ସେପ୍ଟେମ୍ବର ୨୭ରୁ ଓୟୁଏଟି ପ୍ରବେଶିକା ପରୀକ୍ଷା, ଜାଣନ୍ତୁ ଆବେଦନ ଶେଷ ତାରିଖ
ଭୁବନେଶ୍ୱର,୦୩/୦୮: ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ (ଓୟୁଏଟି) ପ୍ରବେଶିକା ପରୀକ୍ଷା ଆସନ୍ତା ସେପ୍ଟେମ୍ବର ୨୭ରୁ ୩୦ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ । ଓୟୁଏଟି ଅଧୀନ କଲେଜ ଗୁଡ଼ିକରେ ପିଜି ପାଠ୍ୟକ୍ରମରେ ନାମଲେଖା ପାଇଁ କମ୍ପ୍ୟୁଟର ବେସଡ୍ ଟେଷ୍ଟ (ସିବିଟି) ମୋଡ୍ରେ ପରୀକ୍ଷା କରାଯିବ । ଏଥିପାଇଁ ଛାତ୍ରଛାତ୍ରୀ ଚଳିତ ମାସ ୩୧ ତାରିଖ ସୁଦ୍ଧା ଓୟୁଏଟି ୱେବସାଇଟ୍ରେ ଯାଇ ଆବେଦନ କରିପାରିବେ ।
ସେପ୍ଟେମ୍ବର ୧୬ରୁ ଆଡ୍ମିଟ୍ କାର୍ଡ ଡାଉନ୍ଲୋଡ୍ କରିବେ । ସେପ୍ଟେମ୍ବର ୬ରୁ ୨୫ ତାରିଖ ପର୍ଯ୍ୟନ୍ତ ମକ୍ ଟେଷ୍ଟ ହେବ । ଛାତ୍ରଛାତ୍ରୀଙ୍କ ସମସ୍ୟାର ସମାଧାନ ପାଇଁ କମନ୍ ସର୍ଭିସ୍ ସେଣ୍ଟର ସ୍ଥାପନ କରାଯାଇଛି । ଆଡ୍ମିଟ୍ କାର୍ଡ ଓ ପରୀକ୍ଷା ସମ୍ପର୍କିତ ସୂଚନା ପାଇଁ ବିଶ୍ୱବିଦ୍ୟାଳୟ ପକ୍ଷରୁ ଜାରି ହେଲ୍ପଲାଇନ୍ ନମ୍ବରରେ ଯୋଗାଯୋଗ କରିବାକୁ ବିଶ୍ୱବିଦ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
