PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପିରେ ମିଶିଲେ ସୁନୀଲ ଜାଖଡ, କଂଗ୍ରେସ ସହ ୫୦ ବର୍ଷର ସମ୍ପର୍କରେ ପୂର୍ଣ୍ଣଛେଦ
  • ||
  • ୟାସିନ ମଲ୍ଲିକ ଦୋଷୀ ସାବ୍ୟସ୍ତ, ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ବାନ୍ଧିଥିଲା ଏନ୍‌ଆଇଏ
  • ||
  • ପୁରୀ : ଏଥର ଭକ୍ତ ଦେଖିବେ ସ୍ନାନଯାତ୍ରା, ହେଲେ ସ୍ନାନ ବେଦିରେ ଶ୍ରୀବିଗ୍ରହଙ୍କୁ କରିପାରିବେନି ସ୍ପର୍ଶ
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍,୨୪ ଘଣ୍ଟା ମଧ୍ୟରେ ବାହାରିଲେ ୧୨ ଜଣ କରୋନା ପଜିଟିଭ
  • ||
  • ଭୁବନେଶ୍ୱର : ଆଜି-କାଲି ବର୍ଷା ଆଶଙ୍କା, ତିନି ଦିନ ପରେ ପୁଣି ତାତି
  • ||
  • ପୁରୀ: ରଥଖଳା ହାଲ୍‌ଚାଲ୍‌… ଅଖ ଅନୁକୂଳ, ନାହାକା ଚକରେ ପଇତା ଓ ୧୫ ଚକ ପ୍ରସ୍ତୁତ
  • ||
  • ମୋହନା: ରାସ୍ତା କଡ଼ରୁ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର
  • ||
  • କୁତ୍ରା: ୧୨ ବର୍ଷର ନାବାଳିକା ୭ ମାସର ଗର୍ଭବତୀ, ଥାନାରେ ଏତଲା ଦେଲେ ପରିବାରଲୋକ
  • ||
  • ବାରଙ୍ଗ: ପ୍ରେମ ସମ୍ପର୍କକୁ ନେଇ ଜଘନ୍ୟ ହତ୍ୟାକାଣ୍ଡ : ପ୍ରେମିକକୁ ହତ୍ୟା କଲେ ପ୍ରେମିକା ପରିବାର, ଇନ୍‌ଫୋସିଟି ଥାନା ନିକଟରୁ ଯୁବକଙ୍କ ମୃତଦେହ ଉଦ୍ଧାର
  • ||
  • ଭାରତ ସୀମାରେ ଅନୁପ୍ରବେଶ ଉଦ୍ୟମ କରୁଛନ୍ତି ୧୭୦ ଆତଙ୍କବାଦୀ, ତାଲିମ ଦେଉଛି ପାକିସ୍ତାନୀ ସେନା ଏବଂ ISI
  • ||

