PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ନୋଟିସ, ଘୁଞ୍ଚିଲା +୨ ପରୀକ୍ଷା
  • ||
  • ମହାରାଷ୍ଟ୍ରରେ ମର୍ମନ୍ତୁଦ ଦୁର୍ଘଟଣା: କାଠ ବୋଝେଇ ଟ୍ରକକୁ ଧକ୍କା ଦେବାପରେ ଡିଜେଲ ଟ୍ୟାଙ୍କରରେ ଲାଗିଲା ନିଆଁ, ୯ ଜଣ ଜୀବନ୍ତ ଦଗ୍ଧ
  • ||
  • ସରେଣ୍ଡର୍ କଲେ କଂଗ୍ରେସ ନେତା ନବଜୋତ ସିଂହ ସିଦ୍ଧୁ, ୩୪ ବର୍ଷ ପୂର୍ବ ରୋଡ୍‌ ରେଜ୍‌ ମାମଲାରେ ହୋଇଛି ବର୍ଷେ ସଶ୍ରମ କାରାଦଣ୍ଡ
  • ||
  • ଭୁବନେଶ୍ଵର : ରାସନ ସାମଗ୍ରୀ ବଣ୍ଟନରେ ଅନିୟମିତତା ଅଭିଯୋଗ, ସ୍ଥିତି ସମୀକ୍ଷା କଲେ ବିଏମ୍ସି ମେୟର ସୁଲୋଚନା ଦାସ
  • ||
  • ଭୁବନେଶ୍ଵର : ରାଜଧାନୀରେ ଚାଞ୍ଚଲ୍ୟ, ଜଗନ୍ନାଥ ନଗରରେ ବୋମା ମାଡ଼
  • ||
  • ନୂଆଦିଲ୍ଲୀ : ୨୭ ମାସ ପରେ ଜେଲ୍‌ରୁ ମୁକୁଳିଲେ ଆଜମ ଖାନ, ସ୍ଵାଗତ କଲେ ଶିବପାଳ ଯାଦବ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୦ ପଜିଟିଭ୍ ଚିହ୍ନଟ
  • ||
  • ସିବିଆଇ ପଞ୍ଝାରେ ପୁଣି ଲାଲୁ ପ୍ରସାଦ : ରେଲୱେ ନିଯୁକ୍ତିରେ ଦୁର୍ନୀତି ଅଭିଯୋଗ, ୧୭ଟି ଠିକଣାରେ ଚାଲିଛି ରେଡ୍
  • ||

ଶାରାଦା ପୀଠ କରିଡରକୁ ପାକିସ୍ତାନର ମଞ୍ଜୁରୀ, ପିଓକେରେ ୫୦୦୦ ବର୍ଷ ପୁରୁଣା ମନ୍ଦିର ଦେଖିପାରିବେ ଶ୍ରଦ୍ଧାଳୁ

ନୂଆଦିଲ୍ଲୀ,୨୫।୩ : ଶିଖଙ୍କ ଧର୍ମପୀଠ କରତାରପୁର କରିଡର ପରେ ହିନ୍ଦୁଙ୍କର ପ୍ରବିତ୍ର ଧର୍ମସ୍ଥଳ ଶାରଦା ପୀଠ କରିଡର ଖୋଲିବାକୁ ପାକିସ୍ତାନ ଆଜି ମଞ୍ଜୁରୀ ପ୍ରଦାନ କରିଛି। ଶାରଦା ପୀଠ ମନ୍ଦିର ପାକ ଅଧିକୃତ କାଶ୍ମୀର (ପିଓକେ)ରେ ରହିଛି। ଏହା କାଶ୍ମୀରର କୁପୱାଡ଼ାଠାରୁ ପାଖାପାଖି ୨୨ କିଲୋମିଟର ଦୂରରେ ରହିଛି। ପାକ୍  ଗଣମାଧ୍ୟମର ରିପୋର୍ଟ ଅନୁସାରେ ଏନେଇ ଖୁବଶୀଘ୍ର ଘୋଷଣା କରାଯିବ। ଶାରଦା ପୀଠ ହେଉଛି ହିନ୍ଦୁଙ୍କ ୫ହଜାର ବର୍ଷ ପୁରୁଣା ଧର୍ମସ୍ଥଳ। ଏହାକୁ   ମହାରାଜା ଅଶୋକ ଖ୍ରୀଷ୍ଟପୂର୍ବ ୨୩୭ରେ ସ୍ଥାପନ କରିଥିଲେ।

