PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି ସନ୍‌ସାଇନ୍‌ ସ୍କୁଲ୍‌ ସଭାପତି ଗୋବିନ୍ଦ ସାହୁ ଗିରଫ , ମମିତା ମର୍ଡର ମିଷ୍ଟ୍ରିର ମୋଷ୍ଟ ୱାଣ୍ଟେଡ୍‌ ଗୋବିନ୍ଦ ସାହୁ
  • ||
  • ବଲାଙ୍ଗୀର: ମୁଖ୍ୟଅଭିଯୁକ୍ତ ଚମ୍ପଟ ପରେ ଜବତ କାରର ବଢ଼ିଲା ସୁରକ୍ଷା, ଗୋବିନ୍ଦଙ୍କ ପରେ କାରକୁ ଉଠାଇଥିଲା ପୁଲିସ
  • ||
  • ବଲାଙ୍ଗୀର : ଫେରାର୍ ଗୋବିନ୍ଦ ସାହୁକୁ ଧରିବା ପାଇଁ ବଢିଲା ପୁରସ୍କାର ରାଶି, ସୂଚନା ଦେଲେ ମିଳିବ ୧ ଲକ୍ଷ୍ୟ ଟଙ୍କା ପୁରସ୍କାର ରାଶି
  • ||
  • ବଲାଙ୍ଗୀର: ମୋଷ୍ଟ ଓ୍ବାଣ୍ଟେଡ ଗୋବିନ୍ଦ ସାହୁ, ଧରାଇ ଦେଲେ ଦିଆଯିବ ୨୦ ହଜାର ଟଙ୍କାର ପୁରଷ୍କାର
  • ||
  • ବ୍ରହ୍ମପୁର: ଗୋପାଳପୁର ଛକ ନିକଟରେ ବାଇକକୁ ଧକ୍କା ଦେଲା କାର୍, ଜଣେ ମୃତ ଓ ଦୁଇ ଜଣ ଆହତ
  • ||
  • ବଲାଙ୍ଗୀର: ମହାଲିଙ୍ଗ ମିନି ଷ୍ଟାଡିୟମରୁ ପୋତା ଯାଇଥିବା ମମିତା ମେହେରଙ୍କ ମୃତ ଦେହ ଉଦ୍ଧାର, ଡିଏନଏ ପରୀକ୍ଷା ପରେ ସ୍ପଷ୍ଟ ହେବ।
  • ||
  • ରଙ୍ଗେଇଲୁଣ୍ଡା: ଚାଟ୍ ମାଗିବାକୁ ନେଇ ଗଣ୍ଡଗୋଳରେ ଜଣେ ଗୁରୁତର, ଦମ୍ପତ୍ତି ଆହତ
  • ||
  • ଟିକିଟି: ସିଦ୍ଧ ବାରାହୀ ପୀଠରୁ ଚୋରି, ଦେବୀଙ୍କ ପିତଳ ମୁକୁଟ (ପ୍ରାୟ ଦେଢ଼ କିଲୋ) ସହ ୨୦ ତୋଳାରୁ ଅଧିକ ରୁପା ଅଳଙ୍କାର ଚୋରି ଅଭିଯୋଗ
  • ||
  • ଭୁବନେଶ୍ୱର: ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୨୯୪କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୫୫୬ କୋଭିଡ୍ ପଜିଟିଭ୍
  • ||
  • ସାଲେପୁର : ବନ୍ଦ କୋଠରୀରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
  • ||
  • ନୀଳଗିରି: ନିଶ୍ଚିତପୁରରେ ଭାଲୁ ଆକ୍ରମଣରେ ଜଣେ ଗୁରୁତର
  • ||
  • ଜଳେଶ୍ବର: ଜଳେଶ୍ବର ଷ୍ଟେସନ ବଜାରସ୍ଥିତ ଡାଇମଣ୍ଡ ହୋଟେଲ ଉପରେ ଚଢାଉ, ୨ କୋଟିରୁ ଊର୍ଦ୍ଧ୍ବ ଟଙ୍କାର ବ୍ରାଉନସୁଗାର ଜବତ
  • ||

