PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

ବଢ଼ିବ ତେଲ ଦର

ନୂଆଦିଲ୍ଲୀ,୧୬ା୨(ଏଜେନ୍ସି): ଆଗାମୀ ଦିନରେ ପେଟ୍ରୋଲ ଏବଂ ଡିଜେଲ ଦର ମହଙ୍ଗା ହେବାକୁ ଯାଉଛି । ପେଟ୍ରୋଲିୟମ୍‌ ରପ୍ତାନିକାରୀ ରାଷ୍ଟ୍ରସଂଘ(ଓପେକ୍‌) ଦ୍ୱାରା ଉତ୍ପାଦନ ହ୍ରାସ ପରେ ଅଶୋଧିତ ତୈଳ ଦର ଦ୍ରୁତ ବେଗରେ ବଢ଼ୁଛି । ଶୁକ୍ରବାର ଅନ୍ତର୍ଜାତୀୟ ବଜାରରେ ବ୍ରେଣ୍ଟ୍‌ କ୍ରୁଡ୍‌ ଦର ବ୍ୟାରେଲ୍‌ ପିଛା ୬୫ ଡଲାରରୁ ଉଦ୍ଧ୍ୱର୍ରେ ପହଞ୍ଚିଛି । ଏହା ଗତ ୩ ମାସରେ ସର୍ବୋଚ୍ଚ ସ୍ତର । ଏହା ପୂର୍ବରୁ ୨୦୧୮ ନଭେମ୍ବରରେ ଅଶୋଧିତ ତୈଳ ଦର ୬୫ ଡଲାର ସ୍ତରରେ ରହିଥିଲା । ଜାନୁୟାରୀ ୧ରୁ ବର୍ତ୍ତମାନ ମଧ୍ୟରେ ଏଥିରେ ୨୧% ବୃଦ୍ଧି ଘଟିଛି । ଭାରତୀୟ ବାସ୍କେଟ୍‌ କ୍ରୁଡ୍‌ ଦର ଏହି ସମୟରେ ୧୨% ମହଙ୍ଗା ହୋଇଛି । ଏଞ୍ଜେଲ ବ୍ରୋକିଙ୍ଗ୍‌ ହାଉସ୍‌ର ଉପସଭାପତି(ଏନର୍ଜି ଏବଂ କରେନ୍ସି) ଅନୂଜ ଗୁପ୍ତାଙ୍କ କହିବାନୁଯାୟୀ ଆମେରିକା ଏବଂ ଚୀନ୍‌ ମଧ୍ୟରେ ଚାଲିଥିବା ବିବାଦକୁ ଦୂର କରିବା ପାଇଁ ଆଲୋଚନା ଆଗକୁ ବଢ଼ୁଛି । ଏହା ସହିତ ଓପେକ୍‌ ଦ୍ୱାରା ତୈଳ ଉତ୍ପାଦନ ହ୍ରାସ ଯୋଗୁ ଦର ଊଦ୍ଧ୍ୱର୍ମୁଖୀ ହୋଇଛି । ଭେନେଜୁଏଲା ଏବଂ ଇରାନ୍‌ ଉପରେ ଆମେରିକାର କଟକଣା ଯୋଗୁ ମଧ୍ୟ ଅଶୋଧିତ ତୈଳ ଦର ବଢ଼ୁଛି । ଏହା ସହିତ ଓପେକ୍‌ର ପ୍ରମୁଖ ସଦସ୍ୟ ସାଉଦି ଆରବ କହିଛି ଯେ, ଏହା ଆସନ୍ତା ମାସ ତୈଳ ଉତ୍ପାଦନରେ ଆହୁରି ହ୍ରାସ କରିବ । ନିଶ୍ଚିତ ଭାବେ ଯୋଗାଣ କମିବା ଦ୍ୱାରା ଦର ଉଦ୍ଧ୍ୱର୍ମୁଖୀ ହେବ । ଓପେକ୍‌ର ଅନୁରୋଧ କ୍ରମେ ଋଷ ମଧ୍ୟ ଏହାର ଦୈନିକ ଉତ୍ପାଦନକୁ ୧.