ଜଣଙ୍କଠୁ ୫୯ ହଜାର ଲୋକଙ୍କୁ ଡେଇଁବାର ସମ୍ଭାବନା, ଦାବି କଲେ ଗବେଷକ

ନୂଆଦିଲ୍ଲୀ ୨୬/୩: କରୋନା ଭାଇରସକୁ ସବୁଠାରୁ ଅଧିକ ସଂକ୍ରାମକ ଭୂତାଣୁ ବୋଲି କୁହାଯାଉଛି । ଅର୍ଥାତ୍‌ ଅନ୍ୟ ଭୂତାଣୁ ଏବଂ ଜୀବାଣୁଙ୍କ ତୁଳନାରେ ଏହା ଅଧିକ ତୀବ୍ର ଗତିରେ ବ୍ୟାପିଥାଏ । ବ୍ରିଟେନର ଜଣେ ଗବେଷକ ଦାବି କରିଛନ୍ତି ଯେ ଜଣେ କରୋନା ଆକ୍ରାନ୍ତ ବ୍ୟକ୍ତି ଠାରୁ ଏହି ଭୂତାଣୁ ୫୯,୦୦୦ ଲୋକଙ୍କୁ ଡେଇଁବାର ସମ୍ଭାବନା ରହିଛି । ଇଂଟେନସିଭ କେୟାର ମେଡିସିନ ସ୍ପେଶାଲିଷ୍ଟ ଭାବେ କାର୍ଯ୍ୟ କରୁଥିବା ଡକ୍ଟର ହ୍ୟୁଗ୍‌ ମଂଟଗୋମେରି କହିଛନ୍ତି ଯେ ସାଧାରଣ ଫ୍ଲୁରେ ଆକ୍ରାନ୍ତ ଜଣେ ବ୍ୟକ୍ତି ଠାରୁ ୧୪ ଜଣ ଲୋକ ସଂକ୍ରମିତ ହେବାର ସମ୍ଭାବନା ଥାଏ । କିନ୍ତୁ କରୋନା ଆକ୍ରାନ୍ତ ବ୍ୟକ୍ତିଙ୍କ କ୍ଷେତ୍ରରେ ଏହି ସଂଖ୍ୟା ଯଥେଷ୍ଟ ଅଧିକ ।

ଡକ୍ଟର ହ୍ୟୁଗଙ୍କ ଅନୁସାରେ, ଫ୍ଲୁ ଦ୍ୱାରା ସଂକ୍ରମିତ ଜଣେ ବ୍ୟକ୍ତି ଆହୁରି ୧.୩ କିମ୍ବା ୧.୪ ଗୁଣ ବ୍ୟକ୍ତିଙ୍କୁ ସଂକ୍ରମିତ କରିବାର ଆଶଙ୍କା ଥାଏ । ତା’ ଠାରୁ ସଂକ୍ରମିତ ବ୍ୟକ୍ତି ସେପରି ଭାବେ ଆଉ ୧.୩ କିମ୍ବା ୧.୪ ଗୁଣ ବ୍ୟକ୍ତିଙ୍କୁ ସଂକ୍ରମିତ କରିବେ । ଏହି କ୍ରମ ୧୦ ଥର ବଜାୟ ରହିଲେ ମୋଟ ୧୪ ଜଣ ଲୋକ ଆକ୍ରାନ୍ତ ହେବେ । ହେଲେ ଜଣେ କରୋନା ଆକ୍ରାନ୍ତ ବ୍ୟକ୍ତି ଆଉ ୩ ଜଣଙ୍କୁ ସଂକ୍ରମିତ କରିବାର ସମ୍ଭାବନା ଥାଏ । ତା’ ଠାରୁ ସଂକ୍ରମିତ ହେଉଥିବା ତିନି ଜଣ ବ୍ୟକ୍ତି ଆଉ ତିନି ଜଣ ଲେଖାଏଁ ବ୍ୟକ୍ତିଙ୍କୁ ସଂକ୍ରମିତ କରିବେ । ଏହି ଧାରା ୧୦ ଥର ବଜାୟ ରହିଲେ ମୋଟ ୫୯,୦୦୦ ଲୋକ ଉକ୍ତ ଭାଇରସ ଦ୍ୱାରା ସଂକ୍ରମିତ ହେବେ ।

   ସମ୍ବନ୍ଧିତ ଖବର


ରାଜସ୍ଥାନ ହାଇକୋର୍ଟର ମୁଖ୍ୟ ବିଚାରପତି କରୋନା ପଜିଟିଭ୍

ଜଳେଶ୍ୱର ଥାନା IIC ଧନେଶ୍ୱର ସାହୁ ନିଲମ୍ବିତ

ଲାଲ୍‌ କିଲ୍ଲାରୁ ସାଇବର ଓ୍ୱାର ପ୍ରତିହତ ପାଇଁ ପ୍ରଧାନମନ୍ତ୍ରୀଙ୍କର ବଡ ଘୋଷଣା

ଇଏ ସେହି ମହିଳା, ଯିଏ ପୁରା ବିଶ୍ୱ ପାଇଁ ତିଆରି କରନ୍ତି Indian Flag

କରୋନା କାଳରେ ଚାଲିଛି ଅରବପତିଙ୍କ ବିଳାସପୂର୍ଣ୍ଣ ପାର୍ଟି, ଅତିଥିଙ୍କର ପ୍ରତି ୧୫ ମିନିଟରେ ହେଉଛି କୋଭିଡ୍ ଟେଷ୍ଟ

କୋଭିଡ୍‌ ପାଇଁ ରୁଷ୍‌ରେ ପ୍ରଥମ ବ୍ୟାଚ ଟିକା ଉତ୍ପାଦନ ଆରମ୍ଭ