PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଜାବ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପ୍ଟେନ୍‌ ଅମରିନ୍ଦର ସିଂହ
  • ||
  • ଏସିଏଫ୍‌ ସୌମରଞ୍ଜନ ମହାପାତ୍ର ମୃତ୍ୟୁ ଘଟଣା – ଭୁବନେଶ୍ୱର ଫରେନସିକ୍‌ ଲ୍ୟାବ୍‌ରେ ଡିଏଫ୍‌ଓ , ରୋଷେୟାଙ୍କ ଲାଇ ଡିଟେକ୍ସନ ଟେଷ୍ଟ ଚାଲିଛି
  • ||
  • କେନ୍ଦୁଝର: ମହିଳାଙ୍କୁ ନିର୍ଯାତନା ଦେବା କାରଣରୁ ସ୍ୱାମୀ, ଶାଶୁ, ଶଶୁର ଓ ସଉତୁଣୀକୁ ୩ ବର୍ଷ ଜେଲ୍
  • ||
  • ଲୋଇସିଂହା: ଟ୍ରେନ ଆଗକୁ ଡେଇଁ ଯୁବକଙ୍କ ମୃତ୍ୟୁ, ପରିଚୟ ଅସ୍ପଷ୍ଟ
  • ||
  • ଦାରିଙ୍ଗବାଡି : ସଂରକ୍ଷିତ ଜଙ୍ଗଲରୁ ଚୋରା ଚାଲାଣ ବେଳେ କାଠପଟା ଜବତ, ଜଣେ ଗିରଫ
  • ||
  • ଲୋଇସିଂହା : ଚଳନ୍ତା ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କଲେ ଯୁବକ, କାରଣ ଅସ୍ପଷ୍ଟ
  • ||
  • କେନ୍ଦୁଝର : ମହିଳାଙ୍କୁ ନିର୍ଯାତନା ଦେବାରୁ ସ୍ୱାମୀ, ଶାଶୁ, ଶ୍ଵଶୁର ଓ ସଉତୁଣୀକୁ ୩ ବର୍ଷ ଜେଲ ଦଣ୍ଡ
  • ||
  • ପଦ୍ମପୁର: ଗଜଲକ୍ଷ୍ମୀ ଷ୍ଟୋରରେ ଜିଏସଟି ବିଭାଗର ଚଢ଼ାଉ
  • ||
  • ବ୍ରହ୍ମପୁର: ଗଞ୍ଜାମରେ ୧୦୧୦ଗାଁ ବାଲ୍ୟ ବିବାହ ମୁକ୍ତ ଘୋଷଣା କଲା ପ୍ରଶାସନ
  • ||
  • ବଲାଙ୍ଗୀର: ରାତିରେ ପରିବାର ଲୋକଙ୍କ ସହ ଶୋଇଥିଲା ବେଳେ ମହିଳାଙ୍କୁ କାମୁଡି ଦେଲା ବିଷାକ୍ତ ସାପ, ଆଖିବୁଜଲେ ମହିଳା
  • ||
  • ପାଟଣା: ପୂର୍ବତନ ପାଟଣା ବିଧାୟକ ରାମରାଇ ମୁଣ୍ଡାଙ୍କ ପରଲୋକ
  • ||
  • ସମ୍ବଲପୁର: ହୀରାକୁଦର ପୁଣି ବନ୍ଦ ହେଲା ୬ ଗେଟ୍, ୧୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବାଙ୍କୀ : ହୁଳୁହୁଳା ପୋଲ ଉପରେ ୪ ଫୁଟର ବନ୍ୟାଜଳ ପ୍ରବାହିତ, ବାଙ୍କୀର ବହୁ ପଞ୍ଚାୟତ ବାହ୍ୟ ଜଗତରୁ ବିଚ୍ଛିନ୍ନ
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୨୮କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରୁ ୨୪ ଘଣ୍ଟା ମଧ୍ୟରେ ଆଉ ୬୯୫ଜଣ କରୋନା ପଜିଟିଭ୍ ଚିହ୍ନଟ
  • ||
  • ସଠିପୁର : ଦୁଇ କଣ୍ଟେନର ମୁହାଁମୁହିଁ ଧକ୍କା, ଉଭୟ ଡ୍ରାଇଭର ଆହତ
  • ||
  • ଜଗତସିଂହପୁ : ହଂସୁଆ ନଈରେ ଘାଇ, ୧୦ରୁ ଅଧିକ ଗାଁ ଜଳମଗ୍ନ
  • ||
  • ସମ୍ବଲପୁର : ସୁଧୁରୁଛି ଉପରମୁଣ୍ଡର ବନ୍ୟା ସ୍ଥିତି, ହୀରାକୁଦରେ ବନ୍ଦ ହେଲା ୪ ଗେଟ୍‌, ୨୪ ଗେଟ୍‌ ଦେଇ ଜଳ ନିଷ୍କାସନ ଜାରି
  • ||
  • କାମାକ୍ଷାନଗର : ଚାଷୀଙ୍କୁ ଦଳି ମାରିଲା ଦନ୍ତା
  • ||
  • ରାଉରକେଲା : ବିମାନଘାଟି ପରିସରରେ ଜଣେ ମହିଳା ଶ୍ରମିକଙ୍କୁ ଦୁଷ୍କର୍ମ ଉଦ୍ୟମ, ଠିକା କର୍ମଚାରୀ ଅଟକ
  • ||

