PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୟାଗଡ଼: ହଠାତ ଲାଗିଲା ନିଆଁ, ୩ ବଖରା ଘର ସହ ଜିଅନ୍ତା ଜଳିଗଲା ଗର୍ଭିଣୀ ଗାଈ, ନିଆଁକୁ ଆୟତ୍ତ କଲେ ଅଗ୍ନିଶମ ଟିମ୍
  • ||
  • ନୀଳଗିରି: ଗୁହାଳ ଘରେ ଲାଗିଲା ନିଆଁ, ଅର୍ଦ୍ଧ୍ବ ଦଗ୍ଧ ହୋଇଗଲେ ୨ଟି ଗାଈ, ଅଳିଆ ଗଦାରୁ ଲାଗିଥିଲା ନିଆଁ
  • ||
  • ବଲାଙ୍ଗିର : ବଲାଙ୍ଗିରେ ନାହିଁ ଭାରତ ବନ୍ଦ ପ୍ରଭାବ, ବ୍ୟବସାୟିକ ପ୍ରତିଷ୍ଠାନ ବନ୍ଦ ରହିଥିବା ବେଳେ ଯାତାୟତ ସ୍ଵାଭାବିକ
  • ||
  • ଭୁବନେଶ୍ବର: ଆଜି ଭାରତ ବନ୍ଦ, ରାଜଧାନୀକୁ ଜଗିଛନ୍ତି ୨୦ ପ୍ଲାଟୁନ୍ ପୁଲିସ୍‌ ଫୋର୍ସ
  • ||
  • ଆଜି ୧୨ ଘଣ୍ଟିଆ ଭାରତ ବନ୍ଦ, ଜିଏସ୍‌ଟିର ବିଭିନ୍ନ ସଂଶୋଧିତ ନିୟମକୁ ବିରୋଧ କରି ବନ୍ଦ ପାଳନ କରିବେ ୪୦,୦୦୦ ବ୍ୟବସାୟୀ ସଂଘ
  • ||

