରରେ ଦୌଡୁଥିବା ଓଲା, ଉବେର ଗାଡ଼ି ଉପରେ ସରକାରଙ୍କ କୌଣସି ନିୟନ୍ତ୍ରଣ ନଥିଲା । କିନ୍ତୁ ଏହି ନୂତନ ମୋଟର ଯାନ ଆଇନରେ ରାଜ୍ୟ ସରକାରଙ୍କୁ ଏହି ଗାଡ଼ି ଉପରେ ନିୟନ୍ତ୍ରଣ ରଖିବାକୁ ସମ୍ପୂର୍ଣ୍ଣ କ୍ଷମତା ମିଳିଛି । ଏସବୁ ଗାଡ଼ି ଏଣିକି ରାଜରାସ୍ତାରେ ଗଡ଼ିବା ପୂର୍ବରୁ ସରକାରଙ୍କ ଠାରୁ ଲାଇସେନ୍ସ ନେବାକୁ ବାଧ୍ୟ । ଏହି ଗାଡ଼ିଗୁଡ଼ିକ ଆଉ ମନମୁଖି ଭାବେ ଭଡା ଧାର୍ଯ୍ୟ କରିପାରିବେ ନାହିଁ । ଏଥିପାଇଁ ସ୍ଥାନୀୟ ଆର୍‌ଟିଓ ଭଡ଼ା ଧାର୍ଯ୍ୟ କରିବେ । ଉକ୍ତ ଗାଡିଗୁଡିକ ଲାଗି ନିୟମାବଳୀ ମଧ୍ୟ ଧାର୍ଯ୍ୟ କରାଯିବ । ଏହି ନୂତନ ଆଇନରେ ଟ୍ରାଫିକ୍‌ ନିୟମ ମାନୁନଥିବା ଗାଡ଼ି ଚାଳକଙ୍କ ପାଇଁ କଡ଼ା ପଦକ୍ଷେପ ନିଆଯାଇଛି । ବିନା ହେଲ୍‌ମେଟ୍‌ରେ ଗାଡ଼ି ଚଳାଉଥିବା ଚାଳକଙ୍କୁ ଆଉ ୧୦୦ ଟଙ୍କା ଜରିମାନାରେ ଛାଡ଼ି ଦିଆଯିବ ନାହିଁ । ଏହିଭଳି ଗାଡି ଚାଳକଙ୍କ ପାଇଁ ୧ ହଜାର ଟଙ୍କା ଜରିମାନା କରାଯାଇଛି । ଯଦି ଚାରି ଚକିଆ ଗାଡ଼ି ଚାଳକ ସିଟ୍‌ ବେଲଟ୍‌ ବାନ୍ଧିନଥିବେ ଏଥିପାଇଁ ତାଙ୍କୁ ୧ ହଜାର ଟଙ୍କା ଜରିମାନା କରାଯିବ । ୧୪ ବର୍ଷରୁ କମ୍‌ ବୟସର ପିଲା ଯଦି ଗାଡି ଚଳାଉଥିବେ ତାହେଲେ ତାଙ୍କୁ ଜୁଭେନାଇଲ୍‌ ଆଇନରେ ୨୫ ହଜାର ଟଙ୍କା ଜରିମାନା କରାଯିବା ସହ ତାଙ୍କ ବାପାଙ୍କୁ ଜେଲ୍‌ଦଣ୍ଡରେ ଦଣ୍ଡିତ କରାଯିବାର ବ୍ୟବସ୍ଥା ହୋଇଛି ।

ଦୁଇ ଚକିଆ ଯାନରେ ଯଦି ୩ଜଣ ଯାତ୍ରା କରୁଥାନ୍ତି ଏଥିପାଇଁ ମଧ୍ୟ ୧ ହଜାର ଟଙ୍କା ଜରିମାନା କରାଯିବାକୁ ବ୍ୟବସ୍ଥା ହୋଇଛି । ବିନା ଲାଇସେନ୍ସରେ ଯଦି କେହି ଗାଡ଼ି ଚାଳକ ଗାଡ଼ି ଚଳାଉଥାନ୍ତି ତାହେଲେ ଏଥିପାଇଁ ୫ ହଜାର ଟଙ୍କା, ଧାର୍ଯ୍ୟ ବେଗଠାରୁ ଅଧିକ ବେଗରେ କେହି ଗାଡ଼ି ଚଳାଉଥିଲେ ତାଙ୍କୁ ୨ ହଜାର ଟଙ୍କା, ବିପଦପୂର୍ଣ୍ଣ ବା ଅତ୍ୟନ୍ତ ସାଂଘାତିକ ଭାବେ ଗାଡ଼ି ଚଳାଉଥିଲେ ଏଥିପାଇଁ ୫ ହଜାର ଟଙ୍କା, ମୋବାଇଲ୍‌ ଫୋନ୍‌ରେ କଥା ହୋଇ ଗାଡ଼ି ଚଳାଉଥିଲାବେଳେ ୫ ହଜାର ଟଙ୍କା, ରେଡ୍‌ ଲାଇଟ୍‌ ଜଳୁଥିବାବେଳେ ଯଦି ଟ୍ରାଫିକ୍‌ ଅତିକ୍ରମ କେହି କରୁଥାଏ ତାହେଲେ ୫ ହଜାର, ଟ୍ରାଫିକ୍‌ ବନ୍ଦ ଥିବା ସତ୍ତେ୍ୱ ରାସ୍ତା ଅତିକ୍ରମ କଲେ ୫ ହଜାର, ଯେଉଁଠି ଓଭରଟେକିଂ ପାଇଁ ନିୟମ ନଥିବ ସେଠି ଯଦି କେହି ଓଭରଟେକ କରୁଥିବ ତାହେଲେ ୫ ହଜାର, ମଦ ପିଇ ଗାଡ଼ି ଚଳାଇଲେ ୧୦ହଜାର ଟଙ୍କା ଜରିମାନା କରାଯାଇଛି । ରାଜ୍ୟରେ ସଡ଼କ ଦୁର୍ଘଟଣା ବୃଦ୍ଧି ପାଉଥିଲାବେଳେ ଏହାକୁ ହ୍ରାସ କରିବା ଲାଗି ସୁପ୍ରିମ୍‌କୋର୍ଟଙ୍କ ଦ୍ୱାରା ଗଠିତ କମିଟି ରାଜ୍ୟ ସରକାରଙ୍କୁ କଡ଼ା ପଦକ୍ଷେପ ଗ୍ରହଣ କରିବାକୁ ନିର୍ଦ୍ଦେଶ ଦେଇଥିଲେ । ଏହାପରେ ରାଜ୍ୟ ସରକାର ଏହି ନୂତନ ଆଇନ ଆଣି ସଡ଼କ ଦୁର୍ଘଟଣାକୁ ହ୍ରାସ କରିବାକୁ ଲକ୍ଷ୍ୟ ରଖିଛନ୍ତି ।