PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଭିଡ୍ ନିୟମରେ ପରିବର୍ତ୍ତନ; କରୋନା ପଜିଟିଭ୍ ରିପୋର୍ଟ ନଥିଲେ ବି ଡାକ୍ତରଖାନାରେ ମିଳିବ ଆଡ୍‌ମିଶନ
  • ||
  • ବିହାର : JDU ନେତା ତଥା MLC ତନଭୀର ଅଖତରଙ୍କ ମୃତ୍ୟୁ , କରୋନାରେ ପୀଡ଼ିତ ଥିଲେ
  • ||
  • ଦାଦନ ଖଟିବାକୁ ଯାଇ ତେଲେଙ୍ଗାନାରେ ସାପ କାମୁଡ଼ାରେ ପ୍ରାଣହରାଇଲେ ଶ୍ରମିକ
  • ||
  • ଜଳେଶ୍ୱର: ଘରୋଇ କ୍ଲିନିକରେ ପୁଣି ପ୍ରସବ ପରେ ମହିଳାଙ୍କ ମୃତ୍ୟୁ
  • ||
  • ବିରମହାରାଜପୁର : ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ସହରର ସାମ୍ବାଦିକ ଭବନ ନିକଟରେ ଅଳିଆ ଗଦାରୁ ନିଆଁ ଲାଗି ପୋଡିଗଲା ସେଲୁନ
  • ||
  • ବ୍ରହ୍ମପୁର : ବ୍ରହ୍ମପୁରରେ ପୁଲିସ ଡିଜି, ସୁରକ୍ଷା ବ୍ୟବସ୍ଥା ସମୀକ୍ଷା କରିବା ପରେ ଗିରିସଲା ସୀମାକୁ ଯିବେ
  • ||
  • ପାରାଦୀପ : ଥାନାରେ ପଶି ଧମକ ଦେବା ଅଭିଯୋଗରେ ୨ ନକଲି ସାମ୍ବାଦିକ ଗିରଫ, ଡ୍ରାଇଭର ସମେତ ୩ ଦାମୀ କାର ଜବତ
  • ||
  • ନୂଆଦିଲ୍ଲୀ : ଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧ ହଜାର ୭୮ ନୂଆ କରୋନା ଆକ୍ରାନ୍ତ ଚିହ୍ନଟ, ୪ ହଜାର ୧୮୭ ଜଣଙ୍କ ମୁଣ୍ଡ ନେଲା କରୋନା
  • ||
  • କଟକ: ଶୁକ୍ରବାର ରାତିରୁ ଏସସିବି କାଜୁଆଲଟିରେ ପଡି ରହିଛି କୋଭିଡ ସଂକ୍ରମିତଙ୍କ ମୃତଦେହ, ଏନେଇ ଅସନ୍ତୋଷ ବ୍ୟକ୍ତ କଲେ ଡାକ୍ତର ଓ କର୍ମଚାରୀ
  • ||
  • ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗିପଲ୍ଲୀ ନିକଟରେ ଓଲଟିଲା ସ୍ପିରିଟ ବୋଝେଇ ଟ୍ରକ, ୨ ଆହାତ
  • ||
  • ସାଲେପୁର : ସାଲେପୁର ସବ୍-ଜେଲରୁ ଆଉ ୯ଜଣ କଏଦୀ କରୋନା ପଜିଟିଭ୍‌ ଚିହ୍ନଟ
  • ||
  • କୋରାପୁଟ:ହଳଦୀକୁଣ୍ଡ ପଞ୍ଚାୟତର ପୁରୁଣାପାଣି ଗାଁରେ ଘଟିଲା ଆଘଟଣ, ପୋଖରୀରେ ବୁଡି ଆଖିବୁଜିଲେ ମା’- ଝିଅ
  • ||