ଅଚଳ କଲେ ବିରୋଧୀ: ଚାଷୀଙ୍କୁ ଦିଅ ପ୍ରାଇସ୍‌, ପ୍ରେଷ୍ଟିଜ୍‌, ପେନ୍‌ସନ

source:http://odishaassembly.nic.in/

ଭୁବନେଶ୍ୱର,୭ା୨(ବ୍ୟୁରୋ): ତୃତୀୟ ଦିନରେ ମଧ୍ୟ ବିଧାନସଭାର ପୂର୍ବାହ୍ନ ଅଧିବେଶନ ଅଚଳ ରହିଲା । ବିରୋଧୀଙ୍କ ହଙ୍ଗାମାରେ ଗୃହ ଆଗକୁ ଯାଇପାରିଲାନି । ବାଚସ୍ପତି ଯେତେ ଅନୁରୋଧ କଲେ ମଧ୍ୟ କିଛି ଫୁଳ ମିଳିଲାନି । ଉଭୟ କଂଗ୍ରେସ ଓ ବିଜେପି ନିଜ ଜିଦରେ ଅଟଳ ରହିଲେ । ମାତ୍ର ଦୁଇ ମିନିଟରେ ଗୃହ ଅପରାହ୍‌ଣ ଯାଏ ମୁଲତବି ରହିଲା । ଗୁରୁତ୍ୱପୂର୍ଣ୍ଣ ଚାଷୀ ପ୍ରସଙ୍ଗରେ ହେବାକୁ ଥିବା ମୁଲତବି ଆଲୋଚନା ମଧ୍ୟ ହୋଇପାରିଲାନି ।
ଲଗାତର ଦୁଇ ଦିନ ଗୃହ ଅଚଳ ରହିବା ପରେ ଗୁରୁବାର ମଧ୍ୟ ସମାନ ଚିତ୍ର ଦେଖିବାକୁ ମିଳିଲା । ପ୍ରଶ୍ନକାଳ ଆରମ୍ଭ ହେବାମାତ୍ରେ କଂଗ୍ରେସ ଓ ବିଜେପି ସଭ୍ୟମାନେ ଗୃହର ମଧ୍ୟଭାଗକୁ ମାଡ଼ି ଆସିଲେ । ନାରା ଛାଡ଼ିଲେ । କଂଗ୍ରେସ ଚାଷୀ ଓ ବୋକାରୀଙ୍କ ପ୍ରସଙ୍ଗ ଉଠାଉଥିଲା ବେଳେ ବିଜେପି ବେକାରୀ ନିଯୁକ୍ତି ନେଇ ହୋହଲ୍ଲା କରୁଥିଲା । ବିରୋଧୀ ଦଳ ମୁଖ୍ୟ ସଚେତକ ତାରାପ୍ରସାଦ ବାହିନୀପତି ପାଟି କରୁଥିଲେ, ଚାଷୀ ମାରଣ ନୀତି ଚଳିବ ନାହିଁ । ଚାଷୀଙ୍କ ହକ୍‌ ପ୍ରାଇସ୍‌, ପ୍ରେଷ୍ଟିଜ୍‌ ଓ ପେନସନ ଦିଅ । ଅନ୍ୟ କଂଗ୍ରେସ ସଭ୍ୟମାନେ ପାଳି ଧରୁଥିଲେ । ସେହିଭଳି ବିଜେପି ସଭ୍ୟ ରବି ନାଏକ ସ୍ଲୋଗାନ ଛାଡୁଥିଲେ ବେକାରଙ୍କୁ ନିଯୁକ୍ତି ଆରମ ଦାବି । ବେକାରଙ୍କୁ ତୁରନ୍ତ ନିଯୁକ୍ତି ଦିଅ । ଅନ୍ୟ ବିଜେପି ସଭ୍ୟମାନେ ଏଥିରେ ସ୍ୱର ମିଶାଉଥିଲେ । ଏମିତି ହୋହଲ୍ଲା ପାଟିତୁଣ୍ଡ ମଧ୍ୟରେ ବାଚସ୍ପତି ଗୃହକାର୍ଯ୍ୟ ଆଗକୁ ନେବାକୁ ଉଦ୍ୟମ କଲେ । ପ୍ରଶ୍ନକର୍ତ୍ତାଙ୍କ ନାମ ପଢ଼ିଲେ, ମାତ୍ର କେହି ନିଜ ଆସନରେ ନଥିଲେ । ବାଚସ୍ପତି ଗୃହ ଚଳାଇବାକୁ ଉଦ୍ୟମ କରିବାରୁ ଚୌକି ଭିଡ଼ିଆଣି ଚଢ଼ିଲେ ତାରା । ବାଚସ୍ପତିଙ୍କ ଟେବୁଲ ବାଡ଼େଇଲେ । ଏପଟେ ବିଜେପି ସଭ୍ୟମାନେ ମଧ୍ୟ ଜୋର୍‌ ପାଟି କଲେ । ବାଚସ୍ପତି ମାତ୍ର ମିନିଟକ ପରେ ଗୃହକୁ ୧୧ଟା ୩୦ ଯାଏ ମୁଲତବି ଘୋଷଣା କଲେ ।
ସାଢ଼େ ୧୧ଟାରେ ଗୃହକାର୍ଯ୍ୟ ଆରମ୍ଭ ହେବାମାତ୍ରେ ପରିସ୍ଥିତିରେ କିଛି ବି ସୁଧାର ଆସିଲାନି । ତାରା ବାଚସ୍ପତିଙ୍କ ଟେବୁଲ ବାଡ଼େଇବା ସହ କାଗଜପତ୍ର ଛଡ଼ାଇ ଆଣିବାକୁ ଉଦ୍ୟମ କଲେ । କଂଗ୍ରେସ ସଭ୍ୟ ସ୍ଲୋଗାନ ଛାଡ଼ିଲେ ଚାଷୀଙ୍କୁ ପ୍ରାଇସ୍‌, ପ୍ରେଷ୍ଟିଜ୍‌ ଓ ପେନ୍‌ସନ୍‌ ଆମର ଦାବି । ବେକାରଙ୍କୁ ନିଯୁକ୍ତି ଆମର ଦାବି । ବିଜେପି ସଭ୍ୟମାନେ ମଧ୍ୟ ବେକାରଙ୍କୁ ନିଯୁକ୍ତି ଦେଇ ନାରା ଛାଡ଼ୁଥିଲେ । ବିରୋଧୀ ବିଧାୟକଙ୍କ ପାଟିତୁଣ୍ଡ ଓ ହୋହଲ୍ଲାରେ ଗୃହ କମ୍ପିଲା । ବାଚସ୍ପତି ଗୃହ ଚଳାଇବାକୁ ସଭ୍ୟମାନଙ୍କ ସହଯୋଗ ଲୋଡ଼ିଲେ ମଧ୍ୟ କିଛି ସୁଫଳ ମିଳିଲାନି । ବାଧ୍ୟ ହୋଇ ବାଚସ୍ପତି ଅପରାହ୍‌ଣ ୩ ଟା ପର୍ଯ୍ୟନ୍ତ ଗୃହକୁ ମୁଲତବି ରଖିଲେ ।
ଅପରାହ୍‌ଣରେ ଗୃହକାର୍ଯ୍ୟ ଆରମ୍ଭ ହେବା ମାତ୍ରେ ପୁଣି କଂଗ୍ରେସ ଓ ବିଜେପି ସଦସ୍ୟମାନେ ଗୃହର ମଧ୍ୟଭାଗକୁ ଆସି ହୋହଲ୍ଲା କଲେ । କଂଗ୍ରେସ ସଭ୍ୟମାନେ ପାଟି କଲେ, କୃଷିଋଣ ଛାଡ଼ ଆମର ଦାବି । ବିଜେପି ସଭ୍ୟମାନେ ପାଟି କଲେ, ବିଜେପି ଯୁବମୋର୍ଚ୍ଚା କର୍ମୀଙ୍କୁ ପୁଲିସ ଅଟକ ରଖିଛି । ବିରୋଧୀ ସଦସ୍ୟମାନେ ହୋହଲ୍ଲା କରିବା ସହ ଜୋର ହଙ୍ଗାମା କରିବାରୁ ବାଚସ୍ପତି ୩ଟା ୩ରୁ ୫ଟା ୩୦ ଯାଏ ଗୃହକୁ ମୁଲତବି ଘୋଷଣା କରିଥିଲେ ।