PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇସ୍ତଫା ଦେଲେ ଦିଲ୍ଲୀ ଉପରାଜ୍ୟପାଳ ଅନୀଲ ବୈଜଲ, ରାଷ୍ଟ୍ରପତିଙ୍କୁ ପଠାଇଲେ ଇସ୍ତଫା ପତ୍ର
  • ||
  • ଜ୍ଞାନବାପୀ ମସଜିଦ ବିବାଦ: ଶିବ ଲିଙ୍ଗକୁ ନେଇ ଆପତ୍ତିଜନକ ମନ୍ତବ୍ୟ ପଡିଲା ମହ‌ଙ୍ଗା, AIMIM ନେତା ଦାନିଶ କ୍ୟୁରେସୀ ଗିରଫ
  • ||
  • ଦେବଗଡ଼ : ମଦ ନିଶାରେ ଭୁଲିଗଲା ରକ୍ତ ସମ୍ପର୍କ, ଜନ୍ମକଲା ପୁଅକୁ କଟୁରୀରେ ହାଣି ହତ୍ୟାକଲା ସଇତାନ ବାପା
  • ||
  • ଭୁବନେଶ୍ଵର : ତିର୍ତ୍ତୋଲ ବିଧାୟକଙ୍କ କୋର୍ଟ ମ୍ୟାରେଜ୍‌କୁ ନେଇ ପରିବାରରେ ଅସନ୍ତୋଷ, ଆତ୍ମହତ୍ୟା ଉଦ୍ୟମ କଲେ ବିଜୟଙ୍କ ମାଆ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ଵର : ବରମୁଣ୍ଡା ତ୍ରିନାଥ ମନ୍ଦିର ନିକଟରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
  • ||
  • ପୁରୀ : ଜୀବନ ନେଲା ମୁକୁଳା ଡ୍ରେନ୍ ! ପୁରୀ ବଡଦାଣ୍ଡ ନାଳରୁ ଯୁବକଙ୍କ ମୃତଦେହ ଉଦ୍ଧାର
  • ||
  • କଟକ : ପାଣି ଟାଙ୍କି ତଳୁ ଯୁବତୀଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||