୨ ଲକ୍ଷ ବ୍ୟାରେଲ କମାଇବା ପାଇଁ ରାଜି ହୋଇଛି । ସୂଚନାଯୋଗ୍ୟ, ଇରାନ୍‌ ତୈଳ ଉପରେ କଟକଣା ଲଗାଇବା ପରେ ଆମେରିକା ଅନ୍ୟ ତୈଳ ଉତ୍ପାଦନକାରୀ ରାଷ୍ଟ୍ରଗୁଡିକୁ ଯୋଗାଣ ବଢ଼ାଇବା ପାଇଁ ଅନୁରୋଧ କରିଥିଲା । ନିଜେ ଆମେରିକା ମଧ୍ୟ ବୃହତ୍‌ ମାତ୍ରାରେ ତୈଳ ଉତ୍ପାଦନ କରିଥିଲା । ବର୍ଦ୍ଧିତ ଉତ୍ପାଦନ ଦ୍ୱାରା ଯୋଗାଣ ବଢ଼ିବା ଫଳରେ ଦର ଖସି ଆସିଥିଲା, ଯେଉଁଥିପାଇଁ ଓପେକ୍‌କୁ କ୍ଷତି ସହିବାକୁ ପଡିଥିଲା । ତେଣୁ ଯୋଗାଣ କମାଇ ଦରକୁ ନିୟନ୍ତ୍ରଣ କରିବା ନିମନ୍ତେ ଓପେକ୍‌ ଉତ୍ପାଦନ ହ୍ରାସ ନିଷ୍ପତ୍ତି ଗ୍ରହଣ କରିଛି । ଗତ ପକ୍ଷରେ ଭାରତୀୟ ବାସ୍କେଟ୍‌ କ୍ରୁଡ୍‌ ଦର ବ୍ୟାରେଲ ପିଛା ୫୮.୭୧ ଟଙ୍କା ଥିଲା । ଏବେ ଏହା ୬୫ ଡଲାରରୁ ଉଦ୍ଧ୍ୱର୍ରେ ପହଞ୍ଚିଛି । ଏହି ଆଧାରରେ ବିଶେଷଜ୍ଞମାନେ ଆକଳନ କରିଛନ୍ତି ଯେ, ଆଗକୁ ପେଟ୍ରୋଲ ଏବଂ ଡିଜେଲ ଦାମ୍‌ ବଢ଼ିପାରେ । ଅଶୋଧିତ ତୈଳ ମହଙ୍ଗା ହେବା ଦ୍ୱାରା ଚଳିତ ଆର୍ଥିକ ବର୍ଷ ତେଲ ଆମଦାନୀ ଖର୍ଚ୍ଚ ୫ ବର୍ଷର ରେକର୍ଡ ସ୍ତରରେ ପହଞ୍ଚିପାରେ । ୨୦୧୮ ଏପ୍ରିଲରୁ ଡିସେମ୍ବର ମଧ୍ୟରେ ଦେଶକୁ ମୋଟ ୬.୦୭ ଲକ୍ଷ କୋଟି ଟଙ୍କାରୁ ଊଦ୍ଧ୍ୱର୍ ତୈଳ ଆମଦାନୀ ହୋଇଛି । ୩ ମାସରେ ଏହା ୧.୮ ଲକ୍ଷ କୋଟି ଟଙ୍କା ବଢ଼ିପାରେ । ଏଭଳି ଭାବେ ୨୦୧୮-୧୯ ଆର୍ଥିକବର୍ଷରେ ତୈଳ ଆମଦାନୀ ବିଲ୍‌ ୭.୮୭ ଲକ୍ଷ କୋଟି ଟଙ୍କା ପର୍ଯ୍ୟନ୍ତ ପହଞ୍ଚିପାରେ । ସୂଚନାଯୋଗ୍ୟ, ୨୦୧୩-୧୪ରେ ତୈଳ ଆମଦାନୀରେ ରେକର୍ଡ ୫.୬୪ ଲକ୍ଷ କୋଟି ଟଙ୍କା ଖର୍ଚ୍ଚ ହୋଇଥିଲା ।

ସମ୍ବନ୍ଧିତ ଖବର