ଏଲଓସିକୁ ୨୦୦୦ ସୈନ୍ୟ ପଠାଇଲା ପାକ୍‌, ଭାରତୀୟ ପୋଷ୍ଟ ଠାରୁ ୩୦ କିମି ଦୂରରେ ଅଛନ୍ତି

ନୂଆଦିଲ୍ଲୀ,୫ ।୯(ଏଜେନ୍ସି): ଜମ୍ମୁ-କାଶ୍ମୀରରୁ ଧାରା ୩୭୦ ପ୍ରତ୍ୟାହାର କରାଯିବାକୁ ନେଇ କ୍ଷୁବ୍ଧ ପାକ୍‌ ସେନା ସୀମାରେ କିଛି ବଡ଼ଧରଣର ହରକତ କରିବାକୁ ଯୋଜନା କରୁଛି । ପାକ୍‌ ସେନା ଏବେ ଏଲଓସି ନିକଟକୁ ନିଜର ଏକ ବ୍ରିଗେଡକୁ ପଠାଯାଇଛି । ଏହି ବ୍ରିଗେଡରେ ପ୍ରାୟ ୨୦୦୦ ସୈନିକ ଅଛନ୍ତି ।

ଭାରତୀୟ ସେନା ସୂତ୍ରରୁ ମିଳିଥିବା ସୂଚନା ଅନୁଯାୟୀ, ପାକିସ୍ତାନ ଏହି ବ୍ରିଗେଡକୁ ଭାରତର ପୁଞ୍ଚ ଜିଲା ସଂଲଗ୍ନ ସୀମାର ବିପରୀତ ପାଶ୍ୱର୍ରେ ଥିବା ବାଗ୍‌ ଏବଂ କୋଟଲିରେ ମୁତୟନ କରିଛି । ଏହି ବ୍ରିଗେଡର ସୈନିକମାନେ ଭାରତୀୟ ସେନାର ପୋଷ୍ଟ ଠାରୁ ୩୦ କିମି ଦୂରରେ ଅଛନ୍ତି । ଏପର୍ଯ୍ୟନ୍ତ ସେମାନଙ୍କ ଗତିବିଧିରୁ ସେମାନେ ଆକ୍ରମଣ ପାଇଁ ପ୍ରସ୍ତୁତ ହେଉଥିବାର ମନେ ହେଉନାହିଁ । ତେବେ ସେମାନଙ୍କ ଉପରେ ଭାରତୀୟ ସେନା ତୀକ୍ଷ୍ଣ ନଜର ରଖିଛି ।

ଭାରତୀୟ ସେନା ଦାବି କରିଛି ଯେ ପାକ୍‌ ସେନା ଏହି ବ୍ରିଗେଡକୁ ବ୍ୟବହାର କରି ଭାରତ ଭିତରକୁ ଜୈସ, ଲସ୍କର ଓ ଆଫଗାନ ଆତଙ୍କବାଦୀମାନଙ୍କୁ ପ୍ରେରଣ କରିବା ପାଇଁ ଉଦ୍ୟମ କରିପାରେ । ତେଣୁ ଏଲଓସିରେ ଭାରତୀୟ ସେନା ପୋଷ୍ଟଗୁଡିକୁ ସତର୍କ ରହିବାକୁ ପରାମର୍ଶ ଦିଆଯାଇଛି । ଭାରତୀୟ ଗୁଇନ୍ଦା ସଂସ୍ଥାଙ୍କୁ ମଧ୍ୟ ସୂଚନା ମିଳିଛି କି ପାକ୍‌ ସେନା ଏବଂ ଆଇଏସଆଇ ଜମ୍ମୁ-କାଶ୍ମୀରର ଏକ ପ୍ରମୁଖ ଧାର୍ମିକ ସ୍ଥଳୀ ଉପରେ ଆକ୍ରମଣ କରିବା ପାଇଁ ଆତଙ୍କବାଦୀ ସଂଗଠନଗୁଡିକୁ ନିର୍ଦ୍ଦେଶ ଦେଇଛନ୍ତି । ଏପରି କରି ସିଏ କାଶ୍ମୀରରେ ସାମ୍ପ୍ରଦାୟିକ ସଦ୍‌ଭାବ ବିଗାଡିବାକୁ ଉଦ୍ୟମ କରୁଛି ।

   ସମ୍ବନ୍ଧିତ ଖବର


୧ ବର୍ଷର ଆଲୋଚନା ପରେ ଡିଲ୍‌ ଫାଇନାଲ, ମୁକେଶ ଅମ୍ବାନୀଙ୍କୁ ମିଳିବ ୧ ଆରବ ଡଲାରର ଚେକ୍‌

ହ୍ୱାଟସ୍‌ଆପ୍‌ରେ ଗହଣା ପିନ୍ଧି ଡିପି ରଖିଥିଲା ମାଆ- ଧରା ହେଲା ଡକାୟତ ପୁଅ

ଭାରତୀୟ ନୌସେନାର ଶକ୍ତିଶାଳୀ ମିଶାଇଲ, ଗଭୀର ସମୁଦ୍ରରେ ବି ଶତ୍ରୁର ଜାହାଜକୁ ଲକ୍ଷ୍ୟଭେଦ କରି ଓଲଟାଇଦେବ…

ପ୍ରଧାନମନ୍ତ୍ରୀ ମୋଦି ଶୁଭାରମ୍ଭ କଲେ ଭାରତର ପ୍ରଥମ ସି-ପ୍ଲେନ୍ ସେବା, ଜାଣନ୍ତୁ ଏହାର ବିଶେଷ୍ବତ

ବିଶେଷଜ୍ଞ ମତ: ପଶୁପକ୍ଷୀଙ୍କ ଦେହରେ ରହିଛି ୮,୫୦,୦୦୦ ମାରାତ୍ମକ ଭାଇରସ, ଏଗୁଡିକ ମଣିଷ ଦେହରେ ପ୍ରବେଶ କରିପାରନ୍ତି

ଅଦଭୁତ ମଣିଷ; ପାଖରେ ଗୁଟ୍‌ଖା ନଥିବାରୁ ଚେନ୍‌ ଟାଣି ଟ୍ରେନ୍ ଆଟକାଇଦେଲା ଯାତ୍ରୀ, ଆରପିଏଫ କାଟିଲା ଚାଲାଣ…