  • ଗଞ୍ଜାମ: ପୁଇଁତୋଳା ଛକରେ ଅଟୋ ପିଟିଲା ଟ୍ରକ, ଅଟୋ ଡ୍ରାଇଭର ମୃତ ,୩ ଆହତ
  • ||
  • ଭୁବନେଶ୍ଵର : ଆଇଗିଣିଆ ଛକରେ ମର୍ମନ୍ତୁଦ ଦୁର୍ଘଟଣା, କଣ୍ଟେନର ଖସି ଟ୍ରଲର ଡ୍ରାଇଭର ମୃତ, ହେଲପର ଗୁରୁତର
  • ||
  • ଭୁବନେଶ୍ୱର : ଓଡ଼ିଶାରେ କରୋନା ନେଲା ଆଉ ୨୧ ଜଣଙ୍କ ମୁଣ୍ଡ, ମୃତ୍ୟୁ ସଂଖ୍ୟା ୨୧୬୧କୁ ବୃଦ୍ଧି
  • ||
  • ରାଞ୍ଚି : ଝାରଖଣ୍ଡର ରାଞ୍ଚିର ସଦର ହସ୍ପିଟାଲରେ ଅକ୍ସିଜେନ୍ ସପ୍ଲାଇ ବନ୍ଦ ହେବା କାରଣରୁ ୫ ରୋଗୀ ମୃତ, ଯାଞ୍ଚ୍ ନିର୍ଦ୍ଦେଶ ଦେଲେ ସ୍ଵାସ୍ଥ୍ୟମନ୍ତ୍ରୀ
  • ||
  • ଭୁବନେଶ୍ଵର : ଓଡ଼ିଶାରେ କରୋନା ବିସ୍ଫୋରଣ, ଦିନକରେ ଚିହ୍ନଟ ହେଲେ ୧୧ ହଜାର ୮୦୭ ପଜିଟିଭ ଆକ୍ରାନ୍ତ
  • ||
  • ଭୁବନେଶ୍ଵର : ଆଜି ଅଧା ଓଡ଼ିଶାରେ କାଳବୈଶାଖୀ, ୩ ଜିଲ୍ଲାରେ କୁଆପଥର ବର୍ଷିବା ନେଇ ସତର୍କ ସୂଚନା ଜାରି କଲେ ସ୍ୱତନ୍ତ୍ର ରିଲିଫ୍‌ କମିଶନର, ୧୧ରୁ ବଢ଼ିବ ତାତି
  • ||

ପିଏମ୍‌-କିଷାନରେ ଓଡ଼ିଶା; ତାଲିକା ଦେବା ମାତ୍ରେ ଟଙ୍କା ମିଳିବ: ଧର୍ମେନ୍ଦ୍ର

ଭୁବନେଶ୍ୱର,୨୧ ।୨(ବ୍ୟୁରୋ): ବାଦ-ବିବାଦ ଓ ଭିଡ଼ା ଓଟରାରେ ପଡ଼ିଛି ପୂର୍ଣ୍ଣଛେଦ । ପ୍ରଧାନମନ୍ତ୍ରୀ କିଷାନ ଯୋଜନାରେ ଓଡ଼ିଶା ସାମିଲ ହେବ । ରାଜ୍ୟର ଚାଷୀମାନେ ପାଇବେ ଆର୍ଥିକ ସହାୟତା । ଏଥିପାଇଁ ଖୁବଶୀଘ୍ର ରାଜ୍ୟ ସରକାର କେନ୍ଦ୍ରକୁ ଚାଷୀଙ୍କ ତାଲିକା ଦେବେ । ରାଜ୍ୟ ସରକାରଙ୍କ ନିଜସ୍ୱ ଯୋଜନା ‘କାଳିଆ’ରେ ପ୍ରଥମ ପର୍ଯ୍ୟାୟରେ ସହାୟତା ପାଇଥିବା ୧୨ ଲକ୍ଷ ୪୫ ହଜାର କ୍ଷୁଦ୍ର ଓ ନାମମାତ୍ର ଚାଷୀଙ୍କ ତାଲିକା ପଠାଯିବ ।
କେନ୍ଦ୍ରର ଆୟୁଷ୍ମାନ ଭାରତକୁ ନା କହିଥିବା ରାଜ୍ୟ ସରକାର ‘କିଷାନ’ ଯୋଜନାକୁ କାର୍ଯ୍ୟକାରୀ କରିବେ ନା ନାହିଁ? ଏହାକୁ ନେଇ ଚାଲିଥିଲା ଟଣାଓଟରା । କେନ୍ଦ୍ରକୁ ଚାଷୀ ତାଲିକା ଦେବାରେ ରାଜ୍ୟ ଦିନ ଗଡ଼ାଇ ଚାଲିଥିଲା ବେଳେ କେନ୍ଦ୍ର ମନ୍ତ୍ରୀମାନେ ଏଥିପାଇଁ ରାଜ୍ୟ ସରକାରଙ୍କୁ କାଠଗଡ଼ାରେ ଛିଡ଼ା କରାଇଥିଲେ । ‘କାଳିଆ’ ଭଳି କିଷାନରେ ଭାଗଚାଷୀ, ଭୂମିହୀନ ଓ ଅକ୍ଷମ ଚାଷୀଙ୍କ ପାଇଁ କିଛି ବ୍ୟବସ୍ଥା ନଥିବା କଥା ମୁଖ୍ୟମନ୍ତ୍ରୀ ଉଠାଇବା ସହ କେନ୍ଦ୍ରକୁ ଚିଠି ଲେଖିଥିଲେ । ତେଣୁ କିଷାନ ଯୋଜନାରେ ଓଡ଼ିଶା ସାମିଲ୍‌ ହେବ ନା ନାହିଁ ତାହା ପ୍ରଶ୍ନବାଚୀରେ ଥିଲା । ଗୁରୁବାର କିନ୍ତୁ ରାଜ୍ୟ ସଚିବାଳୟରେ ଏକ ଉଚ୍ଚସ୍ତରୀୟ ବୈଠକ ବସି ପ୍ରଧାନମନ୍ତ୍ରୀ କିଷାନକୁ କାର୍ଯ୍ୟକାରୀ କରାଯିବ ବୋଲି ନିଷ୍ପତ୍ତି ନେଇଥିବା ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀ ସୂଚନା ଦେଇଛନ୍ତି । ପ୍ରଥମ ପର୍ଯ୍ୟାୟରେ କାଳିଆରେ ସହାୟତା ପାଇଥିବା ଚାଷୀମାନଙ୍କ ନାମ କେନ୍ଦ୍ରକୁ ପଠାଯିବ ବୋଲି ସେ ସ୍ପଷ୍ଟ କରିଛନ୍ତି । କୃଷି ସଚିବ ସୌରଭ ଗର୍ଗ କହିଛନ୍ତି, କେନ୍ଦ୍ରକୁ ତାଲିକା ଦେବାକୁ ରାଜ୍ୟର ପ୍ରସ୍ତୁତି ସରିଛି । କିଷାନ ଯୋଜନାରେ ହିତାଧିକାରିମାନେ ପ୍ରଥମ ପର୍ଯ୍ୟାୟରେ ୨ ହଜାର ଟଙ୍କା ଲେଖାଏଁ ପାଇବେ ।
ଉଲ୍ଲେଖଯୋଗ୍ୟ, କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ସୁନିଶ୍ଚିତ ଆୟ ସହାୟତା ପାଇଁ ଗତ ବଜେଟରୁ ଆରମ୍ଭ ହୋଇଛି ‘ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି’ ନାମକ ଐତିହାସିକ ସ୍କିମ୍‌ । ୨ ହେକ୍ଟର ପର୍ଯ୍ୟନ୍ତ ଚାଷଜମି ଥିବା ଦେଶର ପ୍ରତିଟି ଚାଷୀଙ୍କୁ ବାର୍ଷିକ ୬,୦୦୦ ଟଙ୍କାର ଆର୍ଥିକ ସହାୟତା ଯୋଗାଇ ଦିଆଯିବ । ହିତାଧିକାରୀଙ୍କ ବ୍ୟାଙ୍କ ଖାତାକୁ ୩ଟି କିସ୍ତିରେ ୨,୦୦୦ ଟଙ୍କା ଲେଖାଏଁ ପାଣ୍ଠି ସ୍ଥାନାନ୍ତର କରାଯିବ । ଏଥିପାଇଁ ସମ୍ପୂର୍ଣ୍ଣ ପାଣ୍ଠି କେନ୍ଦ୍ର ବହନ କରିବ । ମାତ୍ର ଏ ଯୋଜନା ଘୋଷଣା ପୂର୍ବରୁ ରାଜ୍ୟ ସରକାର ନିଜସ୍ୱ କାଳିଆ ଯୋଜନା ଆରମ୍ଭ କରିଥିଲେ । କିଷାନ ଯୋଜନାକୁ କାର୍ଯ୍ୟକାରୀ କରିବାକୁ କେନ୍ଦ୍ରକୁ ଚାଷୀ ତାଲିକା ଦେବାରେ ରାଜ୍ୟର ବିଳମ୍ବ ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଭିନ୍ନ ସଭାସମିତିରେ ରାଜ୍ୟକୁ ସମାଲୋଚନା