source: https://www.deccanchronicle.com

କାଶ୍ମୀର ହିନ୍ଦୁ ସମ୍ପ୍ରଦାୟ ଦୀର୍ଘ ସମୟ ଏହି କରିଡରକୁ ନିର୍ମାଣ କରିବାପାଇଁ ଦାବି କରୁଥିଲେ। କେବଳ ସେତିକି ନୁହେଁ ଜାମ୍ମୁ କାଶ୍ମୀରର ପ୍ରମୁଖ ରାଜନୈତିକ ଦଳ ପିଡ଼ିପି ମଧ୍ୟ କାଶ୍ମୀର ପଣ୍ଡିତଙ୍କ ଦାବିକୁ ସମର୍ଥନ ଜଣାଇଥିଲା। ନିୟନ୍ତ୍ରଣ ରେଖା ଠାରୁ ଏହି ପୀଠର ଦୂରତ୍ବ ମାତ୍ର ୧୦ କିଲୋମିଟର।କରତାରପୁର କରିଡ଼ର ପାଇଁ ଭିତ୍ତପ୍ରସ୍ତର ସ୍ଥାପନ ଅବସରରେ ଅନ୍ୟ ପ୍ରସ୍ତାବ ଉପରେ ବିଚାର କରାଯିବ ବୋଲି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ କହିବା ପରେ ଏନେଇ ଆଶା ସୃଷ୍ଟି ହୋଇଥିଲା।

source: https://indianexpress.com

ଶାରଦା ମନ୍ଦିର ମୁଜାଫରାବାଦଠାରୁ ୧୬୦ କିଲୋମିଟର ଦୂର ନିୟନ୍ତ୍ରଣ ରେଖା ନିକଟରେ ଥିବା ଶାରଦା ଗ୍ରାମରେ ଅବସ୍ଥିତ। ଏହି ଗ୍ରାମ ନିକଟରେ ନୀଲମ, ମଧୁମତୀ ଏବଂ ସରଗୁନ ନଦୀର ମିଳନ ସ୍ଥଳୀ ରହିଛି। ଶାରଦା ମନ୍ଦିର ପରିଦର୍ଶନରେ ଯିବା ପାଇଁ କାଶ୍ମୀର ପଣ୍ଡିତମାନେ ଏକ ଶାରଦା କମିଟି ଗଠନ କରିଛନ୍ତି। ଏହି କମିଟି ଶାରଦା ମନ୍ଦିର ଯାତ୍ରା ପାଇଁ ଅନୁମତି ଆଣିବାକୁ ପ୍ରୟାସ ଚଳାଇଛି। କମିଟି ପାକିସ୍ତାନ ଏବଂ ଭାରତ ସରକାରଙ୍କୁ ପତ୍ର ଲେଖି ଏ ବିଷୟରେ ଅବଗତ କରାଇଛି। କାଶ୍ମୀର ପଣ୍ଡିତମାନେ କହିଛନ୍ତି ଯେ ଶାରଦା ହେଉଛନ୍ତି ତାଙ୍କ ଅରାଧ୍ୟ ଠାକୁରାଣୀ। ମନ୍ଦିରକୁ ଯିବା ପାଇଁ ୩ରୁ ୪ଟି ପାରମ୍ପରିକ ରାସ୍ତା ଅଛି। ପରିମିଟ୍‍କୁ ଶାରଦା ମନ୍ଦିର ଦର୍ଶନ ପର୍ଯ୍ୟନ୍ତ ବଢାଇବାକୁ ଦାବି ଉପସ୍ଥାପନ କରାଯାଇଛି।

source: https://www.newsnation.in

ଶ୍ରୀନଗରଠାରୁ ପାଖାପାଖି ୧୩୦ କିଲୋମିଟର ଦୂରରେ ଅବସ୍ଥିତ ଶାରଦା ପୀଠ ହେଉଛି ପ୍ରସିଦ୍ଧ ୧୮ଟି ଶକ୍ତି ପୀଠରୁ ମଧ୍ୟରୁ ଅନ୍ୟତମ। ହିନ୍ଦୁ ଲୋକକଥା ଅନୁସାରେ ଏଠାରେ ଦେବୀ ସତୀଙ୍କ ଡାହାଣ ହାତ ପଡ଼ିଥିଲା। ଋଷି କାଶ୍ୟପଙ୍କ ନାମ ଅନୁସାରେ ଏହି ମନ୍ଦିର କାଶ୍ୟପୁର ନାମରେ ମଧ୍ୟ ଚିହ୍ନିତ ହୋଇଥାଏ। ଶାରଦା ପୀଠରେ ଦେବୀ ସରସ୍ୱତୀଙ୍କ ପୂଜାର୍ଚ୍ଚନା କରାଯାଇଥାଏ। ବୈଦିକ କାଳରେ ଏହା ଏକ ଶିକ୍ଷା କେନ୍ଦ୍ର ଭାବେ ଜଣାଶୁଣା ଥିଲା। ମାନ୍ୟତା ଅନୁସାରେ ଏଠାରେ ଋଷି ପାଣିନୀ ଅଷ୍ଟାଧ୍ୟାୟୀ ରଚନା କରିଥିଲେ। ଶଙ୍କରାଚାର୍ଯ୍ୟ ଏଠାରେ ସର୍ବଜ୍ଞପୀଠମରେ ବସିଥିବା ବେଳେ ରାମାନୁଜାଚାର୍ଯ୍ୟ ଏଠାରେ ବ୍ରହ୍ମା ସୁତ୍ରରେ ନିଜର ସମୀକ୍ଷା ଲେଖିଥିଲେ।

ସମ୍ବନ୍ଧିତ ଖବର