ଇସଲାମାବାଦ,୧୭।୧୨: ପାକିସ୍ତାନର ପେଶାଓ୍ବର ହାଇକୋର୍ଟ ପୂର୍ବତନ ଏକଛତ୍ରବାଦୀ ଶାସକ ଓ ରାଷ୍ଟ୍ରପତି ପରଭେଜ୍ ମୁଶରଫଙ୍କୁ ଦେଶଦ୍ରୋହ ମାମଲାରେ ଦେଇଛନ୍ତି ବଡ଼ ସଜା। କୋର୍ଟ ତାଙ୍କର ରାୟରେ ମୁଶରଫଙ୍କୁ ଫାଶୀ ଦଣ୍ଡାଦେଶ ପ୍ରଦାନ କରିଛନ୍ତି। ପାକିସ୍ତାନର ୩ ଜଣିଆ ବିଚାରପତିଙ୍କ ଖଣ୍ଡପୀଠ ମୁଶରଫଙ୍କୁ ଏହି ଦଣ୍ଡାଦେଶ ଦେଇଛନ୍ତି।
wp:gallery {"ids":[70096]} /wp:galleryପାକିସ୍ତାନର ଇତିହାସରେ ପ୍ରଥମ ଥର ପେଶାଓ୍ବର ହାଇକୋର୍ଟ ଏହି ରାୟ ଦେଇଛନ୍ତି। ମୁଖ୍ୟ ବିଚାରପତି ବକାର ଅହମ୍ମଦ ସେଠଙ୍କ ଅଧ୍ୟକ୍ଷତାରେ ୩ ଜଣିଆ ବିଚାରପତିଙ୍କ ଏହି ଖଣ୍ଡପୀଠ ମଙ୍ଗଳବାର ମୁଶରଫଙ୍କୁ ଫାଶୀ ଦଣ୍ଡ ଦିଆଯିବା ନେଇ ରାୟ ଦେଇଛନ୍ତି। ମୁଶରଫ ଏବେ ଦୁବାଇରେ ଅଛନ୍ତି। ୩ ନଭେମ୍ବର ୨୦୦୭ରେ ଜରୁରୀକାଳୀନ ସ୍ଥିତି ପାଇଁ ମୁଶରଫଙ୍କ ଉପରେ ଡିସେମ୍ବର ୨୦୧୩ରେ ମାମଲା ରୁଜୁ କରାଯାଇଥିଲା। ମୁଶରଫଙ୍କୁ ୩୧ ମାର୍ଚ୍ଚ ୨୦୧୪ରେ ଦୋଷୀ ସାବ୍ୟସ୍ତ କରାଯାଇଥିଲା।
wp:html/wp:htmlA special court hands death penalty to former Pakistani military dictator Pervez Musharraf in high treason case: Pakistan Media (file pic) pic.twitter.com/8V3j7uAyZI
— ANI (@ANI) December 17, 2019
ମୁଶରଫଙ୍କୁ ଦେଶଦ୍ରୋହ ଓ ଦେଶ ବିରୋଧରେ ଷଡଯନ୍ତ୍ର କରିବା ଅଭିଯୋଗରେ ଏହି ଦଣ୍ଡାଦେଶ ମିଳିଛି। ସେ ରାଷ୍ଟ୍ରପତି ଥିବାବେଳେ ଦେଶରେ ଜରୁରୀ ପରିସ୍ଥିତି ଜାରି କରିବା ସହ ବିଚାରପତିମାନଙ୍କୁ ଗୃହବନ୍ଦୀ କରିଥିଲେ । ୨୦୦୭ ନଭେମ୍ବର ୩ରେ ମୁଶରଫଙ୍କ ବିରୋଧରେ ମାମଲା ରୁଜୁ ହୋଇଥିଲା । ସେ ୨୦୦୧ରୁ ୨୦୦୮ ପର୍ଯ୍ୟନ୍ତ ପାକିସ୍ତାନର ରାଷ୍ଟ୍ରପତି ଥିଲେ । ମୁଶରଫଙ୍କ ବିରୋଧରେ ନଓ୍ବାଜ ଶରିଫ୍ ସରକାର ମାମଲା ରୁଜୁ କରିଥିଲେ।