କରିଥିଲେ । ଗୁରୁବାର ଓଡ଼ିଶା ଗସ୍ତରେ ଆସିଥିବା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ନବୀନ ଜାଣିଶୁଣି ‘କିଷାନ’କୁ କାର୍ଯ୍ୟକାରୀ କରିବାକୁ ଚାହୁଁନାହାନ୍ତି ବୋଲି ଅଭିଯୋଗ କରିଥିଲେ । ଏ ପ୍ରସଙ୍ଗରେ ବିବାଦ ଜୋର ଧରିବା ପରେ ଆଜି କିଷାନ କାର୍ଯ୍ୟକାରୀ କରିବାକୁ ରାଜ୍ୟ ନିଷ୍ପତ୍ତି ନେଇଛି ।
ଏପଟେ କିଷାନରେ ସାମିଲ ହେବ ବୋଲି ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ସେପଟେ ବରଗଡ଼ ଚାଷୀ ମହାସମାବେଶରେ ମୁଖ୍ୟମନ୍ତ୍ରୀ କେନ୍ଦ୍ର ଉପରେ ଜୋରଦାର ବର୍ଷିଛନ୍ତି । ଚାଷୀଙ୍କୁ କିଷାନ ଯୋଜନାରେ ୬ ହଜାର ବଦଳରେ ୧୦ ହଜାର ଦେବାକୁ ଦାବି କରିଛନ୍ତି । ଏପରିକି ସେ ଗତ ୩ ଦିନ ହେବ ରାଜ୍ୟର ବିଭିନ୍ନ ସମାବେଶରେ ‘କାଳିଆ’ର ପ୍ରଶଂସା କରିବା ସହ ‘କିଷାନ’କୁ ସମାଲୋଚନା କରିଛନ୍ତି । କିଷାନରେ ଭାଗଚାଷୀ, ଭୂମିହୀନ ଓ ଅକ୍ଷମ ଚାଷୀଙ୍କ ପାଇଁ ବ୍ୟବସ୍ଥା କରିବାକୁ ସେ ପ୍ରଧାନମନ୍ତ୍ରୀଙ୍କୁ ଚିଠି ଲେଖି ଅନୁରୋଧ ମଧ୍ୟ କରିଛନ୍ତି ।
ରାଜ୍ୟ ସରକାରଙ୍କ ସୂଚନା ଅନୁସାରେ, ‘କାଳିଆ’ ଯୋଜନାରେ ଏ ଯାଏ ୩୦ ଲକ୍ଷ ୪୦ ହଜାର ୩୮ ଜଣ ଚାଷୀଙ୍କୁ ମିଳିଛି ଆର୍ଥିକ ସହାୟତା । ପ୍ରତି ଚାଷୀଙ୍କ ଆକାଉଣ୍ଟକୁ ସରକାର ୫ ହଜାର ଟଙ୍କା ଲେଖାଏଁ ପଠାଇଛନ୍ତି । କାଳିଆରେ ସବୁଠାରୁ ଅଧିକ ଚାଷୀ ମୟୂରଭଞ୍ଜ ଜିଲ୍ଲାର ଲାଭବାନ ହୋଇଛନ୍ତି । ଜିଲ୍ଲାର ୨ ଲକ୍ଷ ୨୭ ହଜାର ଚାଷୀ ସହାୟତା ପାଇଥିଲା ବେଳେ ଦେବଗଡ଼ରେ ସର୍ବନିମ୍ନ ୩୬ ହଜାର ୪୬୮ ଜଣ ଟଙ୍କା ପାଇଛନ୍ତି । ବାଲେଶ୍ୱରରେ ୧ ଲକ୍ଷ ୮୨ ହଜାର, ଗଞ୍ଜାମରେ ୧ ଲକ୍ଷ ୯୦ ହଜାର, କଳାହାଣ୍ଡିରେ ୧ ଲକ୍ଷ ୭୩ ହଜାର, ବରଗଡ଼ରେ ୧ ଲକ୍ଷ ୪୭ ହଜାର, କେନ୍ଦୁଝରରେ ୧ ଲକ୍ଷ ୬୨ ହଜାର, ସୁନ୍ଦରଗଡ଼ରେ ୧ ଲକ୍ଷ ୩୧ ହଜାର ଚାଷୀ ସହାୟତା ପାଇଛନ୍ତି । ମାଲକାନଗିରିରେ ୫୫, ୬୯୧, ନୂଆପଡ଼ାରେ ୬୭, ୮୮୨, ଝାରସୁଗୁଡ଼ାରେ ୩୬, ୪୭୯ ଚାଷୀ ସହାୟତା ପାଇଛନ୍ତି ।