ଆଇଏମ୍‌ଏଫ୍‌କୁ ଭାରତର ସତର୍କବାଣୀ: ପାକିସ୍ତାନକୁ ପାଣ୍ଠି ଦେଲେ ବୁଡ଼ିବ

ନୂଆଦିଲ୍ଲୀ,୨୦ା୪(ଏଜେନ୍ସି):ଭୟଙ୍କର ଆର୍ଥିକ ସଙ୍କଟରେ ଛନ୍ଦି ହୋଇଥିବା ପାକିସ୍ତାନ ଏବେ ପାଣ୍ଠି ଯୋଗାଡରେ ବ୍ୟସ୍ତ । ବନ୍ଧୁ ରାଷ୍ଟ୍ର ଏବଂ ଅନ୍ୟାନ୍ୟ ମୁସ୍‌ଲିମ୍‌ ରାଷ୍ଟ୍ରଗୁଡିକ ନିକଟରେ ହାତ ପତେଇ କିଛି ଅର୍ଥ ଯୋଗାଡ କରିଛି ପାକ୍‌ । ତଥାପି ଅର୍ଥନୀତିକୁ ଚଳାଇବା ପାଇଁ ଏହା ଯଥେଷ୍ଟ ନୁହେଁ । ସେଥିପାଇଁ ଅନ୍ତର୍ଜାତୀୟ ମୁଦ୍ରା ପାଣ୍ଠି(ଆଇଏମ୍‌ଏଫ୍‌)ର ଦ୍ୱାରସ୍ଥ ହୋଇଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ । ପୂର୍ବରୁ ଆଇଏମ୍‌ଏଫ୍‌ରୁ ପାକିସ୍ତାନ ଅନେକ ଥର ସାହାଯ୍ୟ ଆଣିଥିବାବେଳେ ପୁଣି ଆଉ ଏକ ପ୍ୟାକେଜ୍‌ ଲାଗି ଜୋରସୋର ଉଦ୍ୟମ ଚଳାଇଛନ୍ତି ଇମ୍ରାନ । ଅପରପକ୍ଷରେ, ଭାରତ ସମେତ ଅନ୍ୟାନ୍ୟ ରାଷ୍ଟ୍ରଗୁଡିକ ଆଇଏମ୍‌ଏଫ୍‌କୁ ଏ ନେଇ ସତର୍କ କରିଛନ୍ତି । ପାକିସ୍ତାନକୁ ସାହାଯ୍ୟ କଲେ ପାଣ୍ଠି ବୁଡିବ ବୋଲି ଏମାନେ ଆଇଏମ୍‌ଏଫ୍‌କୁ ଆଗୁଆ ସାବଧାନ କରିଛନ୍ତି ।

