ଭାରତୀୟ ସେନା ଗୁଳିରେ ଗଲା ପ୍ରାଣ: ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ଗିରଫ କରି ନିର୍ଯାତନା ଦେଇଥିବା ପାକ୍ ଯବାନ ନିହତ

ନୂଆଦିଲ୍ଲୀ ୨୧।୮: ଭାରତୀୟ ବାୟୁସେନାର ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କୁ ପିଓକେରୁ ଗିରଫ କରି ନିର୍ଯାତନା ଦେଇଥିବା ପାକ୍‌ ଯବାନ ସୁବେଦାର ଅହମ୍ମଦ ଖାନ୍‌ ନିହତ ହୋଇଛି। ମିଳିଥିବା ସୂଚନାନୁସାରେ, ପାକିସ୍ତାନ ସୀମାରୁ ଆତଙ୍କବାଦୀଙ୍କୁ ଭାରତରେ ଅନୁପ୍ରବେଶ ପାଇଁ ସହଯୋଗ କରୁଥିବା ବେଳେ ସୁବେଦାର ଅହମ୍ମଦ ଖାନ୍‌ ଭାରତୀୟ ସେନା ଗୁଳିରେ ନିହତ ହୋଇଥିବା ଜଣାପଡ଼ିଛି।

ଅଗଷ୍ଟ ୧୭ରେ ସୁବେଦାର ଅହମ୍ମଦ ଖାନ୍‌ ଏଲଓସିର ନକିଆଲ ସେକ୍ଟରଠାରେ ପାକିସ୍ତାନୀ ଆତଙ୍କୀମାନଙ୍କୁ ଭାରତରେ ପ୍ରବେଶ ପାଇଁ ସହଯୋଗ କରୁଥିଲା। ଏହା ଜାଣିବା ପରେ ଭାରତୀୟ ସେନା ପକ୍ଷରୁ ଗୁଳିରେ ଏହାର ଜବାବ ଦିଆଯାଇଥିଲା। ଦୀର୍ଘ ସମୟଧରି ଚାଲିଥିବା ଏହି ଗୁଳି ବିନିମୟରେ ସୁବେଦାର ଅହମ୍ମଦ ଖାନ୍‌ ପ୍ରାଣ ହରାଇଛି।

କେବଳ ନକିଆଲ ସେକ୍ଟର ନୁହେଁ ଏହା ପୂର୍ବରୁ ମଧ୍ୟ ସୁବେଦାର ଅହମ୍ମଦ ଖାନ ନୌଶେରା, ସୁନ୍ଦରବେନି ଓ ପଲ୍ଲାନ ସେକ୍ଟରରେ ମଧ୍ୟ ଆତଙ୍କବାଦୀମାନଙ୍କୁ ଭାରତରେ ଅନୁପ୍ରବେଶ କରାଇଥିଲା। ହେଲେ ଅଗଷ୍ଟ ୧୭ ତାରିଖରେ ତା’ର ସବୁ ଯୋଜନା ଫେଲ ମାରିଥିଲା।

ବାଲାକୋଟ ଏୟାର ଷ୍ଟ୍ରାଇକ ପରେ ପାକିସ୍ତାନ ସେନା ଫେବୃଆରୀ ୨୭ରେ ଯୁଦ୍ଧ ବିମାନ ଜରିଆରେ ଭାରତୀୟ ସେନା ପୋଷ୍ଟ ଉପରେ ଆକ୍ରମଣ କରିବାକୁ ଉଦ୍ୟମ କରିଥିଲା। ଏହି ସମୟରେ ୱିଙ୍ଗ କମାଣ୍ଡର ଅଭିନନ୍ଦନ ପାକ୍‌ ଯୁଦ୍ଧ ବିମାନ ସହ ଲଢ଼େଇ କରିଥିଲେ। ଅଭିନନ୍ଦନ ପାକ୍‌ ଯୁଦ୍ଧ ବିମାନକୁ ଖସାଇବା ପରେ ପିଓକେରେ ଖସି ପଡ଼ିଥିଲେ। ଏହାପରେ ତାଙ୍କୁ ସୁବେଦାର ଅହମ୍ମଦ ଖାନ୍‌ ହିଁ ଗିରଫ କରିଥିଲା।

   ସମ୍ବନ୍ଧିତ ଖବର


NCB ଦୀପିକାଙ୍କ ସାମନାରେ ଗୋଟେ ମୋଟା ଓ ଗୋଟେ ପତଳା ସିଗାରେଟ୍ ରଖିଥିଲା…ଏହାର କାରଣ କଣ ଜାଣନ୍ତୁ –

ନିଜ ଫୋନ୍‌ରୁ ତୁରନ୍ତ ହଟାନ୍ତୁ ଏହି ୧୭ଟି ଆପ୍‌ସ – ଡାଟା ଚୋରୀକୁ ନେଇ ଗୁଗଲ କଲା ବ୍ୟାନ୍‌

ଜୀବନ ସହ ଖେଳୁଛି ଚୀନ୍‌

ଡ୍ରାଇଭିଂ ଲାଇସେନ୍ସ ଓ RC ରଖିବା ଚିନ୍ତା ସରିଲା ! ୧ ଅକ୍ଟୋବରରୁ ବଦଳୁଛି ନିୟମ-

ପ୍ରସିଦ୍ଧ ଗୀତିକାର ଅଭିଳାଷଙ୍କ ପରଲୋକ, ‘ଇତନି ଶକ୍ତି ହମେ ଦେ ନା ଦାତା…’ ଗୀତରୁ ଲାଭ କରିଥିଲେ ପ୍ରସିଦ୍ଧି

ସାବଧାନ ! ଟ୍ୟାପ୍‌ ପାଣିରେ ଆସୁଛି ଘାତକ ଜୀବାଣୁ – ବ୍ରେନ୍‌କୁ କରୁଛି ଅକାମୀ…