PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ଓଡ଼ିଶାର ୪ ଜଣଙ୍କୁ ପଦ୍ମ ପୁରସ୍କାର: ଦୈତାରି ନାୟକ, କମଳା ପୂଜାରୀ, ପ୍ରକାଶ ରାଓ ଓ ଗୀତା ମେହେଟ୍ଟାଙ୍କୁ ପଦ୍ମଶ୍ରୀ

ଭୁବନେଶ୍ୱର,୨୫ା୧(ବ୍ୟୁରୋ): ଭାରତ ସରକାରଙ୍କ ଗୃହ ମନ୍ତ୍ରଣାଳୟ ପକ୍ଷରୁ ଆଜି ପଦ୍ମ ପୁରସ୍କାର ଘୋଷଣା ହୋଇଛି । ସେଥିରେ ଓଡ଼ିଶାରୁ ୪ଜଣ ‘ପଦ୍ମଶ୍ରୀ’ ପାଇଁ ମନୋନୀତ ହୋଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭଉଣୀ ତଥା ବିଶିଷ୍ଟ ଲେଖିକା ଗୀତା ମେହେଟ୍ଟାଙ୍କୁ ମଧ୍ୟ ସଂସ୍କୃତି ଓ ଶିକ୍ଷା କ୍ଷେତ୍ର ପାଇଁ ‘ପଦ୍ମଶ୍ରୀ’ ଲାଗି ମନୋନୀତ କରାଯାଇଛି । ବାକି ତିନିଜଣ ସମାଜସେବା କ୍ଷେତ୍ରରୁ ପ୍ରତିନିଧିତ୍ୱ କରୁଛନ୍ତି । ସେମାନେ ହେଲେ³ ସମାଜସେବୀ ଦୈତାରୀ ନାୟକ, କୃଷି ଓ ସମାଜସେବାରେ କମଳା ପୂଜାରୀ ଏବଂ ସମାଜସେବା ଓ ଶିକ୍ଷାରେ ଡି. ପ୍ରକାଶ ରାଓ ରହିଛନ୍ତି । ଚଳିତ ଥର ମୋଟ୍‌ ୧୧୨ ଜଣ ପଦ୍ମ ପୁରସ୍କାର ପାଇବାକୁ ମନୋନୀତ ହୋଇଥିବାବେଳେ ୪ ଜଣ ‘ପଦ୍ମବିଭୂଷଣ’, ୧୪ ଜଣ ‘ପଦ୍ମଭୂଷଣ’ ଏବଂ ୯୪ ଜଣ ‘ପଦ୍ମଶ୍ରୀ’ ପାଇବାକୁ ମନୋନୀତ ହୋଇଛନ୍ତି । ପଦ୍ମଶ୍ରୀ ପୁରସ୍କାର ପାଇଁ ମନୋନୀତ ଏହି ୪ ଜଣଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଅଭିନନ୍ଦନ ଜଣାଇଛନ୍ତି । ଏହି ୪ ଓଡ଼ିଆଙ୍କ ଅଧ୍ୟବସାୟ ଓ କର୍ତ୍ତବ୍ୟନିଷ୍ଠା ଓଡ଼ିଶାବାସୀଙ୍କୁ ଅନୁପ୍ରାଣିତ କରିବ । ସେହିପରି ସହିଦ ଓଡ଼ିଆ ଯବାନ ପ୍ରଦୀପ ପଣ୍ଡା କୀର୍ତ୍ତିଚକ୍ର ପାଇଁ ମନୋନୀତ ହୋଇଥିବାରୁ ଓଡ଼ିଶା ଗର୍ବିତ ବୋଲି ଶ୍ରୀ ପ୍ରଧାନ କହିଛନ୍ତି ।
ଗୀତା ମେହେଟ୍ଟା: ଗୀତା ମେହେଟ୍ଟା ଜଣେ ପ୍ରଖ୍ୟାତ ଲେଖକ । ସେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଝିଅ । କେମ୍ବ୍ରିଜ୍‌ ବିଶ୍ୱବିଦ୍ୟାଳୟରୁ ପଢା ସାରିବା ପରେ ଗୀତା ବିଦେଶୀ ଟେଲିଭିଜନ୍‌ ଡକ୍ୟୁମେଣ୍ଟାରୀର ପ୍ରଯୋଜନା ଓ ନିର୍ଦ୍ଦେଶନାରୁ ନିଜ କ୍ୟାରିୟର୍‌ ଆରମ୍ଭ କରିଥିଲେ । ୟୁରୋପିଆନ୍‌ ଓ ୟୁଏସ୍‌ ନେଟୱର୍କସ୍‌ ପାଇଁ ସେ ପ୍ରାୟ ୧୪ଟି ଟେଲିଭିଜନ୍‌ ଡକ୍ୟୁମେଣ୍ଟାରୀର ପ୍ରଯୋଜନା ତଥା ନିର୍ଦ୍ଦେଶନା ଦେଇଛନ୍ତି । କିଛି ଦିନ ପାଇଁ ସେ ଆମେରିକାର ଏକ ଟେଲିଭିଜନ୍‌ ଗଣମାଧ୍ୟମ ପାଇଁ ଯୁଦ୍ଧ ପ୍ରତିନିଧି ଭାବେ କାର୍ଯ୍ୟ କରିଥିଲେ । ପରେ ସେ ବହି ଲେଖିବା ଆରମ୍ଭ କରିଥିଲେ । ଏ ରିଭର ସୂତ୍ର, ରାଜ୍‌, କର୍ମୀ କୋଲା, ସ୍ନେକସ୍‌ ଆଣ୍ଡ ଲାଡର୍ସ ଓ ଇଟରନାଲ୍‌ ଗଣେଶ ଭଳି ଅନେକ ପୁସ୍ତକ ଲେଖିଛନ୍ତି । ତାଙ୍କ ପୁସ୍ତକଗୁଡିକ ପ୍ରାୟ ୨୧ଟି ଭାଷାରେ ଅନୁବାଦ ହୋଇ ପ୍ରକାଶିତ ହୋଇଛି । ତାଙ୍କ ପୁସ୍ତକ ଆମେରିକା, ୟୁରୋପ ଓ ଭାରତରେ ବେଷ୍ଟ୍‌ ସେଲର୍‌ ତାଲିକାରେ ସ୍ଥାନିତ ହୋଇଛି ।
