PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : CHSE ଅଫିସରେ ସମ୍ମୁଖରେ ହାତ କାଟିଲେ ଛାତ୍ରୀ, ହସ୍ପିଟାଲରେ ଭର୍ତ୍ତି
  • ||
  • ସମ୍ବଲପୁର : ଭିଜିଲାନ୍ସ ପଞ୍ଝାରେ OCCL ସିନିୟର ମ୍ୟାନେଜର, ଆୟ ବର୍ହିଭୁକ୍ତ ସମ୍ପତ୍ତି ଠୁଳ ଅଭିଯୋଗ
  • ||
  • ଗଞ୍ଜାମ: ରାତି ଅଧରେ ବିଭତ୍ସ ହତ୍ୟା, ଶୋଇଥିବା ବେଳେ ଯୁବକଙ୍କୁ ହାଣିବା ପରେ ମୁହଁକୁ ପଥରରେ ଛେଚି ହତ୍ୟା
  • ||
  • ଖୋର୍ଦ୍ଧା: ସଦର ଥାନା ତାପଙ୍ଗ ଗ୍ରାମରେ ଖୁଦୁରୁକୁଣୀକୁ ନେଇ ଗଣ୍ଡଗୋଳ ଜଣକୁ ହତ୍ୟା
  • ||
  • ଭୁବନେଶ୍ୱର: ୨୪ ଘଣ୍ଟା ମଧ୍ୟରେ ଆଉ ୫୧୦ ଜଣ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୨୦ ହଜାର ପାର୍
  • ||
  • ଭୁବନେଶ୍ୱର: ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୪୧କୁ ବୃଦ୍ଧି
  • ||
  • ଭୁବନେଶ୍ୱର: ଖୋଲା ଡ୍ରେନ୍‌ରେ ଛାତ୍ର ଭାସିଯିବା ଘଟଣା, ୧୮ ଘଣ୍ଟା ପରେ ଠାବ ହେଲା ରାଜାଙ୍କ ମୃତଦେହ
  • ||
  • ବୁର୍ଲା : ଭିସୁଟ୍‌ରେ ପଶିଲା କରୋନା, କୁଳପତିଙ୍କ ସମେତ ୨ ଛାତ୍ର ଆକ୍ରାନ୍ତ ଚିହ୍ନଟ
  • ||
  • ଭୁବନେଶ୍ୱର : ଆଗାମୀ ୧୦ ଦିନ ମଧ୍ୟରେ ବଙ୍ଗୋପସାଗରରେ ଏକାଧିକ ଘୁର୍ଣ୍ଣିବଳୟର ସୃଷ୍ଟି, ଓଡିଶାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ଅନୁଗୁଳ : ବନ୍ଦ କ୍ୱାର୍ଟର୍ସରେ ଲୁଚାଇ ରଖିଥିଲେ, ଏକ୍ସପାରି ହେବା ପରେ ରାତାରାତି ଗାଡ଼ି ଗାଡ଼ି ଔଷଧ ଫିଙ୍ଗି ଦେଲେ…
  • ||
  • ପୁରୀ : ଆଜି ଶ୍ରୀମନ୍ଦିରରେ ଇନ୍ଦ୍ର ଗୋବିନ୍ଦ ବନ୍ଦାପନା
  • ||
  • ପିପିଲି : ଆଜିଠୁ ଜମିବ ଉପନିର୍ବାଚନ ପ୍ରଚାର, ମଇଦାନକୁ ଓହ୍ଲାଇବେ ତିନି ଦଳର ଷ୍ଟାର ପ୍ରଚାରକ
  • ||

ଆମେରିକୀୟ ପତ୍ରିକାର ରିପୋର୍ଟ: ପାକିସ୍ତାନର କୌଣସି ଏଫ୍-୧୬ ବିମାନ ନଷ୍ଟ ହୋଇନାହିଁ

ଓ୍ବାଶିଂଟନ୍,୫।୪: ଆମେରିକାର ଏକ ପତ୍ରିକା ପକ୍ଷରୁ କୁହାଯାଇଛି ପାକିସ୍ତାନର ସମସ୍ତ ଏଫ୍-୧୬ ଯୁଦ୍ଧ ବିମାନ ସୁରକ୍ଷିତ ରହିଛି।  ‘ଫରେନ୍ ପଲିସି’ ନାମକ ଏହି ପତ୍ରିକା ଆମେରିକା ସୁରକ୍ଷା ଅଧିକାରୀଙ୍କ ଠାରୁ ମିଳିଥିବା ତଥ୍ୟ ପରେ ଏହା ପ୍ରକାଶ କରିଛି। ଏହି ପତ୍ରିକା ପକ୍ଷରୁ କୁହାଯାଇଛି ଯେ, ୨୭ ଫେବୃଆରୀରେ ଭାରତ ପକ୍ଷରୁ ଆମେରିକା ଦ୍ବାରା ନିର୍ମିତ ଏଫ୍ -୧୬ ବିମାନକୁ ନଷ୍ଟ କରାଯାଇଥିବା ଖବର ଭୁଲ ହୋଇପାରେ। ‘ଫରେନ୍ ପଲିସି’ ପକ୍ଷରୁ କୁହାଯାଇଛି ଏହି ସୂଚନା ତାଙ୍କୁ ଆମେରିକାର ଦୁଇଜଣ ପ୍ରତିରକ୍ଷା ଅଧିକାରୀଙ୍କ ନିକଟରୁ ମିଳିଛି, ଯେଉଁମାନେ କି ସିଧାସଳଖ ଭାବରେ ଏହି ମାମଲା ସହିତ ଜହିତ। ଆମେରିକାର ଏହି ଦୁଇ ଅଧିକାରୀ ‘ଫରେନ୍ ପଲିସି’କୁ କହିଛନ୍ତି, ନିକଟରେ ଆମେରିକାର ପ୍ରତିରକ୍ଷା ଅଧିକାରୀ ପାକିସ୍ତାନକୁ ବିକ୍ରି କରାଯାଇଥିବା ଏଫ୍-୧୬ ବିମାନର ଗଣନା କରିଥିଲେ। ଏହି ଗଣତିରେ କୌଣସି ଏଫ୍-୧୬ ବିମାନ କମ୍ ଥିବାର ଦେଖିବାକୁ ମିଳିନଥିଲା।

ଉଲ୍ଲେଖନୀୟ ଯେ ଗତ ୨୬ ଫେବଆରୀରେ ବାଲକୋଟ୍ ଉପରେ ଭାରତର ଏୟାର ଷ୍ଟ୍ରାଇକ୍ ପରେ ୨୭ ଫେବୃଆରୀରେ ପାକିସ୍ତାନର ଯୁଦ୍ଧ ବିମାନ ଭାରତର ବାୟୁସୀମା ଭିତରକୁ ପ୍ରବେଶ କରିବାର ବିଫଳ ଚେଷ୍ଟା କରିଥିଲା। ଏହି ସମୟରେ ଭାରତୀୟ ବାୟୁସେନା ଓ ପାକିସ୍ତାନର ବାୟୁସେନା ଭିତରେ ଆକାଶମାର୍ଗରେ ଯୁଦ୍ଧ ହୋଇଥିଲା। ଭାରତର କହିବା ଅନୁସାରେ ଓ୍ବିଙ୍ଗ କମାଣ୍ଡର ଅଭିନନ୍ଦନ ମିଗ୍-୨୧ରୁ ପାକିସ୍ତାନର ଏଫ୍-୧୬କୁ ନଷ୍ଟ କରିଥିଲେ। ଏହି ଲଢେଇରେ ଭାରତର ମିଗ୍-୨୧ ମଧ୍ୟ ପାକିସ୍ତାନର ଆକ୍ରମଣରେ ନଷ୍ଟ ହୋଇଯାଇଥିଲା।

ମିଗ୍-୨୧ରୁ ସୁରକ୍ଷିତ ଅବତରଣ କରିବାର ଚେଷ୍ଟାରେ ଅଭିନନ୍ଦନ ପାକିସ୍ତାନ ସୀମା ଭିତରକୁ ଚାଲିଯାଇଥିଲେ। ଯେଉଁଠାରେ ପାକିସ୍ତାନୀ ସେନା ତାଙ୍କୁ ଗିରଫ କରିନେଇଥିଲା। ଯଦିଓ ଭାରତର ଚାପ ପରେ ପାକିସ୍ତାନ ତାଙ୍କୁ ୬୦ ଘଣ୍ଟା ପରେ ମୁକ୍ତ କରିଥିଲା। ଫରେନ୍ ପଲିସି ପତ୍ରିକାର କହିବା ଅନୁସାରେ ଏହି ରିପୋର୍ଟ କହୁଛି ଭାରତ ଦ୍ବାରା ଏଫ୍-୧୬ ଯୁଦ୍ଧ ବିମାନକୁ ମାରିବାର ଦାବି ଭୁଲ ହୋଇପାରେ। ଆକାଶ ମାର୍ଗରେ ହୋଇଥିବା ଯୁଦ୍ଧର ଯୋଶରେ ଅଭିନନ୍ଦନ, ଯେଉଁ ମିଗ୍ ବାଇସନ୍ ଉଡାଉଥିଲେ, ସେଥିରୁ ସେ ପାକିସ୍ତାନର ଏଫ୍-୧୬କୁ ଟାର୍ଗେଟ କରିଥିଲେ, ଏହାପରେ ସେ ଭାବିନେଇଥିଲେ ​‌ଯେ ତାକୁ ନଷ୍ଟ କରିଦେଇଛନ୍ତି।

ଏହି ରିପୋର୍ଟରେ କୁହାଯାଇଛି ୨୭ ଫେବୃଆରୀରେ ଭାରତ-ପାକିସ୍ତାନ ଭିତରେ ଲଢେଇ ପରେ ଯେତେବେଳେ ଗଣମାଧ୍ୟମରେ ଖବର ଆସିଥିଲା ସେତେବେଳେ ଚୁକ୍ତି ଅନୁସାରେ ପାକିସ୍ତାନ ପକ୍ଷରୁ ଆମେରିକାର ପ୍ରତିରକ୍ଷା ଅଧିକାରୀଙ୍କୁ ବିମାନର ଯାଞ୍ଚ କରିବା ପାଇଁ ଡକାଯାଇଥିଲା। ଏହି ଯାଞ୍ଚରେ ସମସ୍ତ ଏଫ୍-୧୬ ସୁରକ୍ଷିତ ଥିବାର ଦେଖିବାକୁ ମିଳିଥିଲା ବୋଲି କହିଛି ଏହି ପତ୍ରିକା। ଉଲ୍ଳେଖନୀୟ ଯେ ନିଜର କଥାକୁ ପ୍ରମାଣିତ କରିବାକୁ ଯାଇ ଭାରତୀୟ ବାୟୁସେନା ଏଫ୍-୧୬ରୁ ଫାୟାର କରାଯାଇଥିବା AMRAAM ମିଶାଇଲର ଟୁକୁଡାକୁ ବିଶ୍ବ ସାମନାକୁ ଆଣି ଦେଖାଇତିଲା।

ସମ୍ବନ୍ଧିତ ଖବର