ପାରଳାଖେମୁଣ୍ଡି ୩/୧୧ : ଗଜପତି ଜିଲ୍ଲା କାଶିନଗର ଥାନା ଅଞ୍ଚଳର ନାବଡ଼ା ଗେଟ୍ ପାଖରେ ଦୁର୍ଘଟଣା ଘଟିଛି । ଶନିବାର ମଧ୍ୟରାତ୍ରରେ ଏକ ସ୍ୱିଫ୍ଟ ଦୁର୍ଘଟଣାଗ୍ରସ୍ତ ହେବାରୁ ଏଥିରେ ଜଣେ ମୃତ୍ୟୁବରଣ କରିଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି ।
ସୂଚନା ଯୋଗ୍ୟ ଯେ, ଗତକାଲି ବିଳମ୍ୱିତ ରାତିରେ ଅନୀଲ ଓ ଅବ୍ଦୁଲ କାର୍ ଯୋଗେ ଗୁଣପୁରରୁ ଫେରୁଥିବା ବେଳେ ନାବଡ଼ା ନିକଟରେ ଦୁର୍ଘଟଣାର ଶିକାର ହୋଇଥିଲେ। ଘଟଣାସ୍ଥଳରେ ହିଁ ଅନୀଲଙ୍କ ମୃତ୍ୟୁ ଘଟିଥିଲା। ଆହତ ଅବଦୁଲ୍ଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। କାଶୀନଗର ଥାନା ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି।