PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ- କାଳବୈଶାଖୀର ତାଣ୍ଡଵ। ସେରଗଡ ବ୍ରାହ୍ମଣଛାଇ ଗାଁରେ ଗଛ ପଡି ଦୁଇ ମୃତ
  • ||
  • ବରିଷ୍ଠ ବିଜେଡି ନେତ୍ରୀ ଭି. ସୁଜ୍ଞାନୀ କୁମାରୀ ଦେଓଙ୍କ ଆଶୁ ଆରୋଗ୍ୟ କାମନା କଲେ ମୁଖ୍ୟମନ୍ତ୍ରୀ, ଅସୁସ୍ଥତା କାରଣରୁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ପୂର୍ବତନ ବିଧାୟକା
  • ||
  • ପଶ୍ଚିମବଙ୍ଗରେ ବିଜେପି କାର୍ଯ୍ୟକର୍ତ୍ତାଙ୍କ ଉପରେ ଟିଏମସିର ଆକ୍ରମଣର ପ୍ରତିବାଦରେ କେନ୍ଦ୍ରମନ୍ତ୍ରୀଙ୍କ ଉପବାସ
  • ||
  • ପଶ୍ଚିମବଙ୍ଗ: ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମମତା ବାନାର୍ଜି
  • ||
  • କୋଭିଡ୍ ମୁକାବିଲା ପାଇଁ ୫୦ ହଜାର କୋଟି ଦେବ ଆର୍‌ବିଆଇ
  • ||
  • ବଲାଙ୍ଗୀର: ଡେଲିମାର୍କେଟରେ ସଂଘବଦ୍ଧ ଭାବେ ପରିବା ବିକ୍ରି କରିବାକୁ ପ୍ରଶାସନ ବିରୋଧ କରିବାରୁ ଉତ୍ତ୍ୟକ୍ତ ହୋଇ ରାସ୍ତାରେ ପରିବା ଫିଙ୍ଗିଲେ ବେପାରୀ, ପୁଲିସ ଏବଂ ମ୍ୟୁନିସିପାଳିଟି ପକ୍ଷରୁ ବୁଝାମଣା ଜାରି
  • ||
  • ଗୁଡ଼ଭେଲା: ବିଦ୍ୟୁତ ଖୁଣ୍ଟକୁ ପଟିଲା ଟ୍ରକ ଅଳ୍ପକେ ବର୍ତ୍ତିଲେ ଲୋକେ
  • ||
  • ହାଇଦ୍ରାବଦରୁ ଫେରୁଥିଲେ ପ୍ରବାସୀ ଶ୍ରମିକଙ୍କ ୧୨ ବର୍ଷର ଝିଅ, ସୀମାନ୍ତ ମୋଟୁରେ ଚାଲିଗଲା ଜୀବନ
  • ||
  • ଉପକୂଳରେ ତାତି ଉଭାନ୍‌, ଆସନ୍ତା ୪ ଦିନ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ
  • ||
  • ଆନ୍ଧ୍ର ପ୍ରଦେଶ ଓ ତେଲେଙ୍ଗାନାରୁ ଫେରିଲେ ୧୪ ଦିନିଆ କ୍ୱାରେଣ୍ଟାଇନ୍‌ ବାଧ୍ୟତାମୂଳକ
  • ||
  • ଓଡ଼ିଶାରେ ଚିହ୍ନଟ ହେଲେ ୯୮୮୯ ଜଣ କରୋନା ପଜିଟିଭ ଚିହ୍ନଟ, ଆଖିବୁଜିଲେ ୧୬ ଜଣ ସଂକ୍ରମିତ
  • ||
  • ଓଡ଼ିଶା: ଆଜିଠୁ ରାଜ୍ୟବ୍ୟାପୀ ୧୪ ଦିନିଆ ‘ଲକଡାଉନ୍‌,’୧୯ ତାରିଖ ପର୍ଯ୍ୟନ୍ତ ବଳବତ୍ତର ରହିବ
  • ||

ଓପିଟିସିଏଲ୍‌ରେ ୯୨ ଇଂଜିନିୟରଙ୍କୁ ନିଯୁକ୍ତ

ଭୁବନେଶ୍ୱର,୧୮ା୧(ବ୍ୟୁରୋ): ଓଡ଼ିଶା ବିଦ୍ୟୁତ ଶକ୍ତି ସଂଚାରଣ ନିଗମ ଲିମିଟେଡ୍‌ (ଓପିଟିସିଏଲ୍‌)ରେ ୯୨ ଜଣ ନୂଆ ଇଂଜିନିୟରଙ୍କୁ ଆଜି ନିଯୁକ୍ତି ମିଳିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ସ୍ୱତନ୍ତ୍ର ଉତ୍ସବରେ ନିଯୁକ୍ତିପତ୍ର ବଣ୍ଟନ କରିବା ସହ ନବନିଯୁକ୍ତ ଇଂଜିନିୟରମାନେ ରାଜ୍ୟର ଶକ୍ତି କ୍ଷେତ୍ର ସହ ଓପିଟିସିଏଲକୁ ଆହୁରି ଆଗକୁ ନେବାକୁ ଆହ୍ୱାନ ଦେଇଥିଲେ । ଏ ଅବସରରେ ମୁଖ୍ୟମନ୍ତ୍ରୀ ଇଂଜିନିୟରମାନଙ୍କୁ ଥ୍ରୀ-ଟି (ଟ୍ରାନ୍ସପରେନ୍ସି, ଟେକ୍ନୋଲୋଜି ଓ ଟିମୱାର୍କ)କୁ ଫୋକସ୍‌ କରି କାମ କରିବାକୁ ପରାମର୍ଶ ଦେଇଛନ୍ତି ।
ନବନିଯୁକ୍ତ ଇଂଜିନିୟରମାନଙ୍କ ପ୍ରଶିକ୍ଷଣ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ କହିଛନ୍ତି, କଠିନ ପରିଶ୍ରମର କିଛି ବିକଳ୍ପ ନାହିଁ । ଆମେ ଯଦି ‘ଥ୍ରୀ-ଟି’ ମନ୍ତ୍ରକୁ ଆପଣାଇ କାମ କରିବା, ଜନସାଧାରଣଙ୍କୁ ଗୁଣାତ୍ମକ ଓ ନିରବଛିନ୍ନ ବିଜୁଳି ସେବା ଯୋଗାଇଦେବା । ଜନସାଧାରଣଙ୍କୁ ଉତ୍ତମ ସେବା ଯୋଗାଇବାକୁ ରାଜ୍ୟ ସରକାର ସର୍ବାଧିକ ଗୁରୁତ୍ୱ ଦେଉଛନ୍ତି । ଏଥିପାଇଁ ଓପିଟିସିଏଲ୍‌ରେ ଗୁଣାତ୍ମକ ମାନର ମାନବ ସମ୍ବଳ ନିଯୁକ୍ତ କରାଯାଉଛି । ୨୦୧୦ ପରଠାରୁ ଓପିଟିସିଏଲ୍‌ ୧୭୫୨ କର୍ମଚାରୀଙ୍କୁ ନିଯୁକ୍ତି ଦେଇଛି । ବେକାରୀଙ୍କୁ କର୍ମ ନିଯୁକ୍ତି ଦେବାକୁ ରାଜ୍ୟ ସରକାର ବଦ୍ଧପରିକର ଅଛନ୍ତି ।
ଓପିଟିସିଏଲ୍‌ ଶକ୍ତି କ୍ଷେତ୍ରରେ ବହୁ କାମ ହାତକୁ ନେଇଛି । ଗ୍ରାମାଞ୍ଚଳ ବିଦ୍ୟୁତକରଣ, ସମନ୍ୱିତ ଶକ୍ତି ବିକାଶ ଯୋଜନା, ଓଡ଼ିଶା ଡିଷ୍ଟ୍ରିବ୍ୟୁସନ ସିଷ୍ଟମ ଷ୍ଟ୍ରେଙ୍ଗଥେନିଂ ପ୍ରୋଜେକ୍ଟ, ଷ୍ଟେଟ କ୍ୟାପିଟାଲ ରିଜିନ ଇମ୍ପ୍ରୁଭମେଣ୍ଟ ଅଫ ପାୱାର ସିଷ୍ଟମ’ ଏବଂ ଆମ ଘରେ ଏଲ୍‌ଇଡି ଏସବୁ ଯୋଜନା ଓ କାର୍ଯ୍ୟକ୍ରମକୁ ଓପିଟିସିଏଲ୍‌ ବେଶ ସଫଳତାର ସହ କାର୍ଯ୍ୟକାରୀ କରୁଥିବାରୁ ମୁଖ୍ୟମନ୍ତ୍ରୀ ଅଭିନନ୍ଦନ ଜଣାଇଥିଲେ ।
ମୁଖ୍ୟମନ୍ତ୍ରୀ କହିଛନ୍ତି, ଓପିଟିସିଏଲ୍‌ ଗ୍ରୀଡ ନେଟୱର୍କକୁ ଅଧିକ କରିପାରିଛି । ଗତ ୪ ବର୍ଷରେ ଅଧିକ ୪୨ଟି ଗ୍ରୀଡ ସ୍ଥାପନ କରାଯାଇଛି । ଆସନ୍ତା ୨୦୨୧-୨୨ ସୁଦ୍ଧା ୪୧ଟି ଇଏଚଭି ଗ୍ରୀଡ ସବ୍‌ଷ୍ଟେସନ ବସାଯିବ ।
ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ଶକ୍ତି ସଚିବ ହେମନ୍ତ ଶର୍ମା ସ୍ୱାଗତ ଭାଷଣ ଦେବା ସହ ଶକ୍ତି ବିଭାଗର ସଫଳତା ସଂପର୍କରେ ସୂଚନା ଦେଇଥିଲେ । ଶକ୍ତି କ୍ଷେତ୍ର ସଂପର୍କରେ ଏକ କ୍ଷୁଦ୍ର ଚଳଚ୍ଚିତ୍ର ମଧ୍ୟ ପ୍ରଦର୍ଶନ କରାଯାଇଥିଲା । ମୁଖ୍ୟମନ୍ତ୍ରୀ ଓପିଟିସିଏଲ୍‌ କର୍ମଚାରୀଙ୍କୁ ସପ୍ତମ ବେତନ କମିଶନ ଲାଗୁ କରିଥିବାରୁ ମାନବ ସମ୍ବଳ ନିର୍ଦ୍ଦେଶକ ରାଜେନ୍ଦ୍ର ସେନାପତି ଧନ୍ୟବାଦ ଦେଇଥିଲେ ।