ସୂଚନାଯୋଗ୍ୟ, ଆତଙ୍କବାଦ କାର୍ଯ୍ୟକଳାପ ଯୋଗୁ ପାକିସ୍ତାନକୁ ଫାଇନାନ୍‌ସିଆଲ ଆକ୍ସନ ଟାସ୍କ ଫୋର୍ସ(ଏଫ୍‌ଏଟିଏଫ୍‌) ପକ୍ଷରୁ କଳା ତାଲିକାଭୁକ୍ତ ମଧ୍ୟ କରାଯାଇପାରେ । ଏପଟେ ଅର୍ଥନୀତି ଟ୍ରାକ୍‌ରୁ ବାହାରିଯାଇଛି, ଅନ୍ୟପଟେ ଏଫ୍‌ଏଟିଏଫ୍‌ ଡ଼ର । ଏଭଳି ଚ୍ୟାଲେଞ୍ଜଜନକ ପରିସ୍ଥିତି ମଧ୍ୟରେ ପାଣ୍ଠି ଯୋଗାଣ ନେଇ ଆଇଏମ୍‌ଏଫ୍‌କୁ ଅନ୍ୟ ରାଷ୍ଟ୍ରଗୁଡିକର ସତର୍କବାଣୀ ନିଶ୍ଚିତ ଭାବେ ଇ୍ରମାନ ଖାନ୍‌ଙ୍କ ସମସ୍ୟାକୁ ଆହୁରି ବଢ଼ାଇ ଦେଇପାରେ ।

ଇତିମଧ୍ୟରେ ୱାଶିଂଟନରେ ହୋଇଥିବା ବୈଠକରେ ଭାରତୀୟ ଅଧିକାରୀମାନେ ଆଇଏମ୍‌ଏଫ୍‌କୁ ସତର୍କ କରିଥିଲେ ଯେ, ପାକିସ୍ତାନକୁ ପାଣ୍ଠି ଯୋଗାଇବା ଅର୍ଥ ଟଙ୍କାକୁ ସମୁଦ୍ରରେ ଫୋପାଡିଦେବା । ଏଫ୍‌ଏଟିଏଫ୍‌ ପକ୍ଷରୁ ପାକିସ୍ତାନକୁ ଗ୍ରେ ଲିଷ୍ଟ୍‌ରେ ରଖାଯାଇଥିବାରୁ ଏହାର ବିଦେଶୀ ପାଣ୍ଠି ଓ ନିବେଶ ଉପରେ ବି ରୋକ୍‌ ଲାଗିଛି । ପୁଣି ଏହା ଏଫ୍‌ଏଟିଏଫ୍‌ର କଳା ତାଲିକାଭୁକ୍ତ ହେବାର ଆଶଙ୍କା ମଧ୍ୟ ରହିଛି । କଳା ତାଲିକାଭୁକ୍ତ ହୋଇଗଲେ ଅନ୍ୟ କୌଣସି ରାଷ୍ଟ୍ର ଏହା ସହ ଆର୍ଥିକ କାରବାର କରିବେ ନାହିଁ । ତେଣୁ ଆର୍ଥିକ ପ୍ୟାକେଜ୍‌ ଦେଇ ଆଇଏମ୍‌ଏଫ୍‌ ଏହାର ପାଣ୍ଠିକୁ ରିସ୍କକୁ ନ ଆଣୁ ବୋଲି ଭାରତୀୟ ଅଧିକାରୀମାନେ ବୈଠକରେ କହିଥିଲେ । ସୂଚନାଯୋଗ୍ୟ, ଆସନ୍ତା ମାସ ଏଫ୍‌ଏଟିଏଫ୍‌ରେ ପାକିସ୍ତାନକୁ ନେଇ ସମୀକ୍ଷା କରାଯିବ । ବେଆଇନ ଅର୍ଥ କାରବାର ଏବଂ ଆତଙ୍କବାଦ କାର୍ଯ୍ୟକଳାପରେ ପାଣ୍ଠି ଯୋଗାଣକୁ ନିୟନ୍ତ୍ରଣ କରିଥାଏ ଏଫ୍‌ଏଟିଏଫ୍‌ । ପାକିସ୍ତାନ ଏଭଳି କାର୍ଯ୍ୟରେ ନିୟୋଜିତ ହୋଇଥିବା ଅନେକ ଅଭିଯୋଗ ରହିଛି । ଆତଙ୍କବାଦ କାର୍ଯ୍ୟକଳାପକୁ ପ୍ରୋତ୍ସାହନ ଦେଇ ଆସିଥିବା ପାକିସ୍ତାନ ଏଥିରେ ଅନେକ ପାଣ୍ଠି ବିନିଯୋଗ କରୁଛି, ଯେଉଁଥିପାଇଁ ଅନେକ ଜୀବନହାନି ଏବଂ ସାଧାରଣ ସମ୍ପତ୍ତି ନଷ୍ଟ ହେଉଥିବା ଅଭିଯୋଗ ଅଛି । ଏହା ଉପରେ ସମୀକ୍ଷା କରାଯାଇ ଏଫ୍‌ଏଟିଏଫ୍‌ରେ ପାକିସ୍ତାନର ଭାଗ୍ୟ ନିର୍ଦ୍ଧାରଣ କରାଯିବ ।

