ଅନ୍ତର୍ଜାତୀୟ ଅଦାଲତରେ କଶ୍ମୀର ମାମଲା ଉଠାଇବ ପାକିସ୍ତାନ

ନୁଆଦିଲ୍ଲୀ ୨୦/୮: ପାକିସ୍ତାନୀ ମିଡିଆରେ ମଙ୍ଗଳବାର ସନ୍ଧ୍ଯାରେ କୁହାଯାଇଛି ଯେ ପାକିସ୍ତାନ ସରକାର କଶ୍ମୀର ମାମଲାରେ ଅନ୍ତର୍ଜାତୀୟ ଅଦାଲତ(ଇଣ୍ଟରନ୍ୟାସନାଲ୍ କୋର୍ଟ ଅଫ ଜଷ୍ଟିସ)ରେ ଆବେଦନ କରିବା ପାଇଁ ପ୍ରସ୍ତୁତ ହେଉଛନ୍ତି । ପାକିସ୍ତାନର ବୈଦେଶିକ ବ୍ୟାପାର ମନ୍ତ୍ରୀ ଶାହ ମେହମ୍ମୁଦ ଖୁରେସୀ  ଏକ ଟିଭି ଚ୍ୟାନେଲକୁ ସାକ୍ଷାତକାର ସମୟରେ ଏ ବିଷୟରେ ସୂଚନା ଦେଇଛନ୍ତି । ଏହା ପୂର୍ବରୁ ପାକିସ୍ତାନ ଏହି ମାମଲା ୟୁଏନଏସସିରେ ମଧ୍ଯ ଉଠାଇଥିଲା ମାତ୍ର ସେଠାରେ ତାକୁ ନିରାଶ ହେବାକୁ ପଡିଥିଲା ।

କେନ୍ଦ୍ର ସରକାର ୫ ଅଗଷ୍ଟରେ ଜମ୍ମୁ କଶ୍ମୀରରୁ ଧରା ୩୭୦ ହଟାଇଦେବାପରଠୁ ଚିନ୍ତାରେ ପଡିଛି ପାକିସ୍ତାନ । ଏହି ମାମଲାରେ ପାକିସ୍ତାନ ୟୁଏନଏସସିରେ ମଧ୍ଯ ଉଠାଇଥିଲା କିନ୍ତୁ ଚୀନ ବ୍ଯତୀତ ଅନ୍ଯ କୌଣସି ଦେଶ ତାକୁ ସମର୍ଥନ କଲେନି । ସେଥିପାଇଁ ଏବେ ସେ ଆନ୍ତର୍ଜାତୀୟ ଅଦାଲତ ଯିବାପାଇଁ ମନ ବଳାଇଛି । ମାତ୍ର କିଛି ଦିନ ତଳେ ଆନ୍ତର୍ଜାତୀୟ ଅଦାଲତରେ କୁଳଭୂଷଣଙ୍କ ମାମଲାରେ ଭାରତଠୁ ପରାସ୍ତ ହୋଇଥିଲା ପାକିସ୍ତାନ ।

ଅଧିକ ପଢନ୍ତୁ ଆଇସିଜେରେ ଭାରତର ବଡ ବିଜୟ, କୁଳଭୂଷଣଙ୍କ ଫାଶୀ ଉପରେ ଲାଗିଲା ରୋକ୍

ନିକଟରେ କଶ୍ମୀର ମାମଲାରେ ସୁରକ୍ଷା ପରିଷଦରେ ହୋଇଥିବା ଗୁପ୍ତ ବୈଠକ ବିନା କୌଣସି ଫଳାଫଳରେ ସମାପ୍ତ ହୋଇଯାଇଥିଲା । UNSC ବୈଠକରେ ପାକିସ୍ତାନ ଓ ତାର ସହଯୋଗୀ ଚୀନ ଦ୍ୱାରା ଏହି ମାମଲାର ଆନ୍ତର୍ଜାତୀୟକରଣ କରିବାର ଚେଷ୍ଟା ବିଫଳ ହୋଇଥିଲା ।

ଅଧିକ ପଢନ୍ତୁ କଶ୍ମୀର ମାମଲାକୁ ନେଇ UNSC ବୈଠକ ଶେଷ, ଚୀନକୁ ଛାଡି ବାକି ସମସ୍ତେ ଭାରତକୁ କଲେ ସମର୍ଥନ

ଏହି ବୈଠକରେ ସାମିଲ ୧୫ ସଦସ୍ଯ ସୁରକ୍ଷା ପରିଷଦରେ ସଫା ସଫା କହିଥିଲେ ଯେ କଶ୍ମୀର ପ୍ରସଙ୍ଗ ଭାରତ ଓ ପାକିସ୍ତାନର ଦ୍ୱିପାକ୍ଷିକ ମାମଲା । ଅଧିକାଂଶ ସଦସ୍ଯ କହିଥିଲେ ଯେ ବୈଠକ ପରେ କୌଣସି ଫଳାଫଳ ଜାରି କରାନଯିବା ଉଚିତ୍ । ଚୀନ ନିଜ ଜାତୀୟ କ୍ଷମତା ଆଧାରରେ ବୟାନ ଦେଇଥିଲା । ତେବେ ଏହା ପରେ ଭାରତ କହିଥିଲା ଯେ କଶ୍ମୀର ଆମ ଦେଶର ଆଭ୍ଯନ୍ତରୀଣ ମାମଲା । ଋଷ୍ ମଧ୍ଯ ଏହି ବୈଠକରେ ଭାରତକୁ ସମର୍ଥନ କରିଥିଲା ।

   ସମ୍ବନ୍ଧିତ ଖବର


ଜିନ୍‌ଗତ ତ୍ରୁଟି ଥିଲେ କରୋନା ମୁକାବିଲା ମୁସ୍କିଲ ହେବ-ଗବେଷଣା

କରୋନା ଭୂତାଣୁ ବିରୋଧରେ ଅତି ପ୍ରଭାବୀ ଆଣ୍ଟିବଡି ଠାବ କଲେ ଜର୍ମାନ୍‌ ବୈଜ୍ଞାନିକ

ଏବେ ଆଉ ପୁରୁଣା ମିଠା ବିକି ପାରିବେ ନାହିଁ ଦୋକାନୀ !୧ଅକ୍ଟୋବରରୁ ଗ୍ରାହକଙ୍କୁ ଏହି କଥା ଜଣାଇବେ ବ୍ୟବସାୟୀ

ବିହାରର ପୂର୍ବତନ ଡିଜିପି ଗୁପ୍ତେଶ୍ବର ପାଣ୍ଡେଙ୍କ ରାଜନୈତିକ କ୍ୟାରିୟର ଆରମ୍ଭ, ଜେଡିୟୁର ହାତ ଧରିଲେ

ଚଳନ୍ତା ବସ୍‌ରେ ଗଣଦୁଷ୍କର୍ମ…ଡ୍ରାଇଭର ଓ କଣ୍ଡକ୍ଟର ରାତି ସାରା କଲେ ଏମିତି କାଣ୍ଡ

କରୋନା ରୋଗୀ କେବଳ ଗୋଟିଏ ଡୋଜ୍‌ ଦିଆଯିବା ଦ୍ୱାରା ସୁସ୍ଥ! ଆଶା ବଢ଼ାଇଲା ଜନ୍‌ସନ୍‌ ଟିକା