ବୌଦ୍ଧରେ ପ୍ରଧାନମନ୍ତ୍ରୀ କିଷାନ ନିଧି ଯୋଜନା ଶୁଭାରମ୍ଭ: ୪୫ ଲକ୍ଷ ଚାଷୀଙ୍କ ତାଲିକା ଶୀଘ୍ର ଦିଅ: ଧର୍ମେନ୍ଦ୍ର

ଭୁବନେଶ୍ୱର,୨୪ା୨(ବ୍ୟୁରୋ): ପ୍ରଧାନମନ୍ତ୍ରୀ କିଷାନ ଯୋଜନାରେ ଓଡ଼ିଶାର ଚାଷୀମାନେ ଲାଭ ପାଇବାକୁ ଯାଉଛନ୍ତି । କିନ୍ତୁ ଏବେସୁଦ୍ଧା ରାଜ୍ୟ ସରକାର ଦିଲ୍ଲୀକୁ ୯ଲକ୍ଷ ଚାଷୀଙ୍କ ତାଲିକା ପଠାଇଛନ୍ତି । ସରକାରଙ୍କ ପାଖରେ ଯଦି ୫୦ଲକ୍ଷ ଚାଷୀଙ୍କ ତାଲିକା ଅଛି, ତେବେ କାହିଁକି ୯ଲକ୍ଷ ଚାଷୀଙ୍କ ତାଲିକା ପଠାଇଛ? ରାଜ୍ୟ ସରକାର ତୁରନ୍ତ ୪୫ଲକ୍ଷ ଚାଷୀଙ୍କ ତାଲିକା କେନ୍ଦ୍ରକୁ ପଠାନ୍ତୁ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ବୌଦ୍ଧରେ ପ୍ରଧାନମନ୍ତ୍ରୀ କିଷାନ ନିଧି ଯୋଜନାର ଶୁଭାରମ୍ଭ କାର୍ଯ୍ୟକ୍ରମରେ ରାଜ୍ୟ ସରକାରଙ୍କୁ ଏଭଳି ପ୍ରଶ୍ନ କରିଛନ୍ତି ।
ବୌଦ୍ଧର କଣ୍ଟାମାଳଠାରେ ପ୍ରଧାନମନ୍ତ୍ରୀ କିଷାନ ନିଧି ଯୋଜନାର ଶୁଭାରମ୍ଭ ହୋଇଛି । ଶ୍ରୀ ପ୍ରଧାନ ଏଥିରେ ଯୋଗଦେଇ କହିଥିଲେ, ଚାଷୀଙ୍କୁ ବାର୍ଷିକ ୬ହଜାର ଟଙ୍କା ସିଧାସଳଖ ଦେବାକୁ ପ୍ରଧାନମନ୍ତ୍ରୀ ଆଜି ଉତ୍ତରପ୍ରଦେଶ ଗୋରଖପୁରଠାରେ ଏହି ଯୋଜନା ଆରମ୍ଭ କରିଛନ୍ତି । ଏବେ ଦେଶର କୋଣ ଅନୁକୋଣରେ ଏହି ଯୋଜନାର ଲୋକାର୍ପଣ ହେବ ।
ତେବେ ପ୍ରଧାନମନ୍ତ୍ରୀ କିଷାନ ନିଧି ଯୋଜନା ପାଇଁ ରାଜ୍ୟ ସରକାର କେନ୍ଦ୍ରକୁ ମାତ୍ର ୯ଲକ୍ଷ ଚାଷୀଙ୍କ ତାଲିକା ପଠାଇଛନ୍ତି । ଗୋଟେ ପଟେ ରାଜ୍ୟ ସରକାର କହୁଛନ୍ତି ଯେ, ମୁଖ୍ୟମନ୍ତ୍ରୀ କାଳିଆ ଯୋଜନାରେ ୫୦ଲକ୍ଷ ଲୋକଙ୍କୁ ଲାଭ ଦେବେ । ଭୂମିହୀନ ଚାଷୀଙ୍କୁ ବାଦ୍‌ ଦେଲେ ରାଜ୍ୟର କ୍ଷୁଦ୍ର ଓ ନାମମାତ୍ର ଚାଷୀଙ୍କ ସଂଖ୍ୟା ପ୍ରାୟ ୪୫ଲକ୍ଷ ହେବ । ହେଲେ ୪୫ଲକ୍ଷ ଚାଷୀଙ୍କ ତାଲିକା ନ ପଠାଇ ୯ଲକ୍ଷଙ୍କ ତାଲିକା କାହିଁକି ପଠାଯାଇଛି? ରାଜ୍ୟ ସରକାର ପ୍ରଥମ ୧୨ଲକ୍ଷ ଚାଷୀଙ୍କ ତାଲିକା ପଠାଇଲେ ନାହିଁ । ୯-୧୨ର ଏହି ହିସାବକୁ ନେଇ କାଳିଆ ଯୋଜନାର ହିତାଧିକାରୀ ତାଲିକା ନେଇ ସନ୍ଦେହ ସୃଷ୍ଟି କରୁଛି ବୋଲି ଧର୍ମେନ୍ଦ୍ର କହିଛନ୍ତି ।