ଦୈତାରୀ ନାଏକ: କେନ୍ଦୁଝର ବାଂଶପାଳ ବ୍ଲକ୍‌ର ଏକ ଛୋଟ ପାହାଡ଼ିଆ ବୈତରଣୀ ଗାଁର ବାସିନ୍ଦା ଦୈତାରୀ ନାୟକ । ବୟସ ପ୍ରାୟ ୭୦ ବର୍ଷ ହେବ । ତାଙ୍କ ଗାଁରେ ଚାଷ ଜମି ପାଇଁ ପାଣିର ଉତ୍କଟ ଅଭାବ ଥିଲା । ପାଣି ଅଭାବରୁ ଚାଷ କରିବାରେ ଗାଁ ଲୋକେ ସମସ୍ୟା ଭୋଗୁଥିଲେ । ଗାଁଲୋକଙ୍କ ସମସ୍ୟାକୁ ଦେଖି ଦୈତାରୀ ଆରମ୍ଭ କରିଥିଲେ ପାହାଡ଼ ଖୋଳା ଅଭିଯାନ । ପାହାଡ଼ିଆ ଉଚ୍ଚା ଜାଗାରେ ଥିବା ବଡ଼ ବଡ଼ ପଥର ଖଣ୍ଡକୁ ଖୋଳି ସେ କେନାଲ୍‌ ବାହାର କରିଥିଲେ । ୩ କିମି ଲମ୍ବାର କେନାଲ୍‌ ଖୋଳି ଗାଁ ଜମିକୁ ପାଣି ଆଣିଥିଲେ । ଏହି ପାଣିରେ ଗାଁଲୋକେ ଚାଷ କରିବାରେ ସକ୍ଷମ ହୋଇଥିଲେ । ଦୈତାରୀଙ୍କ ଏହି ପ୍ରୟାସ ତାଙ୍କୁ ରାତାରାତ୍‌ ଚର୍ଚ୍ଚିତ କରି ଦେଇଥିଲା ।
କମଳା ପୂଜାରୀ: କମଳା ପୂଜାରୀ କୋରାପୁଟ ଜିଲ୍ଲାର ଜଣେ ଆଦିବାସୀ ମହିଳା । ଜୈବିକ ଚାଷ ପଦ୍ଧତିର ପ୍ରଚାରପ୍ରସାର ସହ ଏହି ପଦ୍ଧତିକୁ ଆପଣାଇ ସେ ୧୦୦ରୁ ଅଧିକ ପ୍ରଜାତିର ଶସ୍ୟକୁ ସଂରକ୍ଷଣ କରିଛନ୍ତି । ରାସାୟନିକ ଓ କୀଟନାଶକ ପ୍ରୟୋଗକୁ ଛାଡି ଜୈବିକ ଚାଷକୁ ଆପଣାଇବାକୁ ସେ ତାଙ୍କ ଅଞ୍ଚଳର ଅନେକ ଚାଷୀଙ୍କୁ ପ୍ରବର୍ତ୍ତାଇବା ସହ ଏଥିରେ ସଫଳ ହୋଇଥିଲେ । ତାଙ୍କର ଏହି ନିଆରା ପ୍ରୟାସକୁ ସରକାର ସ୍ୱୀକୃତି ଦେବା ସହ ତାଙ୍କୁ ରାଜ୍ୟ ଯୋଜନା ବୋର୍ଡର ସଦସ୍ୟା କରିଥିଲେ । ୨୦୦୪ରେ ତାଙ୍କୁ ଶ୍ରେଷ୍ଠ ମହିଳା ଚାଷୀ ପୁରସ୍କାର ମିଳିଥିଲା ।
ଡି. ପ୍ରକାଶ ରାଓ: ପେଷାରେ ଚା ବିକାଳି । କିନ୍ତୁ ଏଥିରୁ ଉପାର୍ଜିତ ଟଙ୍କାରେ ଅନେକ ପିଲାଙ୍କ ଜୀବନ ଗଢୁଛନ୍ତି । ଏହି ଟଙ୍କାରେ ସ୍କୁଲ ଖୋଲି ପିଲାଙ୍କୁ ମାଗଣାରେ ପାଠ ପଢ଼ାଉଛନ୍ତି । ରକ୍ତଦାନ କରିବା ଓ ରୋଗୀଙ୍କ ସେବା କରିବାକୁ ସେ ଯେମିତି ନିଜ ବ୍ରତ ଭାବେ ଧରି ନେଇଛନ୍ତି । ସେ ହେଉଛନ୍ତି ଡି. ପ୍ରକାଶ ରାଓ । ଜଣେ ସମାଜସେବୀ ଭାବେ ୫ ଦଶନ୍ଧିରୁ ଅଧିକ ବର୍ଷ ହେଲା ନିଆରା ପରିଚୟ ସୃଷ୍ଟି କରିଛନ୍ତି । ବସ୍ତି ପିଲାଙ୍କୁ ଶିକ୍ଷା ଦେବାରେ ସେ ଆଲୋକବର୍ତ୍ତିକା ସାଜିଛନ୍ତି ।

ସମ୍ବନ୍ଧିତ ଖବର