PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • ଭୁବନେଶ୍ୱର: ଆଜି ଇଣ୍ଡିଆନ ଗ୍ରାଁପ୍ରି-୩: ଅମିୟ ଓ ଶ୍ରାବଣୀ ଦୌଡ଼ିବେ, ପ୍ରତିଯୋଗିତାରେ ସାମିଲ ହେବେନି ଦୂତି
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ବହୁ ବିଜେପି ନେତା ଟ୍ବିଟରରେ ନିଜ ନାମ ପୂର୍ବରୁ ଲେଖିଲେ ‘ଚୌକିଦାର’

ନୂଆଦିଲ୍ଲୀ,୧୭।୩; ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ନିଜର ଟ୍ବିଟର ହାଣ୍ଡେଲରେ ନିଜର ନାମ ବଦଳାଇ ‘ଚୌକିଦାର ନରେନ୍ଦ୍ର’ ମୋଦି କରିଦେଇଛନ୍ତି। ମୋଦି ଟ୍ବିଟରରେ ନିଜର ନାମ ପରିର୍ବତ୍ତନ କରିବା ପରେ ଅମିତ ଶାହାଙ୍କ ସହ ବିଜେପିର ବହୁ ମନ୍ତ୍ରୀ ନିଜ ନାମ ପୂର୍ବରୁ ଚୌକିଦାର ଲେଖିଛନ୍ତି। ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଟ୍ବିଟର ହାଣ୍ଡେଲରେ ନିଜର ନାମକୁ ବଦଳାଇ ‘ଚୌକିଦାର ଅମିତ ଶାହା’ କରିଛନ୍ତି। ଏହା ସହ ଶାହା ନିଜ ଟ୍ବିଟରରେ ଉଲ୍ଳେଖ କରିଛନ୍ତି ’ଯିଏ ସ୍ବଚ୍ଚତାକୁ ସଂସ୍କାର କରିଛି, ସେ ଚୌକିଦାର ଅଟେ।’ ଏହା ପୂର୍ବରୁ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ବିଜେପି ନିର୍ବାଚନ ପ୍ରଚାରର ଧାରାରେ ‘ମେଁ ଭି ଚୌକିଦାର’ ଅଭିଯାନ ଆରମ୍ଭ କରିଦେଇଛି। ତେବେ ଆସନ୍ତୁ ଜାଣିବା କେଉଁ କେଉଁ ନେତା ଚୌକିଦାର ଅଭିଯାନ ସହ ନିଜକୁ ଯୋଡି ପାରିଛନ୍ତି।

ଉଲ୍ଳେଖନୀୟ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜକୁ ଏଭଳି ଏକ ଚୌକିଦାର କୁହନ୍ତି ଯିଏ ଭ୍ରଷ୍ଟାଚାରକୁ ଅନୁମତି ଦେଇନଥାଏ ଓ ନି​‌ଜେ ଭ୍ରଷ୍ଟାଚାର କରିଥାଏ। କଂଗ୍ରେସ ଅଧ୍ୟକ୍ଷ ରାହୁଳ ଗାନ୍ଧି ରାଫେଲ ଯୁଦ୍ଧ ବିମାନ ଚୁକ୍ତିରେ ଅନିୟମିତତା ନେଇ ମୋଦିଙ୍କୁ ବାରମ୍ବାର ଟାର୍ଗେ କରି ‘ଚୌକିଦାର ଚୋର ହେ’ ସ୍ଲୋଗାନ ଦେଉଥିଲେ। ବିରୋଧୀଙ୍କ ଏହି ସ୍ଲୋଗାନକୁ ଏବେ ବିଜେପି ନିଜର ନିର୍ବାଚନୀ  ପ୍ରଚାରରେ ସାମିଲ କରିଛି।

ଗତାକାଲି ପ୍ରଧାନମନ୍ତ୍ରୀ ମୋଦି ଆରମ୍ଭ କରିଛନ୍ତି ‘ମେଁ ଭି ଚୌକିଦାର’ ଅଭିଯାନ। ଏହି ଅଭିଯାନକୁ ଆରମ୍ଭ କରି ସେ କହିଛନ୍ତି ଆପଣଙ୍କ ଚୌକିଦାର ଦେଶ ସେବାରେ ମଜବୁତ ଭାବରେ ଠିଆ ରହିଛି। ଏହା ସହ ନିଜର ସମର୍ଥକଙ୍କୁ ସେ ଅପିଲ କରିଛନ୍ତି ‘ମେଁ ଭି ଚୌକିଦାର’ର ସଂକଳ୍ପ ନିଅନ୍ତୁ। କେବଳ ସେ ନୁହେଁ ଦେଶର ପ୍ରତ୍ୟେକ ନାଗରିକ ଚୌକିଦାର । ମୋଦି ନିଜର ଟ୍ବିଟର ହାଣ୍ଡେଲରେ ‘ମେଁ ଭି ଚୌକିଦାର’ ସ୍ଳୋଗାନ ଦେଇ ଏହି ଅଭିଯାନକୁ ଶୁଭାରମ୍ଭ କରିଛନ୍ତି। ପ୍ରଧାନମନ୍ତ୍ରୀ ତାଙ୍କ ଟ୍ବିଟରରେ ୩.୪୫ ମିନିଟ୍ ର ଭିଡିଓ ଜାରି କରିଛନ୍ତି । ଭିଡିଓରେ ‘ମେଁ ଭି ଚୌକିଦାର’ କ୍ୟାମ୍ପେନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ମାର୍ଚ୍ଚ ୩୧ ରେ ସନ୍ଧ୍ୟା ୬ଟାରେ ସାମିଲ ହେବାକୁ ଆହ୍ବାନ ଦିଆଯାଇଛି ।

ସମ୍ବନ୍ଧିତ ଖବର