ପାରାଦୀପକୁ କେନ୍ଦ୍ରର ୧୩ହଜାର କୋଟି ଭେଟି

.bhubaneswarbuzz.com

ଭୁବନେଶ୍ୱର,୪ା୨(ବ୍ୟୁରୋ): ଫେବ୍ରୁଆରୀ ୬ରେ ପାରାଦୀପକୁ ପ୍ରାୟ ୧୩,୦୦୦ କୋଟି ଟଙ୍କାର ପ୍ରକଳ୍ପ ଭେଟି ଦେବେ କେନ୍ଦ୍ର ସରକାର । ଇଣ୍ଡିଆନ୍‌ ଅଏଲ୍‌ କର୍ପୋରେସନ (ଆଇଓସିଏଲ୍‌) ଓ ପାରାଦୀପ ବନ୍ଦର ଟ୍ରଷ୍ଟ (ପିପିଟି) ଦ୍ୱାରା ନିର୍ମିତ ତଥା ପ୍ରସ୍ତାବିତ ଏ ପ୍ରକଳ୍ପଗୁଡ଼ିକର ଶିଳାନ୍ୟାସ ଓ ଲୋକାର୍ପଣ କରିବେ କେନ୍ଦ୍ର ମନ୍ତ୍ରୀ ନୀତିନ୍‌ ଗଡ଼କରୀ, ଧର୍ମେନ୍ଦ୍ର ପ୍ରଧାନ ଓ ଜୁଏଲ୍‌ ଓରାମ୍‌ ।
ଆଇଓସିଏଲ୍‌ ପାରାଦୀପ ରିଫାଇନରିରେ ନିର୍ମିତ ବିଶ୍ୱଶ୍ରେଣୀୟ ପଲିପ୍ରପିଲିନ୍‌ ପ୍ଲାଣ୍ଟକୁ ଉଦ୍‌ଘାଟନ କରିବେ ତିନି କେନ୍ଦ୍ରମନ୍ତ୍ରୀ । ୬.୮ ଲକ୍ଷ ଟନ୍‌ କ୍ଷମତା ବିଶିଷ୍ଟ ଏହି ପଲିପ୍ରପିଲିନ୍‌ ପ୍ଲାଣ୍ଟ ପାଇଁ କମ୍ପାନି ୩,୧୫୦ କୋଟି ଟଙ୍କା ପୁଞ୍ଜିନିବେଶ କରିଛି । ଚଳିତ ବର୍ଷ ଏପ୍ରିଲରୁ ଏଠାରୁ ବାଣିଜ୍ୟିକ ଉତ୍ପାଦନ ଆରମ୍ଭ ହେବ ।
ସେହିଭଳି ପାରାଦୀପ ବନ୍ଦରରେ ସ୍ୱଚ୍ଛ କାର୍ଗୋ ପରିଚାଳନା ନିମନ୍ତେ ନିର୍ମାଣ ହୋଇଥିବା ବହୁମୁଖୀ ବର୍ଥ ମଧ୍ୟ ଉଦ୍‌ଘାଟିତ ହେବ । ୫ ନିୟୁତ ଟନ୍‌ କାର୍ଗୋ ପରିଚାଳନା କ୍ଷମତା ବିଶିଷ୍ଟ ଏହି ବର୍ଥ ନିର୍ମାଣ ପାଇଁ ୪୩୦ କୋଟି ୭୮ ଲକ୍ଷ ଟଙ୍କା ନିବେଶ ହୋଇଛି ।
ଏ ଅବସରରେ କେନ୍ଦ୍ର ସଡ଼କ ପରିବହନ ଓ ରାଜପଥ, ଜାହାଜ ଚଳାଚଳ ମନ୍ତ୍ରୀ ନୀତିନ୍‌ ଗଡ଼କରୀ, ପେଟ୍ରୋଲିୟମ ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ୍‌ ଓରାମ୍‌ ପାରାଦୀପ ରିଫାଇନରିରେ ପ୍ରସ୍ତାବିତ ୫,୬୫୪ କୋଟି ଟଙ୍କା ମୂଲ୍ୟର ମନୋଏଥିଲିନ୍‌ ଗ୍ଲାଇକଲ୍‌ (ଏମ୍‌ଇଜି) ପ୍ଲାଣ୍ଟର ଭିତ୍ତିପ୍ରସ୍ତର ସ୍ଥାପନ କରିବେ । ସେହିଭଳି ପାରାଦୀପ ବନ୍ଦରରେ ଆଇଓସିଏଲ୍‌ର ୦.୬ ନିୟୁତ ଟନ୍‌ କ୍ଷମତାର ଏଲ୍‌ପିଜି ଟର୍ମିନାଲ୍‌ର ଶୁଭ ଦେବେ । ଏହି ଟର୍ମିନାଲ ନିର୍ମାଣ ପାଇଁ କମ୍ପାନି ୬୯୦ କୋଟି ଟଙ୍କା ଖଟାଇବ ।
୧,୪୩୭.୭୬ କୋଟି ଟଙ୍କା ମୂଲ୍ୟରେ ପ୍ରସ୍ତାବିତ ପାରାଦୀପ ବନ୍ଦର ଟ୍ରଷ୍ଟର ଇଷ୍ଟ କ୍ୱେ (ଇକ୍ୟୁ)ର ୧, ୨, ୩ ବର୍ଥର ଯାନ୍ତ୍ରିକରଣ କାର୍ଯ୍ୟ ଭିତ୍ତିପ୍ରସ୍ତର ମଧ୍ୟ ସ୍ଥାପନ ହେବ । ଏହାବ୍ୟତୀତ ୬୫୫ କୋଟି ୫୬ ଲକ୍ଷ ଟଙ୍କା ମୂଲ୍ୟରେ ବାର୍ଷିକ ୧୦ ନିୟୁତ ଟନ୍‌ କ୍ଷମତାର ଏକ କୋଇଲା ବର୍ଥ ବିକାଶ କାର୍ଯ୍ୟକୁ ମଧ୍ୟ ୩ ମନ୍ତ୍ରୀ ଶୁଭାରମ୍ଭ କରିବେ । ଏହାବାଦ୍‌ ପାରାଦୀପ ବନ୍ଦରର ଅନେକଗୁଡ଼ିଏ ପ୍ରକଳ୍ପର ନିର୍ମାଣ କାର୍ଯ୍ୟ ଓ ଶୁଭ ମଧ୍ୟ ପଡ଼ିବ ।