ଭୟଙ୍କର ଆତଙ୍କବାଦୀ ତଥା ଜୈସ-ଏ-ମହମ୍ମଦ ମୁଖ୍ୟ ମାସୁଦ୍‌ ଆଝାରକୁ ଶରଣ ଦେଇଥିବା ପାକିସ୍ତାନ ଏହାର ଅର୍ଥନୀତିକୁ ଟ୍ରାକ୍‌କୁ ଆଣିବା ପାଇଁ ଆଇଏମ୍‌ଏଫ୍‌ଠାରୁ ୮୦୦ରୁ ୧୨୦୦ କୋଟି ଡଲାରର ଆର୍ଥିକ ସାହାଯ୍ୟ ଲୋଡୁଛି । ଗତ ୩ ବର୍ଷ ମଧ୍ୟରେ ଦେଶର ବିତ୍ତୀୟ ନିଅଣ୍ଟ ୬ ଗୁଣ ବୃଦ୍ଧି ପାଇ ୧୮୦୦ କୋଟି ଡଲାର ଟପିଯାଇଛି । ଯଦି ଏଥର ଆଇଏମ୍‌ଏଫ୍‌ ଏହାକୁ ଋଣ ଦିଏ ତା’ହେଲେ ଏହା ହେବ ପାକିସ୍ତାନକୁ ଆଇଏମ୍‌ଏଫ୍‌ର ୨୨ ତମ ଆର୍ଥିକ ସହାୟତା ।

ଗୁରୁବାର ପାକିସ୍ତାନ ଅର୍ଥମନ୍ତ୍ରୀ ଆସଦ ଉମର ପଦରୁ ଇସ୍ତଫା ଦେଇଛନ୍ତି । ଏହା ପୂର୍ବରୁ ସେ କହିଥିଲେ ଯେ, ଆଇଏମ୍‌ଏଫ୍‌ ସହ ଆର୍ଥିକ ପ୍ୟାକେଜ୍‌ ନେଇ କଥାବାର୍ତ୍ତା ଅନ୍ତିମ ସୋପାନରେ ଅଛି । କିନ୍ତୁ ଏହା ପରେ ଖବର ଆସିଥିଲା ଯେ, ଚୀନ-ପାକିସ୍ତାନ ଅର୍ଥନୈତିକ କରିଡରକୁ ନେଇ ଆଇଏମ୍‌ଏଫ୍‌ ଚିନ୍ତା ମଧ୍ୟରେ ଅଛି । ଆଇଏମ୍‌ଏଫ୍‌ କାର୍ଯ୍ୟକ୍ରମ ଉପରେ ଏହି ଅର୍ଥନୈତିକ କରିଡରର ପ୍ରଭାବକୁ ନେଇ ଆଇଏମଏଫ୍‌ ଚିନ୍ତିତ ଥିବା ଏକ ରିପୋର୍ଟରୁ ଜଣାଯାଇଛି ।

ଗତ ସୋମବାର ଆସଦ ଉମର ସୂଚନା ଦେଇଥିଲେ ଯେ, ଏଫ୍‌ଏଟିଏଫ୍‌କୁ ପାକିସ୍ତାନ ଅନୁପାଳନ ରିପୋର୍ଟ ଦେଇସାରିଛି ଏବଂ ଚଳିତ ମାସ ଶେଷ ସୁଦ୍ଧା ଆଇଏମ୍‌ଏଫ୍‌ର ପ୍ରତିନିଧି ଦଳ ପାକିସ୍ତାନ ଗସ୍ତରେ ଆସିବେ ।

ସମ୍ବନ୍ଧିତ ଖବର