ପ୍ରଧାନମନ୍ତ୍ରୀ କିଷାନ ଯୋଜନା ପାଇଁ ମୋଦି ଚଳିତ ବଜେଟ୍‌ରେ ଅର୍ଥ ବ୍ୟବସ୍ଥା କରିଛନ୍ତି । ଆଗାକୁ ଏହି ସହାୟତା ଟଙ୍କା ମଧ୍ୟ ବୃଦ୍ଧି କରାଯାଇପାରେ ବୋଲି ଅର୍ଥମନ୍ତ୍ରୀ ସୂଚନା ଦେଇ ସାରିଛନ୍ତି । କିନ୍ତୁ ଓଡ଼ିଶା ସରକାର କାଳିଆ ଯୋଜନା ପାଇଁ ଘୋଷଣା କରିଛନ୍ତି ସତ, ହେଲେ ଏଥିପାଇଁ ବଜେଟ୍‌ରେ ଅର୍ଥର ବ୍ୟବସ୍ଥା ହୋଇନି । ଏ ଘର ମାଉସୀ, ସେ ଘର ପିଉସୀ ନାଁରେ ଏପଟ ସେପଟ କରି ଟଙ୍କା ଯୋଗାଡ଼ ପାଇଁ ଲକ୍ଷ୍ୟ ରଖିଛନ୍ତି ବୋଲି ଧର୍ମେନ୍ଦ୍ର କଟାକ୍ଷ କରି କହିଛନ୍ତି ।
ଗୋଟେ ପଟେ ରାଜ୍ୟ ସରକାର କହୁଛନ୍ତି କାଳିଆ ରଥ କେବେ ଅଟକିବନି । ହେଲେ ବଜେଟ୍‌ରେ ପଇସା ନାହିଁ । ପକେଟ୍‌ରେ ଧନ ନାହିଁ, ହେଲେ ଯାତ୍ରା ଦେଖିବାକୁ ମନ । ଯୋଜନାରେ ପ୍ରଥମେ ୧୨ଲକ୍ଷ ଚାଷୀଙ୍କ ନାଁ ରଖାଗଲା । କିନ୍ତୁ ଏ ଯୋଜନାରେ ମନ୍ତ୍ରୀ, ବିଧାୟକଙ୍କ ସମ୍ପର୍କୀୟ ଓ ସରକାରୀ କର୍ମଚାରୀଙ୍କ ନାଁ ଥିବା ଗଣମାଧ୍ୟମରେ ରିପୋର୍ଟ ବାହାରିଲା । କାଳିଆ ଯୋଜନା ନାମମାତ୍ର ଓ କ୍ଷୁଦ୍ରଚାଷୀ ନା ଥିଲାବାଲାଙ୍କ ପାଇଁ ହୋଇଛି ବୋଲି ଧର୍ମେନ୍ଦ୍ର ପ୍ରଶ୍ନ କରିଛନ୍ତି । ଭୂମିହୀନ, ନାମମାତ୍ର ଓ କ୍ଷୁଦ୍ର ଚାଷୀଙ୍କ ସଂଖ୍ୟା ୫୦ଲକ୍ଷ ବୋଲି ରାଜ୍ୟ ସରକାର ଦାବି କରୁଛନ୍ତି । କିନ୍ତୁ ୬୭ଲକ୍ଷ ଫର୍ମ କେଉଁଠୁ ଆସିଲା ବୋଲି ସେ ପ୍ରଶ୍ନ ଉଠାଇଛନ୍ତି ।
ଏକ ସାଙ୍କେତିକ ଯୋଜନା ନାଁରେ ଓଡ଼ିଶାର ଚାଷୀଙ୍କୁ ବଞ୍ଚିତ କରିବାକୁ ଚେଷ୍ଟା କରାଯାଉଛି । ପ୍ରଧାନମନ୍ତ୍ରୀ ମୋଦି ଏବଂ ଓଡି଼ଶାର ଚାଷୀଙ୍କ ଭିତରେ ବ୍ୟବଧାନ ତିଆରି ପାଇଁ ଅପପ୍ରୟାସ ନ ହେଉ ବୋଲି ସେ କହିଛନ୍ତି । ରାଜ୍ୟ ସରକାର ବଦଳିଲେ ହିଁ ଓଡ଼ିଶାରେ ମୋଦି ସରକାର ଆସିବ । ଫିର୍‌ ଏକ ବାର୍‌ ମୋଦି ସରକାର ହେବ । ଏଥିପାଇଁ ପରିଶ୍ରମ କରିବାକୁ ପଡ଼ିବ । ଆଗାମୀ ନିର୍ବାଚନରେ ଡବଲ୍‌ ଇଞ୍ଜିନ ଲଗାଇବାକୁ ଧର୍ମେନ୍ଦ୍ର ଉପସ୍ଥିତ ଲୋକଙ୍କୁ ଆହ୍ୱାନ ଦେଇଛନ୍ତି ।

ସମ୍ବନ୍ଧିତ ଖବର