ଆହୁରି କାଙ୍ଗାଳ ହେଲା ପାକିସ୍ତାନ: ଡଲାର ତୁଳନାରେ ଖସିଲା ପାକିସ୍ତାନୀ ମୁଦ୍ରା, ପେଟ୍ରୋଲ-ଡିଜେଲ୍ କିଣିବା ପାଇଁ ପଇସା ନାହିଁ

ନୁଆଦିଲ୍ଲୀ ୨୮/୨: ଭାରତ ସହିତ ଯୁଦ୍ଧ ଲଢିବା ପାଇଁ ଆଶା ବାନ୍ଧିଥିବା ପାକିସ୍ତାନ ଆହୁରି କାଙ୍ଗାଳ ହୋଇଯାଇଛି । ପାକିସ୍ତାନୀ ଟଙ୍କା ବୁଧବାର ଡଲାର ତୁଳନାରେ ବହୁତ ତଳକୁ ଖସି ଯାଇଛି । କେବଳ ଏତିକି ନୁହେଁ, ପାକ୍ ପାଖରେ ପେଟ୍ରୋଲ-ଡିଜେଲ୍ କିଣିବା ପାଇଁ ମଧ୍ଯ ପଇସା ନାହିଁ ।

୧୩୯.୨୫ରେ ବନ୍ଦ ହେଲା ଟଙ୍କା
ପାକିସ୍ତାନରେ ବୁଧବାର ଟଙ୍କା ୧୩୯.୨୫ ସ୍ତରରେ ବନ୍ଦ ହେଲା । ଅଶୋଧିତ ତୈଳର ଲଗାତାର ବଢୁଥିବା ଦର ଯୋଗୁଁ ପାକିସ୍ତାନକୁ ଅଧିକ ବିଦେଶୀ ମୁଦ୍ରା ଖର୍ଚ୍ଚ କରିବାକୁ ପଡୁଛି । ଏହାସହିତ ସୁନା ମୂଲ୍ଯରେ ମଧ୍ୟ ତୀବ୍ରତା ଦେଖିବାକୁ ମିଳୁଛି । ପାକିସ୍ତାନରେ ବୁଧବାର ସୁନା ୭୦ ହଜାର ପ୍ରତି ୧୧ ଗ୍ରାମ ବିକ୍ରି ହୋଇଛି ।

ବିଦେଶୀ ନିବେଶକ ବାହାର କରୁଛନ୍ତି ପଇସା
ଯୁଦ୍ଧ ଆଶଙ୍କା ମଧ୍ଯରେ ପାକିସ୍ତାନରେ ବିଦେଶୀ ନିବେଶକ ନିଜ ପଇସା ବାହାରି କରୁଛନ୍ତି । ଏହି କାରଣରୁ ଡଲାରର ଡିମାଣ୍ଡ ବହୁତ ବଢିଯାଇଛି । ଏଥିପାଇଁ ଟଙ୍କା ଲଗାତାର ଖସୁଛି । ବ୍ୟାଙ୍କଗୁଡିକ ମଧ୍ଯ ବିଦେଶୀ ନିବେଶକଙ୍କୁ ଡଲାରରେ ପୈଠ କରୁଛନ୍ତି ।

ଲଗାତାର ଖସୁଛି ବିଦେଶୀ ମୁଦ୍ରା ଭଣ୍ଡାର
ପାକିସ୍ତାନର ବିଦେଶୀ ମୁଦ୍ରା ଭଣ୍ଡାର ଲଗାତାର ଖସିବାରେ ଲାଗିଛି । ଦେଶରେ ପେଟ୍ରୋଲ-ଡିଜେଲର ବଢୁଥିବା ଡିମାଣ୍ଡକୁ ପୂରା କରିବା ପାଇଁ ମହଙ୍ଗା ଅଶୋଧିତ ତୈଳ ଡଲାରରେ କିଣିବାକୁ ପଡୁଛି । ଏବେ ଅଶୋଧିତ ତୈଳ ଡଲାର ପ୍ରତି ବ୍ଯାରେଲରେ କାରବାର ହେଉଛି । ଯଦି ୧୦ ଦିନ ପର୍ଯ୍ଯନ୍ତ ଅଶୋଧିତ ତୈଳର ମୂଲ୍ଯ ବାଉନ୍ସ ବା ବୃଦ୍ଧି ଲାଗିରହିବ ତେବେ ୧୪୨ ଟଙ୍କା ପ୍ରତି ଡଲାର ପର୍ଯ୍ଯନ୍ତ ଖସିପାରେ । ଏହାପରେ ପାକିସ୍ତାନର ଅବସ୍ଥା ଅଧିକ ଶୋଚନୀୟ ହୋଇପାରେ ।

   ସମ୍ବନ୍ଧିତ ଖବର


୫୧ଟି ଗାଈ, ତିନି ଆରବୀ ଘୋଡା ଓ ୧୩ ବନ୍ଧୁକ… ଯଶଓ୍ବନ୍ତ ସିଂଙ୍କ ୨୦୧୪ ସମ୍ପତ୍ତି ତାଲିକାରେ ରହିଥିଲା ଆହୁରି ଏସବୁ

ପୂର୍ବତନ ମୁଖ୍ୟମନ୍ତ୍ରୀ ଉମା ଭାରତୀଙ୍କୁ କରୋନା, ଏବେ କ୍ବାରେଣ୍ଟାଇନ୍‌ରେ

ଏନସିବିର ପ୍ରଶ୍ନରେ ୩ ଥର କାନ୍ଦି ପକାଇଥିଲେ ଦୀପିକା, ହାତ ଯୋଡି ଅଧିକାରୀ କହିଥିଲେ- ଇମୋସନାଲ କାର୍ଡ ଖେଳନ୍ତୁ ନାହିଁ

ପୂର୍ବତନ କେନ୍ଦ୍ରୀୟ ମନ୍ତ୍ରୀ ଯଶଓ୍ବନ୍ତ ସିଂହଙ୍କ ପରଲୋକ, ୮୨ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କଲେ

କରୋନା ରୋଗୀଙ୍କ ଠାରେ ଭିଟାମିନ୍‌—ଡି କେତେ ଜରୁରୀ ଜାଣନ୍ତୁ

ଆଉ କେତେ ଦିନ ଯାଏ ଅପେକ୍ଷା କରିବ ଭାରତ- ୟୁଏନ୍‌ରେ ପିଏମ୍‌ ମୋଦିଙ୍କ ଦମ୍ଭୋକ୍ତି