PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

ଦାରିଦ୍ର‌୍ୟ ନୁହେଁ ଦରିଦ୍ରଙ୍କୁ ହଟାଉଛି ପାକ୍‌

source:www.youtube.com

ଇସ୍‌ଲାମାବାଦ/କରାଚି,୫ା୪(ଏଜେନ୍ସି): ପାକିସ୍ତାନ ଅର୍ଥନୀତି ଏବେ ତଳିତଳାନ୍ତ । ଖାଦ୍ୟ ପଦାର୍ଥ, ଇନ୍ଧନ, ଅତ୍ୟାବଶ୍ୟକ ସାମଗ୍ରୀ ସବୁକିଛି ଏଠି ମହଙ୍ଗା । ଦାରିଦ୍ର ହଟାଇବାର ପ୍ରତିଶ୍ରୁତି ଦେଇଥିବା ଇମ୍ରାନ ଖାନ ସରକାର ଦରିଦ୍ରମାନଙ୍କୁ ହଟାଇ ଦେଉଛନ୍ତି । ଏଠାରେ ଖାଇପିଇ ବଞ୍ଚିବା ଦରିଦ୍ରଙ୍କ ପାଇଁ ଅସମ୍ଭବ ପାଲଟିଲାଣି । ଏଭଳି କ୍ଷେତ୍ରରେ ଇମ୍ରାନ ଖାନ୍‌କୁ ଭୋଟ ଦେଇ ପଶ୍ଚାତାପ କରୁଛନ୍ତି ଦେଶବାସୀ ।

ଦେଶରେ ପେଟ୍ରୋଲ ଦର ଆକାଶ ଛୁଇଁଛି । ଗାଡ଼ିରେ ଇନ୍ଧନ ପକାଇବା ଅଧିକାଂଶଙ୍କ ପାଇଁ ସମ୍ଭବ ହେଉନାହିଁ । ଟ୍ୟାକ୍ସି ଚାଳକମାନଙ୍କ ଆୟ ଅଧା ହୋଇଯାଇଛି । ୫ ବର୍ଷ ମଧ୍ୟରେ ସର୍ବୋଚ୍ଚ ସ୍ତରରେ ପହଞ୍ଚିଯାଇଛି ମୁଦ୍ରାସ୍ଫୀତି । ଏଭଳି ସ୍ଥିତିରେ ଇମ୍ରାନ୍‌ ଖାନ୍‌ଙ୍କୁ ଭୋଟ ଦେଇ ଜିତାଇଥିବା ଶହ ଶହ ପାକିସ୍ତାନବାସୀ ଏବେ ଆଚମ୍ବିତ । ସରକାରଙ୍କ ଉପରେ ଏମାନଙ୍କ ଆସ୍ଥା ଏକ୍‌ଦମ୍‌ ତୁଟିଯାଇଛି । ସେମାନେ ଜାଣି ସାରିଲେଣି ଅର୍ଥନୀତି ସମୁଦ୍ର ମୁହଁରେ ଛିଡା ହୋଇଛି । କେତେବେଳେ ଜୁଆରରେ ଭାସିଯିବ କହିହେବ ନାହିଁ । ନିର୍ବାଚନୀ ପ୍ରତିଶ୍ରୁତି ଭାବେ ଇମ୍ରାନ ଦାରିଦ୍ର‌୍ୟ ଦୂରୀକରଣ, ନିଯୁକ୍ତି ସୃଷ୍ଟି ଏବଂ ଏକ ଇସ୍‌ଲାମିକ୍‌ କଲ୍ୟାଣ ରାଷ୍ଟ୍ରର ପ୍ରତିଷ୍ଠା ଉପରେ ଜୋର ଦେଇଥିଲେ । କିନ୍ତୁ ତାଙ୍କର ସବୁ ପ୍ରତିଶ୍ରୁତି ଫସର ଫାଟିଛି । ଅର୍ଥନୀତିର ଅବସ୍ଥା ଭୟଙ୍କର ହୋଇଯାଇଛି ।

