ନୂଆଦିଲ୍ଲୀ,୨୬/୦୪: ପାକିସ୍ତାନ ୨୦୨୫ରେ ଚାମ୍ପିଅନ୍ସ ଟ୍ରଫି ଆୟୋଜନ କରିବ। କିନ୍ତୁ ଟିମ୍‌ ଇଣ୍ଡିଆ ଟୁର୍ଣ୍ଣାମେଣ୍ଟ ଖେଳିବା ପାଇଁ ପାକିସ୍ତାନ ଗସ୍ତ କରିବ ନାହିଁ ବୋଲି ବିସିସିଆଇର ଜଣେ ଅଧିକାରୀ କହିଛନ୍ତି । ଭାରତ-ପାକିସ୍ତାନ ମଧ୍ୟରେ ସଂପର୍କ ତିକ୍ତ ରହିଥିବାରୁ ଦୀର୍ଘ  ଏକ ଦଶନ୍ଧିରୁ ଊଦ୍ଧ୍ୱର୍ ସମୟ ଧରି ଦ୍ୱିପାକ୍ଷିକ  କ୍ରିକେଟ ସିରିଜ ଆୟୋଜନ ସ୍ଥଗିତ ରହିଛି ।  

ଅଧିକାରୀ ଜଣକ କହିଛନ୍ତି, ‘ ନିକଟ  ଭବିଷ୍ୟତରେ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସିରିଜ  ଆୟୋଜନ ସମ୍ଭବ ନୁହେଁ । ଯଦିଓ ଚାମ୍ପିଅନ୍ସ ଟ୍ରଫି ଆଇସିସି ଟୁର୍ଣ୍ଣାମେଣ୍ଟ ତଥାପି ଟିମ୍‌ ଇଣ୍ଡିଆ ପାକିସ୍ତାନ  ଗସ୍ତ କରିବ ନାହିଁ । ଏମିତି ହୋଇପାରେ, ନିରପେକ୍ଷ  ଭେନ୍ୟୁ କିମ୍ବା ଟୁର୍ଣ୍ଣାମେଣ୍ଟ ହାଇବ୍ରିଡ ସୂଚୀରେ  ଆୟୋଜିତ ହେବ ।’ ପୂର୍ବରୁ ଏସିଆ କପ୍‌ ମଧ୍ୟ  ହାଇବ୍ରିଡ୍‌ ସୂଚୀରେ ଖେଳାଯାଇଥିଲା । ଟୁର୍ଣ୍ଣାମେଣ୍ଟର  କିଛି ମ୍ୟାଚ୍‌ ଆୟୋଜକ ପାକିସ୍ତାନରେ ଏବଂ ଅବଶିଷ୍ଟ  ମ୍ୟାଚ୍‌ ଶ୍ରୀଲଙ୍କାରେ ଆୟୋଜିତ ହୋଇଥିଲା ।