ରାହୁଲଙ୍କୁ ପାରିକରଙ୍କ ସମାଲୋଚନା: ରାଫେଲ ପ୍ରସଙ୍ଗରେ ଆଲୋଚନା ହୋଇନାହିଁ

source:www.yahoo.com

ପାଣାଜୀ,୩୦ ।୧(ଏଜେନ୍ସି): ରାଫେଲ ପ୍ରସଙ୍ଗରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଗତକାଲି ଦେଇଥିବା ବୟାନକୁ ଗୋଆର ମୁଖ୍ୟମନ୍ତ୍ରୀ ତଥା ବିଜେପି ନେତା ମନୋହର ପାରିକର ଆଜି ତୀବ୍ର ସମାଲୋଚନା କରିଛନ୍ତି । ମଙ୍ଗଳବାର ରାହୁଲ ପାଣାଜୀ ସ୍ଥିତ ପାରିକରଙ୍କ ବାସଭବନକୁ ଯାଇ ତାଙ୍କୁ ଦେଖା କରିଥିଲେ ଏବଂ ତାଙ୍କର ସ୍ୱାସ୍ଥ୍ୟାବସ୍ଥା ସମ୍ପର୍କରେ ପଚାରି ବୁଝିଥିଲେ । ସେଠାରୁ ଆସିବା ପରେ ରାହୁଲ କହିଥିଲେ କି ରାଫେଲ ଚୁକ୍ତି ସମ୍ପର୍କରେ ପାରିକରଙ୍କୁ ଅଜ୍ଞାତରେ ରଖାଯାଇଥିଲା ଏବଂ ସେ ଏ ସମ୍ପର୍କରେ କିଛି ଜାଣିନଥିଲେ ବୋଲି ତାଙ୍କ ଆଗରେ ପ୍ରକାଶ କରିଥିଲେ ।
ଆଜି ପାରିକର ମୁଖ୍ୟମନ୍ତ୍ରୀଙ୍କ ଲେଟରପ୍ୟାଡ୍‌ରେ ରାହୁଲଙ୍କ ନିକଟକୁ ଏକ ଚିଠି ଲେଖି ଏହା ଉପରେ ଅସନ୍ତୋଷ ବ୍ୟକ୍ତ କରିଛନ୍ତି । ପାରିକର ସେଇ ପତ୍ରରେ ଲେଖିଛନ୍ତି କି ଗତକାଲି ଆମ ଭିତରେ ମାତ୍ର ୫ ମିନିଟ ପାଇଁ ସାକ୍ଷାତ ହୋଇଥିଲା । ଆପଣ ଆଗରୁ କୌଣସି ସୂଚନା ନଦେଇ ଆକସ୍ମିକ ଭାବେ ମୋ ନିକଟକୁ ଆସିଥିଲେ । ତେବେ ମୁଁ ଏହାକୁ ସକାରାତ୍ମକ ଭାବେ ଗ୍ରହଣ କରିଥିଲି । ଆପଣ ମୋର ଆଶୁ ଆରୋଗ୍ୟ କାମନା କରିଥିବାରୁ ଆପଣଙ୍କ ପାଖରେ କୃତଜ୍ଞ ।
ମୁଁ ଏବେ ଏକ ପ୍ରାଣଘାତୀ ରୋଗ ସହିତ ଲଢ଼ୁଛି । ହେଲେ ଏହା ଆଗରେ ହାରନମାନି ଗୋଆବାସୀଙ୍କ ସେବା କରିବାକୁ ମୁଁ ବଦ୍ଧ ପରିକର । ତେଣୁ ଏଥିପାଇଁ ଆପଣ ମୋତେ ଉତ୍ସାହିତ କରିବେ ବୋଲି ମୁଁ ଭାବିଥିଲି । ହେଲେ ପରେ ଗଣମାଧ୍ୟମରେ ଆପଣଙ୍କ ବୟାନ ସମ୍ପର୍କରେ ଜାଣିବା ପରେ ମୁଁ ଖୁବ୍‌ ମର୍ମାହତ । ଆପଣ ମୋତେ କିଛି ସମୟ ପାଇଁ ସୌହାର୍ଦ୍ଦ୍ୟପୂର୍ଣ୍ଣ ସାକ୍ଷାତ କରିବାକୁ ଆସିଥିଲେ କିନ୍ତୁ ତାହାକୁ ନେଇ ବି ଆପଣ ରାଜନୀତି କରୁଛନ୍ତି । ଏହା ଆପଣଙ୍କ ରାଜନୈତିକ ସୁବିଧାବାଦକୁ ଦର୍ଶାଉଛି । ଏଥିରୁ ଆପଣ ପ୍ରକୃତରେ ମୋତେ କ’ଣ ପାଇଁ ଭେଟିବାକୁ ଆସିଥିଲେ, ତାହାକୁ ନେଇ ବି ମୋର ସନ୍ଦେହ ହେଉଛି ।
ମୁଁ ସ୍ପଷ୍ଟ କରିଦେବାକୁ ଚାହେଁ ଯେ ଆମ ଭିତରେ ରାଫେଲ ପ୍ରସଙ୍ଗରେ ଆଦୌ ଆଲୋଚନା ହୋଇନଥିଲା । ମୁଁ ମଧ୍ୟ କେବେହେଲେ ଏହା କହିନାହିଁଚକି ରାଫେଲ ଚୁକ୍ତି ସମ୍ପର୍କରେ ମୁଁ କିଛି ଜାଣିନାହିଁ । ପ୍ରତିରକ୍ଷା ସାମଗ୍ରୀ କ୍ରୟ ପାଇଁ ଉଦ୍ଦିଷ୍ଟ ପ୍ରକ୍ରିୟାର ସମ୍ପୂର୍ଣ୍ଣ ପାଳନ କରାଯାଇ ଏହି ଚୁକ୍ତି କରାଯାଇଛି । ତେଣୁ ଆପଣ ଲୋକଙ୍କ ଆଗରେ ଆମର ସାକ୍ଷାତ ସମ୍ପର୍କିତ ପୂରା ସତ୍ୟ ପ୍ରକାଶ କରିବେ ବୋଲି ମୁଁ ଆଶା କରୁଛି ।