ସାରା ବିଶ୍ବରେ ଅପଦସ୍ତ ହେବାପରେ ମଧ୍ୟ ସୁଧୁରିନି ପାକିସ୍ତାନ,ବାଜଓ୍ବା କହିଲେ- ଶେଷ ଗୁଳି ପର୍ଯ୍ୟନ୍ତ ଭାରତ ସହିତ ଲଢିବୁ

ନୂଆଦିଲ୍ଲୀ,୬।୯: କଶ୍ମୀର ପ୍ରସଙ୍ଗରେ ଅନ୍ତଃର୍ଜରତୀୟ ସ୍ତରରେ ଅପଦସ୍ତ ହେବାପରେ ଏବେ ଯୁଦ୍ଧର କରିବାର ଧମକ ଦେବାରେ ଲାଗିଛି ପାକିସ୍ତାନ। ଏବେ ପାକିସ୍ତାନର ସେନାଧ୍ୟକ୍ଷ ଜେନେରାଲ କମର ଜାଭେଦ ଭାରତ ବିରୋଧରେ ଓଗାଳିଛନ୍ତି ବିଷ। ସେ କହିଛନ୍ତି ଶେଷ ଗୁଳି ପର୍ଯ୍ୟନ୍ତ ଭାରତ ସହିତ ଆମେ ଲଢେଇ କରିବୁ। ରାଓ୍ବଲପିଣ୍ଡିରେ ଜେନେରାଲ ମୁଖ୍ୟାଳୟରେ ପ୍ରତିରକ୍ଷା ଓ ଶହୀଦ ଦିବସ କାର୍ଯ୍ୟକ୍ରମରେ ସମ୍ବୋଧିତ କରି ବାଜଓ୍ବା ଭାରତ ବିରୋଧରେ କହିଛନ୍ତି, ସେ କଶ୍ମୀର ପ୍ରସଙ୍ଗରେ ଯେ କୌଣସି ସୀମାକୁ ପହଁଞ୍ଚିପାରି​‌ବେ। ସେ ନିଜ ଦେଶର ଇତିହାସ ବିରୋଧରେ ବୟାନ ଦେଇ କହିଛନ୍ତି,ପାକିସ୍ତାନ ବିଶ୍ବକୁ ଶାନ୍ତି ଓ ସୁରକ୍ଷାର ବାର୍ତ୍ତା ଦେଉଛି।

୧୯୭୧ ଯୁଦ୍ଧରେ ୯୩ ହଜାର ପାକ୍ ସୈନିକ ଭାରତ ନିକଟରେ ଆତ୍ମସମର୍ପଣ କରିବା କଥା ଭୁଲି ବାଜଓ୍ବା କହିଛନ୍ତି ତାଙ୍କର ସୈନିକ ଶେଷ ଗୁଳି ପର୍ଯ୍ୟନ୍ତ କଶ୍ମୀର ପାଇଁ ଲଢିବେ। ସାରା ବିଶ୍ବରେ ଆତଙ୍କାବାଦୀଙ୍କ ଫ୍ୟାକ୍ଟ୍ରି ଭାବରେ ପରିଚିତ ଥିବା ପାକିସ୍ତାନ ନିଜକୁ ଆତଙ୍କବାଦ ପୀଡିତ ବୋଲି କହୁଛି। ବାଜଓ୍ବା କହିଛନ୍ତି, ଆତଙ୍କବାଦ ବିରୋଧ ଯୁଦ୍ଧରେ ପାକିସ୍ତାନ ନିଜର ଦାୟିତ୍ବ ପୂରଣ କରିଛି। ଏବେ ବିଶ୍ବ ସମୁଦାୟ ଆତଙ୍କବାଦ ବିରୋଧରେ ନିଜର ଦାୟିତ୍ବ ବହନ କରୁ। ଆମର ଶେଷ ଲକ୍ଷ୍ୟ ଶାନିପୂର୍ଣ୍ଣ ଓ ମଜବୁତ ପାକିସ୍ତାନ ନିର୍ମାଣ କରିବା।

କେବଳ ସେତିକି ନୁହେଁ ପାକିସ୍ତାନ ସେନା ମୁଖ୍ୟ ଆହୁରି କହିଛନ୍ତି, ଆତଙ୍କବାଦ ବିରୋଧରେ ଆମସର ସେନା ପ୍ରାଚୀର ଭଳି ଠିଆ ରହିଛି। ଆମେ ଶତ୍ରୁପକ୍ଷର ଯେ କୌଣସି ଯୋଜନାକୁ ବିଫଳ କରିପାରିବୁ। ଆମର ସୈନିକ ସୁନ୍ଦର ଭବିଷ୍ୟତ ପାଇଁ ଆଜି କୌଣସି ପ୍ରକାର ବଳିଦାନ ଦେବାକୁ ପ୍ରସ୍ତୁତ।

   ସମ୍ବନ୍ଧିତ ଖବର


ଖଇନି ଖାଇବାର ନିଶା: ଅଧାବାଟରେ ଟ୍ରେନର ଚେନ୍ ଟାଣି କିଣିବାକୁ ଗଲେ ଯାତ୍ରୀ, ଧରାପଡିବା ପରେ…

ରାଷ୍ଟ୍ରୀୟ ଏକତା ଦିବସ: ଲୌହ ପୁରୁଷଙ୍କୁ ଶ୍ରଦ୍ଧାଞ୍ଜଳି ଦେବା ସହ ପରେଡରେ ସାମିଲ ହେଲେ ପ୍ରଧାନମନ୍ତ୍ରୀ ମୋଦି

ଲଦାଖ୍‌ରେ ଯବାନଙ୍କୁ ସାଲ୍ୟୁଟ୍‌ କରିଥିବା ଶିଶୁକୁ ୨.୫ଲକ୍ଷ ଦେଲା ବିଜେପି ସାଂସଦ

ବିହାର ନିର୍ବାଚନ: ଦ୍ବିତୀୟ ପର୍ଯ୍ୟାୟରେ ବହୁ ମହାରଥୀ ଦେବେ ଅଗ୍ନି ପରୀକ୍ଷା, ଉତ୍ତର ବିହାର ଉପରେ ସମସଙ୍କ ନଜର

ତୁର୍କୀରେ ସୁନାମି, ଇଜ୍‌ମିର୍‌ ସହର ଭିତରେ ପଶିଲା ପାଣି

ଫ୍ରାନ୍ସରେ ଅବସ୍ଥାପିତ ପାକିସ୍ତାନ ରାଷ୍ଟ୍ରଦୂତଙ୍କ ଅପସାରଣ ନିଷ‌୍ପତ୍ତିରେ ମୋହର ମାରିଲା ପାକ୍‌ ପାର୍ଲିଆମେଣ୍ଟ, ହେଲେ ୩ ମାସ ହେଲାଣି ନାହାନ୍ତି ରାଷ୍ଟ‌୍ରଦୂତ