ପାକିସ୍ତାନର ଏକ ଟାକ୍ସି ଚାଳକ ୟଶିର ସୁଲ୍‌ତାନ କହିଛନ୍ତି ଯେ, ଇମ୍ରାନ୍‌ ଖାନ ଦାରିଦ୍ର ଦୂର କରିବାର ବଡ଼ ପ୍ରତିଶ୍ରୁତି ଦେଇଥିଲେ । ଦାରିଦ୍ର‌୍ୟ ଦୂର କରିବା ବଦଳରେ ସେ ଏବେ ଦରିଦ୍ରମାନଙ୍କୁ ହଟାଉଛନ୍ତି । ସେ ଆହୁରି କହିଛନ୍ତି ଯେ, ବେଳେ ବେଳେ ମନ ହେଉଛି ନିଜ ଟ୍ୟାକ୍ସିକୁ ଜଳାଇ ଦେବା ପାଇଁ । ଦେଶର ଚଳନ୍ତି ଖାତା ନିଅଣ୍ଟ ରେକର୍ଡ ସ୍ତରରେ ପହଞ୍ଚିଯାଇଛି । ଏହା ବର୍ତ୍ତମାନ ଅନ୍ତର୍ଜାତୀୟ ମୁଦ୍ରାପାଣ୍ଠି(ଆଇଏମ୍‌ଏଫ୍‌)ଠାରୁ ୧୩ ତମ ଆର୍ଥିକ ପ୍ୟାକେଜ୍‌ ଅପେକ୍ଷାରେ ରହିଛି । ବର୍ତ୍ତମାନ ସରକାର କ’ଣ କରିବେ ତାହା ଚିନ୍ତା କରିପାରୁନାହାନ୍ତି । କଡା ନୀତି ନିର୍ଦ୍ଧାରଣ କରି ଅର୍ଥନୀତିକୁ ସମ୍ଭାଳିବେ ନା ବାଲାନ୍ସ ଅଫ୍‌ ପେମେଣ୍ଟ ସଙ୍କଟକୁ ସାମ୍ନା କରିବେ ତାହା ସରକାର ଜାଣିପାରୁ ନାହାନ୍ତି । ବାଲାନ୍ସ ଅଫ୍‌ ପେମେଣ୍ଟ ସଙ୍କଟରେ ଅର୍ଥନୀତି ଏକ୍‌ଦମ୍‌ ବୁଡିଯିବ ।

ପାକିସ୍ତାନର ବୈଦେଶିକ ମୁଦ୍ରା ଭଣ୍ଡାରରେ ମାତ୍ର ୮୫୦ କୋଟି ଡଲାର ରହିଛି, ଯାହାକି ମାତ୍ର ୨ ମାସର ଆମଦାନି କରିପାରିବ । ମାର୍ଚ୍ଚରେ ମୁଦ୍ରାସ୍ଫୀତି ୯.୪%କୁ ବୃଦ୍ଧି ପାଇଛି, ଯାହାକି ୨୦୧୩ ନଭେମ୍ବରରୁ ସର୍ବୋଚ୍ଚ । ଜୁନ୍‌ରେ ଶେଷ ହେବାକୁ ଥିବା ୧୨ ମାସରେ ଦେଶର ଅଭିବୃଦ୍ଧି ୩.୫ରୁ ୪% ରହିବ ବୋଲି ପାକିସ୍ତାନର କେନ୍ଦ୍ରୀୟ ବ୍ୟାଙ୍କ ଆକଳନ କରିଛି । ସାରା ସଲ୍‌ମାନ ନାମରେ ଜଣେ ମହିଳା କହିଛନ୍ତି ଯେ, ଇମ୍ରାନଙ୍କ ଉପରେ ଭରସା କରି ମୁଁ ପାକିସ୍ତାନ ତେହେରିକ୍‌-ଏ-ଇନ୍‌ସାଫ୍‌(ପିଟିଆଇ)କୁ ଭୋଟ୍‌ ଦେଇଥିଲି । ବର୍ତ୍ତମାନ କିନ୍ତୁ ପଶ୍ଚାତାପ କରୁଛି । ପାକିସ୍ତାନର ମୁଦ୍ରା ମଧ୍ୟ ଦିନକୁ ଦିନ ଦୁର୍ବଳ ହେବାରେ ଲାଗିଛି । ସୋମବାର ଏଠାରେ ଲିଟର ପିଛା ପେଟ୍ରୋଲ ମୂଲ୍ୟରେ ୬ ଟଙ୍କା ବୃଦ୍ଧି ଘଟି ୯୮.୮୮ ଟଙ୍କା ହୋଇଛି । ଦିନକୁ ୧୦୦୦ରୁ ୧୩୦୦ ଟଙ୍କା ରୋଜଗାର କରୁଥିବା କୁଶଳୀ କର୍ମବଳ ଏବଂ ୬୦୦ରୁ ୮୦୦ ଟଙ୍କା ରୋଜଗାର କରୁଥିବା ଶ୍ରମିକ ଯନ୍ତ୍ରଣା ପାଉଛନ୍ତି । ଇନ୍ଧନ ଦର ବୃଦ୍ଧି ଯୋଗୁ ଅତ୍ୟାବଶ୍ୟକ ସାମଗ୍ରୀ ଦର ବଢୁ଼ଛି । ଅଧିକାଂଶ ଲୋକ ଏ ସବୁ କିଣିବା ପାଇଁ ସମର୍ଥ ହେଉନାହାନ୍ତି ।